Ram Charan Gifted Gold To Who Worked For RRR :’RRR’ ಚಿತ್ರಕ್ಕಾಗಿ ಕೆಲಸ ಮಾಡಿದವರಿಗೆ ಚಿನ್ನವನ್ನು ಉಡುಗೊರೆಯಾಗಿ ನೀಡಿದ ರಾಮ್ ಚರಣ್, ಮತ್ತೊಮ್ಮೆ ತಮ್ಮ ಒಳ್ಳೆಯತನ ಸಾಭೀತುಪಡಿಸಿದ್ದಾರೆ.
ಪಂಚದಾದ್ಯಂತ ‘RRR’ ಗೆ ಒಳ್ಳೆಯ ಕಲೆಕ್ಷನ್ಗಳು ಬರುತ್ತಿವೆ. ಈಗಾಗಲೇ ಚಿತ್ರ ಕೇವಲ ಎಂಟು ದಿನಗಳಲ್ಲಿ ಏಳುನೂರು ಕೋಟಿ ಗಳಿಸಿ ಹೊಸ ದಾಖಲೆ ಬರೆಯುತ್ತಿದೆ.
ರಾಮ್ ಚರಣ್, ಎನ್.ಟಿ.ಆರ್, ನಿರ್ದೇಶಕ ರಾಜಮೌಳಿ, ನಿರ್ಮಾಪಕ ದಾನಯ್ಯ ಸೇರಿದಂತೆ ಚಿತ್ರತಂಡದ ಎಲ್ಲರು ಚಿತ್ರದ ಯಶಸ್ಸಿನ ಖುಷಿಯಲ್ಲಿದ್ದಾರೆ.
ಮೆಗಾಸ್ಟಾರ್ ಹಾದಿಯಲ್ಲಿ ಮೆಗಾ ಪವರ್ ಸ್ಟಾರ್ ಕೂಡ ಸದಾ ಒಳ್ಳೆಯ ಕೆಲಸ ಮಾಡುವುದರಲ್ಲಿ ಮುಂಚೂಣಿಯಲ್ಲಿರುತ್ತಾರೆ ಮತ್ತು ತನಗಾಗಿ ದುಡಿದವರನ್ನು ಅಭಿನಂದಿಸುತ್ತಾರೆ.
ಇತ್ತೀಚೆಗಷ್ಟೇ ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಮತ್ತೊಮ್ಮೆ ತಮ್ಮ ಒಳ್ಳೆಯತನವನ್ನು ವ್ಯಕ್ತಪಡಿಸಿದ್ದಾರೆ. ‘ಆರ್ಆರ್ಆರ್’ ಚಿತ್ರಕ್ಕಾಗಿ ಕೆಲಸ ಮಾಡಿದ ವಿವಿಧ ವಿಭಾಗಗಳ ಜನರನ್ನು ಉಪಹಾರಕ್ಕೆ ಕರೆಸಿ ಅವರೆಲ್ಲರಿಗೂ ಅನಿರೀಕ್ಷಿತ ಉಡುಗೊರೆಯನ್ನು ನೀಡಿದ್ದಾರೆ.
ಚಿತ್ರಕ್ಕಾಗಿ ಕೆಲಸ ಮಾಡಿದ ವಿವಿಧ ವಿಭಾಗಗಳ ಮುಖ್ಯಸ್ಥರು, ಕ್ಯಾಮೆರಾ ಸಹಾಯಕರು, ನಿರ್ದೇಶನ ವಿಭಾಗದವರು ಸೇರಿದಂತೆ ಸುಮಾರು 35 ಮಂದಿಯನ್ನು ಮನೆಗೆ ಕರೆದು ಉಪಹಾರ ನೀಡಿದ್ದಾರೆ.
ಅವರೊಂದಿಗೆ ಸ್ವಲ್ಪ ಸಮಯ ಕಳೆದ ನಂತರ ಚರಣ್ ಎಲ್ಲರಿಗೂ ಉಪಹಾರದ ವ್ಯವಸ್ಥೆ ಮಾಡಿದರು. ನಂತರ ಪ್ರತಿಯೊಬ್ಬರಿಗೂ ಚಿನ್ನದ ನಾಣ್ಯವನ್ನು ಉಡುಗೊರೆಯಾಗಿ ನೀಡಿದರು.
ನಾಣ್ಯದಲ್ಲಿ ರಾಮ್ ಚರಣ್ ಎಂದು ಬರೆಯಲಾಗಿದೆ. ಜೊತೆಗೆ ಒಂದು ಕೆಜಿಯಷ್ಟು ಸಿಹಿತಿಂಡಿಗಳನ್ನು ನೀಡಿ ಚಿತ್ರಕ್ಕಾಗಿ ದುಡಿದಿದ್ದಕ್ಕೆ ಧನ್ಯವಾದ ಅರ್ಪಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಚರಣ್, ಸಿನಿಮಾವನ್ನು ಇಷ್ಟು ಅದ್ಬುತವಾಗಿ ಮಾಡಲು ಕಾರಣರಾದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿದರು.
Ram Charan : ‘RRR’ ಚಿತ್ರಕ್ಕಾಗಿ ಕೆಲಸ ಮಾಡಿದವರಿಗೆ ಚಿನ್ನವನ್ನು ಉಡುಗೊರೆಯಾಗಿ ನೀಡಿದ ಚರಣ್