‘ನಾನು ಹೈದರಾಬಾದ್ನವಳು’ ಎಂದ ರಶ್ಮಿಕಾ ಮಂದಣ್ಣ ಹೇಳಿಕೆಗೆ ಕನ್ನಡಿಗರು ಗರಂ
ರಶ್ಮಿಕಾ ಮಂದಣ್ಣ ‘ನಾನು ಹೈದರಾಬಾದ್ನವಳು’ ಎಂದು ಹೇಳಿಕೆ ನೀಡಿದ್ದು, ಕನ್ನಡಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ಈ ಹಿಂದೆ ‘ನನಗೆ ಕನ್ನಡ ಬರಲ್ಲ’ ಎಂಬ ಮಾತಿನಿಂದ ಟೀಕೆಗೆ ಗುರಿಯಾದ ರಶ್ಮಿಕಾ, ಮತ್ತೆ ವಿವಾದದಲ್ಲಿ ಸಿಲುಕಿದ್ದಾರೆ.
- ರಶ್ಮಿಕಾ ಹೇಳಿಕೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್
- ಕನ್ನಡಿಗರ ತೀವ್ರ ಟೀಕೆ, ಕನ್ನಡಿಗರ ಆಕ್ರೋಶಕ್ಕೆ ಕಾರಣ
- ‘ಛಾವಾ’ ಚಿತ್ರದ ಪ್ರಚಾರ ವೇಳೆ ಮಾಡಿದ ಹೇಳಿಕೆ
Rashmika Mandanna : ಸಿನಿಮಾ ಜಗತ್ತಿನಲ್ಲಿ ಹೇಳಿಕೆಗಳು ವಿವಾದ ಸೃಷ್ಟಿಸುವುದು ಹೊಸದೇನಲ್ಲ. ಇತ್ತೀಚೆಗೆ, ನಟಿ ರಶ್ಮಿಕಾ ಮಂದಣ್ಣ ಅವರು ತಮ್ಮ ಹೊಸ ಚಿತ್ರ ‘ಛಾವಾ’ ಪ್ರಚಾರದ ವೇಳೆ ಮಾಡಿದ ಹೇಳಿಕೆಯು ಕನ್ನಡಿಗರ (Kannadiga’s) ಆಕ್ರೋಶಕ್ಕೆ ಕಾರಣವಾಗಿದೆ.
‘ನಾನು ಹೈದರಾಬಾದ್ನವಳು’ ಎಂದು ಅವರು ಹೇಳಿದ ತಕ್ಷಣವೇ, ಈ ಮಾತು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಗ್ರಾಸವಾಯಿತು.
ಈ ಹಿಂದೆ ‘ನನಗೆ ಕನ್ನಡ ಬರಲ್ಲ’ ಎಂದು ಹೇಳಿ ಟ್ರೋಲ್ ಆಗಿದ್ದ ರಶ್ಮಿಕಾ, ಈಗ ಮತ್ತೆ ಕನ್ನಡಿಗರ ಆಕ್ರೋಶವನ್ನು ಎದುರಿಸುತ್ತಿದ್ದಾರೆ. ಕೆಲವರು, ‘ನೀವು ಕನ್ನಡ ಸಿನಿಮಾದಿಂದ (Kannada Cinema) ಬಂದವರಲ್ಲವೇ?’ ಎಂದು ಪ್ರಶ್ನಿಸಿದ್ದು, ಇನ್ನು ಕೆಲವರು ‘ಹೈದರಾಬಾದ್ ಸೇರಿದರೆ, ಕನ್ನಡ ಚಿತ್ರರಂಗದಲ್ಲಿ ಕೆಲಸ ಮಾಡುವುದು ಏಕೆ?’ ಎಂದು ಟೀಕಿಸಿದ್ದಾರೆ.
‘ಛಾವಾ’ ಚಿತ್ರದ ಮುಂಬೈ ಪ್ರಚಾರ ಕಾರ್ಯಕ್ರಮದಲ್ಲಿ ರಶ್ಮಿಕಾ ಈ ಹೇಳಿಕೆ ನೀಡಿದ್ದು, ಅವರ ಅಭಿಮಾನಿಗಳು ಕೂಡ ನಿರಾಸೆ ವ್ಯಕ್ತಪಡಿಸಿದ್ದಾರೆ. ‘ನೀವು ಕನ್ನಡಿಗರ ಬೆಂಬಲದಿಂದ ಸ್ಟಾರ್ ಆಗಿದ್ದೀರಿ. ಹೀಗಾಗಿ ನಿಮ್ಮ ಹೇಳಿಕೆ ಹೆಚ್ಚು ಜವಾಬ್ದಾರಿಯುತವಾಗಿರಬೇಕು’ ಎಂದು ಅಭಿಮಾನಿಗಳು ಹೇಳಿದ್ದಾರೆ.
ಇನ್ನು ಕೆಲವರು, ‘ವಿಜಯ್ ದೇವರಕೊಂಡ ಸಂಬಂಧವಿದೆ ಎಂದು ಹೈದರಾಬಾದ್ ಪ್ರೀತಿಸುವುದು ಸರಿಯೇ?’ ಎಂದು ವ್ಯಂಗ್ಯ ಮಾಡಿದ್ದಾರೆ. ಇನ್ನಷ್ಟು ಮಂದಿ ‘ರಶ್ಮಿಕಾ ಯಾವಾಗ ಹೈದರಾಬಾದ್ನವರಾದರು? ಜನನ ಪ್ರಮಾಣಪತ್ರದಲ್ಲಿ ಬದಲಾವಣೆ ಮಾಡಿಕೊಂಡಿದ್ದಾರೆಯೇ?’ ಎಂದು ವ್ಯಂಗ್ಯವಾಡಿದ್ದಾರೆ.
ಈ ಹಿಂದೆಯೂ ‘ನನಗೆ ಕನ್ನಡ ಬರಲ್ಲ’ (Don’t Know Kannada) ಎಂಬ ಹೇಳಿಕೆ ನೀಡಿದ್ದ ರಶ್ಮಿಕಾ, ಇದೀಗ ಮತ್ತೊಮ್ಮೆ ವಿವಾದದಲ್ಲಿ ಸಿಕ್ಕುಕೊಂಡಿದ್ದಾರೆ. ಕನ್ನಡಿಗರು ತಮ್ಮ ನಟ-ನಟಿಯರು ತಮ್ಮ ರಾಜ್ಯ (Karnataka) ಮತ್ತು ಭಾಷೆಗೆ ಗೌರವ ತೋರಬೇಕು ಎಂದು ಆಗ್ರಹಿಸುತ್ತಿದ್ದಾರೆ.
Rashmika Mandanna Statement Sparks Controversy
Our Whatsapp Channel is Live Now 👇
