ವೈರಲ್ ವಿಡಿಯೋ: ಆಟೋದಿಂದ ಜಾರಿ ಬಿದ್ದ ಬಾಲಕ.. ಬಸ್ ಕೆಳಗೆ ಬೀಳುವಷ್ಟರಲ್ಲಿ ರಕ್ಷಿಸಿದ ಟ್ರಾಫಿಕ್ ಪೊಲೀಸ್
ಟ್ರಾಫಿಕ್ ಪೊಲೀಸ್ ಸಕಾಲದಲ್ಲಿ ಸ್ಪಂದಿಸಿದ್ದರಿಂದ ಓರ್ವ ಬಾಲಕನ ಜೀವ ಉಳಿಯಿತು. ಬಸ್ಸಿನ ಕೆಳಗೆ ಬೀಳಲು ಮುಂದಾದ ಬಾಲಕನನ್ನು ರಕ್ಷಿಸಿದ ಪೊಲೀಸರಿಗೆ ಎಲ್ಲರ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಸದ್ಯ ಈ ವಿಡಿಯೋ ವೈರಲ್ ಆಗುತ್ತಿದೆ. ನೆಟಿಜನ್ಗಳೆಲ್ಲ ಅವರನ್ನು ಹೀರೋ ಎಂದು ಕೊಂಡಾಡುತ್ತಿದ್ದಾರೆ.
ಈ ವಿಡಿಯೋವನ್ನು ಐಎಎಸ್ ಅಧಿಕಾರಿ ಅವನೀಶ್ ಸರಣ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ರಿಕ್ಷಾ ಯು-ಟರ್ನ್ ತೆಗೆದುಕೊಂಡಾಗ ಒಬ್ಬ ಬಾಲಕ ರಸ್ತೆಯ ಮೇಲೆ ಬಿದ್ದಿದ್ದಾನೆ. ಅದೇ ರಸ್ತೆಯಲ್ಲಿ ಬಸ್ಸು ವೇಗವಾಗಿ ಬರುತ್ತಿತ್ತು… ಕೂಡಲೇ ಎಚ್ಚೆತ್ತ, ಅಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಸಂಚಾರಿ ಪೊಲೀಸ್ ಪೇದೆ ಸುಂದರ್ ಲಾಲ್ ಕೂಡಲೇ ಸ್ಥಳಕ್ಕೆ ಧಾವಿಸಿ ಬಸ್ ನಿಲ್ಲಿಸುವಂತೆ ಹೇಳಿ ಬಾಲಕನನ್ನು ಮೇಲೆತ್ತಿದ್ದಾರೆ.
ಈ ಮೂಲಕ ಆ ಬಾಲಕನ ಜೀವ ಉಳಿಸಿದ್ದಾರೆ. ನಂತರ ಹುಡುಗನನ್ನು ಅವನ ತಾಯಿಗೆ ಒಪ್ಪಿಸಿದರು. ಈ ವೀಡಿಯೋ ಇಲ್ಲಿಯವರೆಗೆ 1.7 ಮಿಲಿಯನ್ಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ನೆಟಿಜನ್ಗಳು ಸುಂದರ್ಲಾಲ್ ಅವರ ಸ್ಪಂದನೆಗೆ ಕೊಂಡಾಡುತ್ತಿದ್ದಾರೆ.
Viral Video The boy slipped from the auto Saved by the traffic police
ट्रैफ़िक पुलिस के जवान सुंदर लाल.🙏 pic.twitter.com/ulmX48a5ki
— Awanish Sharan 🇮🇳 (@AwanishSharan) June 12, 2022
