ಬೆಂಗಳೂರು ಬಿಎಂಟಿಸಿ ಬಸ್ ಡಿಪೋಗೆ ಭೇಟಿ ನೀಡಿದ ರಜನಿಕಾಂತ್! ಕಂಡಕ್ಟರ್ ಆಗಿದ್ದ ಕಾಲ ನೆನೆದು ಭಾವುಕ

Rajinikanth Bengaluru Visit : ನಟ ರಜನಿಕಾಂತ್ ಬೆಂಗಳೂರಿನ ಜಯನಗರದಲ್ಲಿರುವ (Bengaluru Jayanagar) ಬಿಎಂಟಿಸಿ ಡಿಪೋಗೆ ಭೇಟಿ ನೀಡಿ ಅಲ್ಲಿನ ಸಿಬ್ಬಂದಿಯೊಂದಿಗೆ ಮಾತುಕತೆ ನಡೆಸಿದರು. ಭೇಟಿ ವೇಳೆ ಬಿಎಂಟಿಸಿ (BMTC) ಸಿಬ್ಬಂದಿಯೊಂದಿಗೆ ಸೂಪರ್ ಸ್ಟಾರ್ ಸೆಲ್ಫಿ ತೆಗೆದುಕೊಂಡರು.

ಹೌದು ಸ್ನೇಹಿತರೆ, ನಟ ರಜನಿಕಾಂತ್ ಅವರು ಇಂದು (ಆಗಸ್ಟ್ 29 ರಂದು) ನಗರದ ಬೆಂಗಳೂರು (BMTC) ಡಿಪೋಗೆ ಭೇಟಿ ನೀಡುವ ಮೂಲಕ ಅಚ್ಚರಿ ಮೂಡಿಸಿದರು. ಬೆಂಗಳೂರಿನ ಜಯನಗರದಲ್ಲಿರುವ BMTC ಡಿಪೋ ನಂ. 4 ಗೆ ಭೇಟಿ ನೀಡಿದರು.

ನಟ ರಜನಿಕಾಂತ್ (Actor Rajinikanth) ಭೇಟಿಯ ಬಗ್ಗೆ ಬಿಎಂಟಿಸಿಯಲ್ಲಿ ಯಾರಿಗೂ ತಿಳಿದಿರಲಿಲ್ಲ. ಅವರು ಧಿಡೀರ್ ಭೇಟಿ ನೀಡಿದ್ದಾರೆ. ಚಾಲಕರು, ಕಂಡಕ್ಟರ್‌ಗಳು ಮತ್ತು ಡಿಪೋ ಸಿಬ್ಬಂದಿಯೊಂದಿಗೆ ಅವರು ಮುಕ್ತವಾಗಿ ಮಾತುಕತೆ ನಡೆಸಿದ್ದಾರೆ. ಅವರು ಈ ಹಿಂದೆ ಡಿಪೋದ ಬಸ್‌ಗಳಲ್ಲಿ ಕಂಡಕ್ಟರ್ (bus conductor) ಆಗಿ ಕೆಲಸ ಮಾಡಿದ್ದರಿಂದ ಅವರಿಗೆ ಇದು ಅವರಿಗೆ ಹಳೆಯ ನೆನಪುಗಳನ್ನು (Old Memories) ರಿಫ್ರೆಶ್ ಮಾಡಿದೆ ಎನ್ನಬಹುದು.

ಇನ್ನೊಂದೆಡೆ ಅವರು ಚಿತ್ರರಂಗಕ್ಕೆ ಕಾಲಿಡುವ ಮೊದಲು, ಬೆಂಗಳೂರಿನಲ್ಲಿ ಬಸ್ ಕಂಡಕ್ಟರ್ (Bengaluru Bus Conductor) ಆಗಿ ಸೇವೆ ಸಲ್ಲಿಸಿರುವುದು ನಮ್ಮೆಲ್ಲರಿಗೂ ಗೊತ್ತೇ ಇದೆ. ಆ ಸಮಯದಲ್ಲಿ, ಅವರನ್ನು ಬೆಂಗಳೂರು ಸಾರಿಗೆ ಸೇವೆಯಲ್ಲಿ (ಬಿಟಿಎಸ್, ಈಗ ಬಿಎಂಟಿಸಿ) ಮಾರ್ಗ 10 ಎ ನಲ್ಲಿ ನಿಯೋಜಿಸಲಾಗಿತ್ತು.

ಬೆಳಿಗ್ಗೆ 11.30 ರ ಸುಮಾರಿಗೆ ಅವರು ಕಾರಿನಲ್ಲಿ ಬಂದು ಚಾಲಕ ಮತ್ತು ಅವರ ಸ್ನೇಹಿತನೊಂದಿಗೆ ಡಿಪೋ ಒಳಗೆ ಎಂಟ್ರಿ ಕೊಟ್ಟಿದ್ದಾರೆ. ನಂತರ ಅವರು ಈ ಡಿಪೋದಲ್ಲಿ ಕೆಲಸ ಮಾಡಿದ ದಿನಗಳನ್ನು ನೆನಪಿಸಿಕೊಂಡರು. ಅಲ್ಲಿ ಅವರು 10 ನಿಮಿಷಗಳ ಕಾಲ ಕಳೆದು ನಂತರ ಅಲ್ಲಿಂದ ಹೊರಟಿದ್ದಾರೆ

ಇನ್ನೊಂದೆಡೆ ಅವರು ತುಂಬಾ ಸರಳ ರೀತಿಯಲ್ಲಿ ಬಂದು, ಅಲ್ಲಿನ ಸಿಬ್ಬಂದಿಗಳಿಗೆ ಆಶ್ಚರ್ಯ ಉಂಟುಮಾಡಿದ್ದಾರೆ. ಅಲ್ಲಿನ ಸಿಬ್ಬಂದಿಗಳು ಸೆಲ್ಫಿ ಕೇಳಿದಾಗ, ಅವರು ಸಂತೋಷದಿಂದ ಗ್ರೂಪ್ ಫೋಟೋಗೆ ಪೋಸ್ ನೀಡಿದರು.

Actor @rajinikanth surprised everyone by visiting a @BMTC_BENGALURU Depot in today. He was working as a bus conductor in #Bengaluru before his entry into the cinema and was put on the route 10A in BMTC. @THBengaluru @the_hindu pic.twitter.com/2qLmsqKWXz

— Darshan Devaiah B P (@DarshanDevaiahB) August 29, 2023

ಡಿಪೋಗೆ ಭೇಟಿ ನೀಡಿದ ನಂತರ ರಜನಿಕಾಂತ್ ಗಾಂಧಿ ಬಜಾರ್‌ನಲ್ಲಿರುವ ಶ್ರೀ ರಾಘವೇಂದ್ರ ಸ್ವಾಮಿ ಮಠಕ್ಕೂ ಭೇಟಿ ನೀಡಿ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಿದರು.

ಬೆಂಗಳೂರಿನಲ್ಲಿ (Bengaluru) ಜನಿಸಿದ ಶಿವಾಜಿ ರಾವ್ ಗಾಯಕವಾಡ (ನಟ ರಜನಿಕಾಂತ್) ಅವರು ಬಿಟಿಎಸ್‌ನಲ್ಲಿ ಕಂಡಕ್ಟರ್ ಆಗಿ ಕೆಲಸ ಮಾಡುತ್ತಿದ್ದರು. ರಜನಿಕಾಂತ್ ಅವರು ತಮ್ಮ ಸಹೋದ್ಯೋಗಿ ಮತ್ತು ಬಸ್ಸಿನ ಚಾಲಕ ರಾಜ್ ಬಹದ್ದೂರ್ ಅವರಿಗೆ ತುಂಬಾ ನಿಕಟರಾಗಿದ್ದರು, ಅವರು ನಂತರ ಅವರನ್ನು ಮದ್ರಾಸ್ ಫಿಲ್ಮ್ ಇನ್ಸ್ಟಿಟ್ಯೂಟ್ಗೆ ಸೇರಲು ಪ್ರೇರೇಪಿಸಿದರು ಮತ್ತು ಈ ಹಂತದಲ್ಲಿ ಅವರಿಗೆ ಆರ್ಥಿಕವಾಗಿ ಬೆಂಬಲ ನೀಡಿದರು.

ರಜನಿಕಾಂತ್ ಅವರು ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿಯನ್ನು ಪಡೆದಾಗ, ಅವರು ಪ್ರಶಸ್ತಿಯನ್ನು ರಾಜ್ ಬಹದ್ದೂರ್ ಮತ್ತು ಹಲವಾರು ಸ್ನೇಹಿತರು, ಕುಟುಂಬ ಸದಸ್ಯರು ಮತ್ತು ಮಾರ್ಗದರ್ಶಕರಿಗೆ ಅರ್ಪಿಸಿದರು.

Super Star Rajinikanth Surprise visits BMTC bus depot in Bengaluru