ಗೃಹಲಕ್ಷ್ಮಿ ಯೋಜನೆಗೆ ಹೊಸ ಗೈಡ್ ಲೈನ್, ಬಾಕಿ ಹಣ ಬಿಡುಗಡೆ ಆರಂಭ!
ಗೃಹಲಕ್ಷ್ಮಿ ಯೋಜನೆ ಹಣ ಬಿಡುಗಡೆ ಆರಂಭವಾಗಿದ್ದು, ಫಲಾನುಭವಿಗಳ ಪಟ್ಟಿ ಪರಿಷ್ಕರಣೆ ಇಲ್ಲ. ಹೊಸ ಅರ್ಜಿ ಪ್ರಕ್ರಿಯೆ, ಅರ್ಹತೆ, ದಾಖಲೆ, ಹಾಗೂ ಸಹಾಯವಾಣಿ ವಿವರಗಳನ್ನೂ ಸರ್ಕಾರ ತಿಳಿಸಿದೆ.
- ಗೃಹಲಕ್ಷ್ಮಿ ಯೋಜನೆ ಹಣ ಬಿಡುಗಡೆ ಆರಂಭ
- ಹೊಸ ಫಲಾನುಭವಿಗಳ ನೋಂದಣಿ ಪ್ರಕ್ರಿಯೆ
- ಪಟ್ಟಿ ಪರಿಷ್ಕರಣೆ ಇಲ್ಲವೆಂದು ಸರ್ಕಾರ ಸ್ಪಷ್ಟನೆ
ಬೆಂಗಳೂರು (Bengaluru): ಕರ್ನಾಟಕ ಸರ್ಕಾರದ ಗೃಹಲಕ್ಷ್ಮಿ ಯೋಜನೆಯಡಿ (Gruha Lakshmi Scheme) ಈಗಾಗಲೇ ಹೆಸರು ಸೇರ್ಪಡೆಗೊಂಡಿರುವ ಗೃಹಿಣಿಯರಿಗೆ ಏಪ್ರಿಲ್ ತಿಂಗಳ ₹2,000 ಹಣವನ್ನು ನೇರವಾಗಿ ಬ್ಯಾಂಕ್ ಖಾತೆಗೆ (bank account) ಜಮೆ ಮಾಡಲಾಗಿದೆ. ಇದೀಗ ಮೇ ತಿಂಗಳ ಕಂತಿಗಾಗಿ ಕಾಯಲಾಗುತ್ತಿದೆ.
ಜುಲೈ 31ರ ಒಳಗೆ 21ನೇ ಮತ್ತು 22ನೇ ಕಂತು ಬಿಡುಗಡೆ ಸಾಧ್ಯತೆ ಇದೆ ಎಂಬ ಮಾಧ್ಯಮ ವರದಿಗಳಿವೆ, ಆದರೆ ಇದರ ಕುರಿತು ಅಧಿಕೃತ ದೃಢೀಕರಣ ಇನ್ನೂ ಬಾಕಿ ಇದೆ.
ಈ ನಡುವೆ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಸ್ಪಷ್ಟಪಡಿಸಿದ್ದು, ಗೃಹಲಕ್ಷ್ಮೀ ಯೋಜನೆಯ ಫಲಾನುಭವಿಗಳ ಪಟ್ಟಿಯಲ್ಲಿ ಯಾವುದೇ ಬದಲಾವಣೆ ಇಲ್ಲ. ಹಣ ತಲುಪುವಲ್ಲಿ ವಿಳಂಬವಾದರೂ ಅದು ತಾಂತ್ರಿಕ ಕಾರಣಗಳಿಂದ ಮಾತ್ರ, ಹೊಸ ಮಾರ್ಗಸೂಚಿ ಪ್ರಕಾರ ಹಣ ವಿತರಣೆ ಈಗ ತಾಲ್ಲೂಕು ಹಾಗೂ ಜಿಲ್ಲಾ ಮಟ್ಟದ ಪಂಚಾಯಿತಿಗಳ ಮೂಲಕ ನಡೆಯುತ್ತಿದೆ ಎಂದಿದ್ದಾರೆ.
ಇದನ್ನೂ ಓದಿ: ಬೆಂಗಳೂರು ಭಾಗದವರಿಗೆ ನಾಳೆಯಿಂದ 2 ದಿನ ಕರೆಂಟ್‌ ಇರಲ್ಲ! ಇಲ್ಲಿದೆ ಏರಿಯಾಗಳು
ಹೊಸ ಹೆಸರು ಸೇರ್ಪಡೆ: ಹೇಗೆ?
ಪ್ರತಿ ತಿಂಗಳು ಸುಮಾರು 10,000 ರಿಂದ 15,000 ಗೃಹಿಣಿಯರು ಹೊಸದಾಗಿ ಯೋಜನೆಗೆ ಸೇರ್ಪಡೆಗೊಂಡು ಸಹಾಯ ಪಡೆಯುತ್ತಿದ್ದಾರೆ. ನೀವು ಕೂಡ ಅರ್ಜಿ ಸಲ್ಲಿಸಲು ಬಯಸುತ್ತಿದ್ದರೆ, ಆನ್‌ಲೈನ್ ಅಥವಾ ಆಫ್‌ಲೈನ್ ಮೂಲಕ ಈ ಪ್ರಕ್ರಿಯೆ ಮುಂದುವರಿಸಬಹುದು.
ಸೇವಾ ಸಿಂಧು (Seva Sindhu) ಪೋರ್ಟಲ್ ಅಥವಾ ಗ್ರಾಮ ಒನ್ (Grama One), ಕರ್ನಾಟಕ ಒನ್ (Karnataka One), ಬೆಂಗಳೂರು ಒನ್ (Bengaluru One) ಕಚೇರಿಗಳ ಮೂಲಕ ಅರ್ಜಿ ಸಲ್ಲಿಸಬಹುದು.
ಇದನ್ನೂ ಓದಿ: ಇಂತಹ ರೇಷನ್ ಕಾರ್ಡುಗಳು ರದ್ದು! ರಾಜ್ಯ ಸರ್ಕಾರದಿಂದ ಕಠಿಣ ಕ್ರಮ
ಆನ್‌ಲೈನ್ ಅರ್ಜಿ ಪ್ರಕ್ರಿಯೆ:
ಸೇವಾ ಸಿಂಧು ಪೋರ್ಟಲ್‌ಗೆ ಭೇಟಿ ನೀಡಿ → ಲಾಗಿನ್ ಮಾಡಿ → ಗೃಹಲಕ್ಷ್ಮೀ ಯೋಜನೆ ಆಯ್ಕೆ ಮಾಡಿ → ಸಂಪೂರ್ಣ ಮಾಹಿತಿ ಭರ್ತಿ ಮಾಡಿ → ದಾಖಲೆಗಳನ್ನು ಅಪ್‌ಲೋಡ್ ಮಾಡಿ → ಅರ್ಜಿ ಸಲ್ಲಿಸಿ. ಅರ್ಜಿ ಸಂಖ್ಯೆ ನೆನಪಿಟ್ಟುಕೊಳ್ಳುವುದು ಅಗತ್ಯ.
ಆಫ್‌ಲೈನ್ ಅರ್ಜಿ ಪ್ರಕ್ರಿಯೆ:
ನಿಮ್ಮ ಹತ್ತಿರದ ಸೇವಾ ಕೇಂದ್ರಕ್ಕೆ ಭೇಟಿ ನೀಡಿ → ಅರ್ಜಿ ನಮೂನೆ ಪಡೆದು ಭರ್ತಿ ಮಾಡಿ → ದಾಖಲೆಗಳನ್ನು ಲಗತ್ತಿಸಿ → ಸಲ್ಲಿಸಿ. ಈ ಮೂಲಕ ಪ್ರಕ್ರಿಯೆ ಮುಗಿಯುತ್ತದೆ.
ಇದನ್ನೂ ಓದಿ: ರೈತರಿಗೆ ಹೊಸ ಸೌಲಭ್ಯ! ಜಮೀನಿನ ಸರ್ವೆ ನಂಬರ್ ಒಂದೇ ಕ್ಲಿಕ್‌ನಲ್ಲಿ ತಿಳಿಯಿರಿ
ಅರ್ಹತಾ ಮಾನದಂಡಗಳು?
ಅರ್ಜಿ ಸಲ್ಲಿಸಲು ಅರ್ಹತೆ ಈಂತಿದೆ:
- ಅರ್ಜಿದಾರರು ಕರ್ನಾಟಕದ ಖಾಯಂ ನಿವಾಸಿಯಾಗಿರಬೇಕು
- ಪಡಿತರ ಚೀಟಿಯಲ್ಲಿ ಮಹಿಳೆ ಕುಟುಂಬದ ಮುಖ್ಯಸ್ಥೆ ಆಗಿರಬೇಕು
- ಕುಟುಂಬದ ವಾರ್ಷಿಕ ಆದಾಯ ₹2 ಲಕ್ಷಕ್ಕಿಂತ ಕಡಿಮೆ ಇರಬೇಕು
- ತೆರಿಗೆ ಅಥವಾ GST ಪಾವತಿ ಇರುವವರು ಅರ್ಹರಲ್ಲ
- ಇತರ ಯೋಜನೆಗಳ ಲಾಭಪಡೆಯುವವರು ಅರ್ಹರಲ್ಲ
ಬೇಕಾಗುವ ದಾಖಲೆಗಳ ಪಟ್ಟಿ
- ಆಧಾರ್ ಕಾರ್ಡ್
- ಪಡಿತರ ಚೀಟಿ (APL/BPL/Antyodaya)
- ಬ್ಯಾಂಕ್ ಖಾತೆ ವಿವರಗಳು
- ಆಧಾರ್ ಲಿಂಕ್ ಮೊಬೈಲ್ ಸಂಖ್ಯೆ
- ಆದಾಯ ಪ್ರಮಾಣ ಪತ್ರ (ಅಗತ್ಯವಿದ್ದರೆ)
- ಜಾತಿ ಪ್ರಮಾಣ ಪತ್ರ (ಅಗತ್ಯವಿದ್ದರೆ)
- ಸ್ವಯಂ ಘೋಷಣಾ ಪತ್ರ
ನೋಂದಣಿ ದಿನಾಂಕ ಅಥವಾ ಸಮಯದ ಮಾಹಿತಿ SMS ಮೂಲಕ ಬರುತ್ತದೆ. ಯೋಜನೆಗೆ ಯಾವ ಅಂತಿಮ ದಿನಾಂಕವಿಲ್ಲ; ಇದು ನಿರಂತರ ಪ್ರಕ್ರಿಯೆ ಎಂದು ಸಚಿವರು ಸ್ಪಷ್ಟಪಡಿಸಿದ್ದಾರೆ.
Gruha lakshmi Yojana Money Credited, New Enrollment Guide Explained
