ಚಾಟ್‌ಜಿಪಿಟಿ ಬಳಕೆದಾರರಿಗೆ ಬಿಗ್ ಶಾಕ್, ಇನ್ಮುಂದೆ ದುಡ್ಡು ಕೊಟ್ಟವರಿಗೆ ಮಾತ್ರ ಸೇವೆ! - ChatGPT Paid Plans
OpenAI ತನ್ನ ಪ್ರಸಿದ್ಧ ChatGPT Plus, Pro ಹಾಗೂ ತಂಡ (Team) ಪ್ಲಾನ್‌ಗಳನ್ನು ಭಾರತದಲ್ಲೂ ರೂಪಾಯಿಗಳಲ್ಲೇ ಪರಿಚಯಿಸಿದೆ. ಇದರ ಬೆಲೆಗಳು ಗ್ರಾಹಕರಿಗೆ ಹೆಚ್ಚು ಅನುಕೂಲವಾಗುವಂತೆ ನಿಗದಿಯಾಗಿದೆ.
- ChatGPT Plus ಪ್ಲಾನ್ ಬೆಲೆ ₹1999 ನಿಗದಿ
- ಪ್ರೋ ಪ್ಲಾನ್ ₹19,900, ತಂಡ ಪ್ಲಾನ್ ₹2099
- ಭಾರತ OpenAIಗೆ ಎರಡನೇ ಅತಿದೊಡ್ಡ ಮಾರುಕಟ್ಟೆ
ChatGPT Paid Plans : ಜನರ ದಿನನಿತ್ಯ ಜೀವನದ ಭಾಗವಾಗಿರುವ ChatGPT ಇದೀಗ ಭಾರತದಲ್ಲೂ ಅಧಿಕೃತವಾಗಿ Paid ಪ್ಲಾನ್‌ಗಳನ್ನು ಪರಿಚಯಿಸಿದೆ. ಈಗಾಗಲೇ ಅಮೆರಿಕಾದ ನಂತರ ಭಾರತವೇ ಓಪನ್‌ಎಐಗೆ ಎರಡನೇ ಅತಿದೊಡ್ಡ ಮಾರುಕಟ್ಟೆಯಾಗಿದೆ.
ಸಿಇಒ ಸ್ಯಾಮ್ ಆಲ್ಟ್‌ಮನ್ ಅವರ ಪ್ರಕಾರ, ಮುಂದಿನ ದಿನಗಳಲ್ಲಿ ಭಾರತ ಬಳಕೆದಾರರ ಸಂಖ್ಯೆ ಅಮೆರಿಕನ್ನರಿಗಿಂತಲೂ ಹೆಚ್ಚಾಗುವ ಸಾಧ್ಯತೆ ಇದೆ.
ಇತ್ತೀಚೆಗೆ ಪ್ರಾರಂಭವಾದ ಪೈಲಟ್ ಪ್ರಾಜೆಕ್ಟ್ ಅಡಿಯಲ್ಲಿ, ಚಾಟ್‌ಜಿಪಿಟಿ ಪ್ಲಸ್ ಪ್ಲಾನ್‌ಗೆ ₹1999 (GST ಸೇರಿ), ಪ್ರೋ ಪ್ಲಾನ್‌ಗೆ ₹19,900, ಹಾಗೂ ತಂಡ ಪ್ಲಾನ್‌ಗೆ ₹2099 ನಿಗದಿಪಡಿಸಲಾಗಿದೆ.
ಇದನ್ನೂ ಓದಿ: ಗೂಗಲ್ ಸಿಇಒ ಸುಂದರ್ ಪಿಚೈ ತಿಂಗಳ ಸಂಪಾದನೆ ಎಷ್ಟು ಗೊತ್ತಾ! ನೀವು ನಂಬಲ್ಲ
ಈ ಮೊದಲು, ಭಾರತೀಯ ಬಳಕೆದಾರರು ಡಾಲರ್‌ನಲ್ಲಿ ಮಾತ್ರ ಚಾರ್ಜ್ ಪಾವತಿಸಬೇಕಾಗುತ್ತಿತ್ತು. ಉದಾಹರಣೆಗೆ, ಪ್ಲಸ್ ಪ್ಲಾನ್ $20 (₹1752), ಪ್ರೋ ಪ್ಲಾನ್ $200 (₹17,528), ಹಾಗೂ ತಂಡ ಪ್ಲಾನ್ $30 (₹2629) ಆಗಿತ್ತು. ಈಗ ರೂಪಾಯಿಗಳಲ್ಲಿ (Indian Currency) ಪಾವತಿ ಮಾಡುವ ಸೌಲಭ್ಯ ದೊರಕಿರುವುದು ಗ್ರಾಹಕರಿಗೆ ಹೆಚ್ಚಿನ ಅನುಕೂಲ ತಂದಿದೆ.
ಇದರ ಜೊತೆಗೆ, GPT-5 ಮಾದರಿ ಬಿಡುಗಡೆ ಆದ ನಂತರ ಈ ಬದಲಾವಣೆ ಬಂದಿದೆ. ಹೊಸ ಮಾದರಿ 12 ಭಾರತೀಯ ಭಾಷೆಗಳಿಗೆ ಬೆಂಬಲ ನೀಡುತ್ತಿದ್ದು, ಭಾರತದ ಬಳಕೆದಾರರ ನಡುವೆ ಚಾಟ್‌ಜಿಪಿಟಿ ಇನ್ನಷ್ಟು ಜನಪ್ರಿಯವಾಗುವ ನಿರೀಕ್ಷೆ ವ್ಯಕ್ತವಾಗಿದೆ.
ಇದನ್ನೂ ಓದಿ: ಬ್ಯಾಂಕ್ ಸಿಗ್ನೇಚರ್ ಮರೆತುಹೋಯ್ತು ಅಂದ್ಕೊಳ್ಳಿ, ಆಗ ಅಕೌಂಟ್ ಬ್ಲಾಕ್ ಆಗುತ್ತಾ?
ಆದರೆ ಈ ಸ್ಪರ್ಧೆಯಲ್ಲಿ ಓಪನ್‌ಎಐ ಮಾತ್ರ ಅಲ್ಲ. ಗೂಗಲ್, ಪರ್ಪ್ಲೆಕ್ಸಿಟಿ ಮುಂತಾದ ಸಂಸ್ಥೆಗಳು ಕೂಡ ಭಾರತೀಯ ಮಾರುಕಟ್ಟೆಯಲ್ಲಿ ವೇಗವಾಗಿ ಪಾದಾರ್ಪಣೆ ಮಾಡುತ್ತಿವೆ. ಪರ್ಪ್ಲೆಕ್ಸಿಟಿ ಇತ್ತೀಚೆಗೆ ಭಾರತಿ ಏರ್‌ಟೆಲ್ ಜೊತೆಗೂಡಿ 36 ಕೋಟಿ ಗ್ರಾಹಕರನ್ನು ತಲುಪಲು ಮುಂದಾಗಿದೆ.
ಭಾರತೀಯರಿಗೆ ಸುಲಭ ಪಾವತಿ (Easy Payment) ಆಯ್ಕೆಯೊಂದಿಗೆ ಪರಿಚಯಿಸಿದ ಈ ಪ್ಲಾನ್‌ಗಳು ಚಾಟ್‌ಜಿಪಿಟಿ ಬಳಕೆಯನ್ನು ಮತ್ತಷ್ಟು ಹೆಚ್ಚಿಸಬಹುದು ಎನ್ನುವ ನಿರೀಕ್ಷೆ ತಜ್ಞರದಲ್ಲಿದೆ.
ChatGPT Paid Plans Launched in India
