ಇಂದಿನಿಂದಲೇ ಯುಪಿಐ ಪೇಮೆಂಟ್ ನಿಯಮಗಳಲ್ಲಿ ಬದಲಾವಣೆ! ಇಲ್ಲಿದೆ ಅಪ್ಡೇಟ್

ಭಾರತದಲ್ಲಿ ಚಾಲ್ತಿಯಲ್ಲಿರುವ ಹಲವಾರು ಪಾವತಿ ವ್ಯವಸ್ಥೆಗಳಲ್ಲಿ, UPI (ಯುನಿಫೈಡ್ ಪೇಮೆಂಟ್ ಇಂಟರ್ಫೇಸ್) ಕಳೆದ ಮೂರು ಅಥವಾ ನಾಲ್ಕು ವರ್ಷಗಳಲ್ಲಿ ಬಹಳ ಜನಪ್ರಿಯವಾಗಿದೆ.

ಸಣ್ಣ ಮೊತ್ತದ ವಹಿವಾಟುಗಳನ್ನು ಹೆಚ್ಚಾಗಿ UPI ಮೂಲಕ ಮಾಡಲಾಗುತ್ತದೆ. ಭಾರತದ ಡಿಜಿಟಲ್ ಕ್ರಾಂತಿಯಲ್ಲಿ ಪ್ರಮುಖ ಕಂಪನಿ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಯುಪಿಐ ಅನ್ನು ಅಭಿವೃದ್ಧಿಪಡಿಸಿದೆ.

UPI ವ್ಯಾಪ್ತಿ, ಮೋಡ್‌ನಲ್ಲಿ ಸುಧಾರಣೆಗಳು ಮತ್ತು ಬದಲಾವಣೆಗಳನ್ನು ಆಗಾಗ ಮಾಡಲಾಗುತ್ತಿದೆ. ಇಂದಿನಿಂದ (ಜನವರಿ 1) ಕೆಲವು ಪ್ರಮುಖ ಬದಲಾವಣೆಗಳು (Changes) ಜಾರಿಗೆ ಬರಲಿವೆ.

ಸ್ಟೇಟ್ ಬ್ಯಾಂಕ್ ಖಾತೆಗೆ ಪ್ಯಾನ್ ಕಾರ್ಡ್ ಲಿಂಕ್ ಮಾಡದಿದ್ದರೆ ಅಕೌಂಟ್ ನಿಷ್ಕ್ರಿಯ!

UPI ವಹಿವಾಟಿನ ಮಿತಿ ಹೆಚ್ಚಳ:

ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಯುಪಿಐ ವಹಿವಾಟಿನ ಮಿತಿಯನ್ನು ಒಂದು ದಿನದಲ್ಲಿ 1 ಲಕ್ಷಕ್ಕೆ ಹೆಚ್ಚಿಸಿದೆ. ಅಂದರೆ ದಿನಕ್ಕೆ ರೂ.1 ಲಕ್ಷದವರೆಗಿನ ವಹಿವಾಟುಗಳನ್ನು UPI ಮೂಲಕ ಮಾಡಬಹುದು. ಅಲ್ಲದೆ ಶಿಕ್ಷಣ (Education) ಮತ್ತು ಆರೋಗ್ಯಕ್ಕಾಗಿ (Health) ಯುಪಿಐ ವಹಿವಾಟಿನ ಮಿತಿಯನ್ನು (UPI Payment Limit) ರೂ.1 ಲಕ್ಷದಿಂದ ರೂ.5 ಲಕ್ಷಕ್ಕೆ ಹೆಚ್ಚಿಸಲಾಗಿದೆ.

UPI ವಿನಿಮಯ ಶುಲ್ಕ:

ಆನ್‌ಲೈನ್ ವ್ಯಾಲೆಟ್‌ಗಳಂತಹ ಪ್ರಿಪೇಯ್ಡ್ ಪಾವತಿ ಸಾಧನಗಳ ಮೂಲಕ ಮಾಡಿದ ವಹಿವಾಟುಗಳು ಮತ್ತು ರೂ.2000 ಕ್ಕಿಂತ ಹೆಚ್ಚಿನ ಕೆಲವು ವ್ಯಾಪಾರಿ UPI ವಹಿವಾಟುಗಳಿಗೆ 1.1% ರಷ್ಟು ಇಂಟರ್‌ಚೇಂಜ್ ಶುಲ್ಕವನ್ನು ವಿಧಿಸಲಾಗುತ್ತದೆ.

ನಾಲ್ಕು ಗಂಟೆಗಳ ಸಮಯದ ಮಿತಿ

ಆಕಸ್ಮಿಕವಾಗಿ ತಪ್ಪು ಯುಪಿಐ ಐಡಿ ಸಂಖ್ಯೆಗೆ ಹಣ ಕಳುಹಿಸುವವರ ಸಂಖ್ಯೆ ಹೆಚ್ಚುತ್ತಿದೆ. ಇದನ್ನು ತಪ್ಪಿಸಲು, ಯುಪಿಐ ವಹಿವಾಟಿಗೆ ನಾಲ್ಕು ಗಂಟೆಗಳ ಕಾಲ ಮಿತಿಯನ್ನು ವಿಧಿಸಿದೆ. ಒಂದೇ UPI ಐಡಿಯೊಂದಿಗೆ, ರೂ. 2,000 ರೂ.ಗಿಂತ ಹೆಚ್ಚಿನ ಮೊತ್ತದ ಮೊದಲ ಬಾರಿಯ ಹಣ ವರ್ಗಾವಣೆಗೆ ಇದು ಅನ್ವಯಿಸುತ್ತದೆ. ಅಂದರೆ, ನೀವು ಕಳುಹಿಸಿದ ಹಣವನ್ನು ಹಿಂಪಡೆಯಲು ನಿಮಗೆ ಗರಿಷ್ಠ 4 ಗಂಟೆಗಳ ಕಾಲಾವಕಾಶವಿದೆ.

ಇಂತಹ ವಿದ್ಯಾರ್ಥಿಗಳಿಗೆ ಸರ್ಕಾರದಿಂದಲೇ ಸಿಗಲಿದೆ 36,000 ವಿದ್ಯಾರ್ಥಿ ವೇತನ; ಅರ್ಜಿ ಸಲ್ಲಿಸಿ

UPI ATM

ಎಟಿಎಂಗಳಲ್ಲಿ ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿ ಹಣ ಡ್ರಾ ಮಾಡುವ ಸೌಲಭ್ಯ ಕಲ್ಪಿಸಲಾಗಿದೆ. ದೇಶದ ಹಲವು ಎಟಿಎಂಗಳಲ್ಲಿ ಈ ಸೌಲಭ್ಯ ಜಾರಿಯಾಗಲಿದೆ. ಇದರೊಂದಿಗೆ ಎಟಿಎಂನಲ್ಲಿ ಹಣ ಪಡೆಯಲು ಕಾರ್ಡ್ ಬಳಸುವ ಅಗತ್ಯವಿಲ್ಲ.

ಬಳಕೆಯಾಗದ UPI ಐಡಿಗಳ ರದ್ದತಿ

ಒಂದು ವರ್ಷಕ್ಕಿಂತ ಹೆಚ್ಚು ಕಾಲ ಬಳಸದ UPI ಐಡಿಗಳು ಮತ್ತು ಸಂಖ್ಯೆಗಳನ್ನು ರದ್ದುಗೊಳಿಸಲಾಗುತ್ತದೆ. Paytm, Google Pay, PhonePe ಮುಂತಾದ ಪಾವತಿ ಅಪ್ಲಿಕೇಶನ್‌ಗಳು, ಬ್ಯಾಂಕ್‌ಗಳು NPCI ನಿಂದ ನಿಯಂತ್ರಿಸಲ್ಪಡುತ್ತವೆ. ಇಂದಿನಿಂದ ಈ ಪ್ರಕ್ರಿಯೆ ಆರಂಭವಾಗಲಿದೆ.

ಸ್ವಂತ ಮನೆ ಕಟ್ಟಿಕೊಳ್ಳಲು ಮಹಿಳೆಯರಿಗೆ ಸಿಗಲಿದೆ ಕಡಿಮೆ ಬಡ್ಡಿಯಲ್ಲಿ ಹೋಂ ಲೋನ್

Changes in UPI payment rules from today, Here is the update