Bank Holiday: ಜನವರಿ 16 ರಂದು, ಅಂದ್ರೆ ನಾಳೆ ಬ್ಯಾಂಕ್‌ಗಳಿಗೆ ರಜೆ ಇರುತ್ತಾ? ಹೌದು, ಈ ರಾಜ್ಯದಲ್ಲಿ ಮಾತ್ರ
Bank Holiday: ಜನವರಿ 16ರಂದು ಬ್ಯಾಂಕ್ ಕೆಲಸಕ್ಕೆ ಹೋಗುವವರು ಗಮನಿಸಬೇಕು. ಆರ್‌ಬಿಐ ಪ್ರಕಟಿಸಿರುವ ಪಟ್ಟಿಯಂತೆ ಈ ದಿನ ಬ್ಯಾಂಕ್ ರಜೆ ಇದೆ. ಆದರೆ ಈ ರಜೆ ಎಲ್ಲಾ ರಾಜ್ಯಗಳಿಗೆ ಅನ್ವಯವಾಗುವುದಿಲ್ಲ.
- ಜನವರಿ 16ರಂದು ಈ ರಾಜ್ಯದಲ್ಲಿ ರಜೆ ಜಾರಿ
- Bank Holiday ಕೇವಲ ಒಂದೇ ರಾಜ್ಯಕ್ಕೆ ಮಾತ್ರ
- ಆರ್‌ಬಿಐ ಸೂಚನೆಯಂತೆ ಬ್ಯಾಂಕ್‌ಗಳ ರಜೆ
Bank Holiday: ಜನವರಿ ತಿಂಗಳಲ್ಲಿ ಬ್ಯಾಂಕ್ ಗ್ರಾಹಕರು ಹೆಚ್ಚು ಎಚ್ಚರಿಕೆಯಿಂದ ಪ್ಲಾನ್ ಮಾಡಿಕೊಳ್ಳಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಹಬ್ಬಗಳು ಮತ್ತು ಸ್ಥಳೀಯ ಆಚರಣೆಗಳ ಕಾರಣ ಹಲವು ದಿನಗಳು ಬ್ಯಾಂಕ್‌ಗಳು ಮುಚ್ಚಿರುವುದರಿಂದ, ನೇರ ಬ್ಯಾಂಕ್ ವ್ಯವಹಾರಗಳಿಗೆ ಮುನ್ನ ಪರಿಶೀಲನೆ ಅಗತ್ಯವಾಗಿದೆ.
ಇದರ ನಡುವೆಯೇ ಜನವರಿ 16, ಶುಕ್ರವಾರ ಬ್ಯಾಂಕ್ ರಜೆ ಇದೆಯೇ ಎಂಬ ಪ್ರಶ್ನೆ ಹಲವರಲ್ಲಿ ಮೂಡಿದೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಬಿಡುಗಡೆ ಮಾಡಿದ ಅಧಿಕೃತ ಬ್ಯಾಂಕ್ ರಜೆ ಪಟ್ಟಿಯಲ್ಲಿ ಈ ದಿನ ರಜೆ ಇರುವುದನ್ನು ಸ್ಪಷ್ಟಪಡಿಸಲಾಗಿದೆ. ಆದರೆ ಈ ರಜೆ ದೇಶಾದ್ಯಂತ ಅನ್ವಯವಾಗುವುದಿಲ್ಲ ಎಂಬುದನ್ನು ಗಮನಿಸಬೇಕು.
ಇದನ್ನೂ ಓದಿ: ಚಿನ್ನದ ಬೆಲೆ ಆಕಾಶಕ್ಕೇರಿರುವ ನಡುವೆ ಬಡ್ಡಿ ಇಲ್ಲದೆ ಗೋಲ್ಡ್ ಲೋನ್ ಪಡೆಯುವ ಟ್ರಿಕ್ಸ್
ಜನವರಿ 16ಕ್ಕೆ ಎಲ್ಲಿ ಬ್ಯಾಂಕ್ ರಜೆ?
ಆರ್‌ಬಿಐ ಮಾಹಿತಿ ಪ್ರಕಾರ, ಜನವರಿ 16ರಂದು ತಮಿಳುನಾಡು ರಾಜ್ಯದಲ್ಲಿ ಮಾತ್ರ ಬ್ಯಾಂಕ್‌ಗಳಿಗೆ ರಜೆ ಘೋಷಿಸಲಾಗಿದೆ. ಈ ದಿನ ತಿರುಳ್ಳುವರ್ ದಿನಾಚರಣೆ ನಡೆಯುವ ಹಿನ್ನೆಲೆಯಲ್ಲಿ ಬ್ಯಾಂಕ್‌ಗಳು ಮುಚ್ಚಿರುತ್ತವೆ.
ತಿರುಳ್ಳುವರ್ ದಿನವನ್ನು ತಮಿಳು ಸಾಹಿತಿ ಹಾಗೂ ತತ್ತ್ವಜ್ಞ ತಿರುಳ್ಳುವರ್ ಗೌರವಾರ್ಥವಾಗಿ ಆಚರಿಸಲಾಗುತ್ತದೆ. ಈ ಕಾರಣದಿಂದ ತಮಿಳುನಾಡಿನ ಎಲ್ಲಾ ಸರ್ಕಾರಿ ಹಾಗೂ ಖಾಸಗಿ ಬ್ಯಾಂಕ್ ಶಾಖೆಗಳು ಕಾರ್ಯನಿರ್ವಹಿಸುವುದಿಲ್ಲ.
ಇತರ ರಾಜ್ಯಗಳಲ್ಲಿ ಸ್ಥಿತಿ ಹೇಗಿದೆ?
ತಮಿಳುನಾಡು ಹೊರತುಪಡಿಸಿ ಉಳಿದ ರಾಜ್ಯಗಳಲ್ಲಿ ಜನವರಿ 16ರಂದು ಬ್ಯಾಂಕ್‌ಗಳು ಸಾಮಾನ್ಯವಾಗಿ ತೆರೆದಿರುತ್ತವೆ. ಹೀಗಾಗಿ, ಗ್ರಾಹಕರು ತಮ್ಮ ರಾಜ್ಯ ಅಥವಾ ನಗರಕ್ಕೆ ಅನ್ವಯವಾಗುವ ರಜೆ ವಿವರಗಳನ್ನು ಮುಂಚಿತವಾಗಿ ಪರಿಶೀಲಿಸುವುದು ಉತ್ತಮ.
ಬ್ಯಾಂಕ್‌ಗೆ ಭೇಟಿ ನೀಡುವ ಮುನ್ನ RBI ಅಧಿಕೃತ ರಜೆ ಕ್ಯಾಲೆಂಡರ್ ನೋಡುವುದು, ಅನಗತ್ಯ ತೊಂದರೆ ತಪ್ಪಿಸಲು ಸಹಾಯಕವಾಗುತ್ತದೆ.
