ಎಲ್ಲಾ ದಾಖಲೆ ಧೂಳಿಪಟ! ಇದೇ ಈಗ ನಂಬರ್ ಒನ್ ಎಲೆಕ್ಟ್ರಿಕ್ ಸ್ಕೂಟರ್ ಗುರು - Electric Scooter
ಜುಲೈ ತಿಂಗಳಲ್ಲಿ ಭಾರತದ ಎಲೆಕ್ಟ್ರಿಕ್ ಸ್ಕೂಟರ್ ಮಾರುಕಟ್ಟೆಯಲ್ಲಿ ಟಿವಿಎಸ್ 22,256 ಯೂನಿಟ್ ಮಾರಾಟದೊಂದಿಗೆ ಮೊದಲ ಸ್ಥಾನ ಪಡೆದುಕೊಂಡಿದೆ. ಓಲಾ ಬೃಹತ್ ಕುಸಿತ, ಅಥರ್ ಮತ್ತು ಹೀರೋ ವೇಗದ ಏರಿಕೆ ಕಂಡಿವೆ.
- ಎಲೆಕ್ಟ್ರಿಕ್ ಸ್ಕೂಟರ್ ಮಾರಾಟ: ಟಿವಿಎಸ್ 22,256 ಯೂನಿಟ್‌ಗಳೊಂದಿಗೆ ನಂ.1
- ಓಲಾ ಕುಸಿತ: 57% ಕಡಿಮೆಯಾಗಿ ಮೂರನೇ ಸ್ಥಾನ
- ಅಥರ್ & ಹೀರೋ ಏರಿಕೆ: 59% ಮತ್ತು 107% ಬೆಳವಣಿಗೆ
Electric Scooter Sales July 2025 : ಭಾರತೀಯ ಎಲೆಕ್ಟ್ರಿಕ್ ಸ್ಕೂಟರ್ ಮಾರುಕಟ್ಟೆ ದಿನದಿಂದ ದಿನಕ್ಕೆ ವೇಗ ಪಡೆದುಕೊಳ್ಳುತ್ತಿದೆ. ಜುಲೈ 2025 ಮಾರಾಟದ ಅಂಕಿಅಂಶಗಳು ಈ ಕ್ಷೇತ್ರದಲ್ಲಿ ತೀವ್ರ ಸ್ಪರ್ಧೆ ತೋರಿಸಿವೆ.
ಮೊದಲ ಸ್ಥಾನವನ್ನು ಟಿವಿಎಸ್ ಮೋಟಾರ್ ಪಡೆದುಕೊಂಡಿದ್ದು, ಒಟ್ಟು 22,256 ಯೂನಿಟ್‌ಗಳನ್ನು ಮಾರಾಟ ಮಾಡಿದೆ. ಇದು ಹಿಂದಿನ ವರ್ಷಕ್ಕಿಂತ 13.23% ಹೆಚ್ಚಾಗಿದೆ. ವಿಶೇಷವಾಗಿ TVS iQube ಮಾದರಿಯೇ ಈ ಯಶಸ್ಸಿಗೆ ಪ್ರಮುಖ ಕಾರಣ.
ಇದನ್ನೂ ಓದಿ: ಹೆಂಡತಿ ಹೆಸರಿನಲ್ಲಿ ಪೋಸ್ಟ್ ಆಫೀಸ್‌ನಲ್ಲಿ ಹಣ ಇಟ್ರೆ 2 ವರ್ಷಕ್ಕೆ 1 ಲಕ್ಷ ಲಾಭ
ಇದಕ್ಕೆ ಹತ್ತಿರದಲ್ಲೇ ಬಜಾಜ್ ಆಟೋ ಎರಡನೇ ಸ್ಥಾನದಲ್ಲಿ ತನ್ನ ಸ್ಥಾನವನ್ನು ಗಟ್ಟಿಗೊಳಿಸಿದೆ. 19,683 ಯೂನಿಟ್ ಮಾರಾಟದ ಮೂಲಕ 10.80% ಏರಿಕೆ ದಾಖಲಿಸಿದೆ. ಹೆಚ್ಚುತ್ತಿರುವ Chetak EV ಬೇಡಿಕೆಯೇ ಬಜಾಜ್‌ಗೆ ಬಲವರ್ಧಕವಾಗಿದೆ.
ಆದರೆ, ಓಲಾ ಎಲೆಕ್ಟ್ರಿಕ್‌ಗೆ (Ola Electric Scooter) ಈ ಬಾರಿ ಭಾರೀ ಹೊಡೆತ ಬಿದ್ದಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ 57.29% ಕುಸಿತ ಕಂಡಿದ್ದು, ಕೇವಲ 17,852 ಯೂನಿಟ್‌ಗಳಿಗೆ ತೃಪ್ತಿಪಡಬೇಕಾಯಿತು. ಇತ್ತೀಚಿನವರೆಗೆ ಮಾರುಕಟ್ಟೆಯಲ್ಲಿ ಆಳ್ವಿಕೆ ನಡೆಸಿದ ಓಲಾ, ಈಗ ತೀವ್ರ ಸವಾಲಿನ ಪರಿಸ್ಥಿತಿಯನ್ನು ಎದುರಿಸುತ್ತಿದೆ.
ಇದನ್ನೂ ಓದಿ: ಮಕ್ಕಳಿಗೆ ಕೊಟ್ಟ ಆಸ್ತಿಯನ್ನು ತಂದೆ-ತಾಯಿ ವಾಪಸ್ ಪಡೆಯಬಹುದಾ? ಇಲ್ಲಿದೆ ಶಾಕಿಂಗ್ ವಿಚಾರ
ಇದಕ್ಕೆ ವಿರುದ್ಧವಾಗಿ, ಅಥರ್ ಎನರ್ಜಿ ಬಲವಾದ ಏರುಗತಿಯಲ್ಲಿದೆ. ಕಂಪನಿ 59% ಏರಿಕೆ ಕಂಡು 16,251 ಯೂನಿಟ್ ಮಾರಾಟ ಸಾಧಿಸಿದೆ. ವಿಶೇಷವಾಗಿ 450X ಮತ್ತು 450S ಮಾದರಿಗಳು ಯುವ ಜನರ ನಡುವೆ ಆಕರ್ಷಣೆ ಗಳಿಸಿವೆ.
ಹೀರೋ ಮೋಟೋಕಾರ್ಪ್ ಕೂಡ ಈ ಬಾರಿ ತನ್ನ ಪ್ರಭಾವ ತೋರಿದೆ. 107% ವೃದ್ಧಿಯೊಂದಿಗೆ 10,501 ಯೂನಿಟ್ ಮಾರಾಟ ಮಾಡಿದ್ದು, Hero Vida Scooter ಸರಣಿ ಸ್ಕೂಟರ್‌ಗಳು ಕಂಪನಿಗೆ ಶಕ್ತಿ ತುಂಬಿವೆ.
ಇದನ್ನೂ ಓದಿ: ಮೋದಿಜಿ ದೀಪಾವಳಿ ಗಿಫ್ಟ್: ಕಾರು-ಬೈಕ್ ಬೆಲೆ ಭರ್ಜರಿ ಇಳಿಕೆ! ಕೇಂದ್ರ ಘೋಷಣೆ
ಇದೆ ವೇಳೆ, TVS iQube ಬೆಲೆ ಹಾಗೂ ವೈಶಿಷ್ಟ್ಯಗಳು ಕೂಡ ಗ್ರಾಹಕರನ್ನು ಸೆಳೆದಿವೆ. 2.2kWh ಬ್ಯಾಟರಿ ಹೊಂದಿದ ಬೇಸ್ ಮಾದರಿ 75 ಕಿ.ಮೀ ರೇಂಜ್ ನೀಡುತ್ತಿದ್ದು, 0-80% ಚಾರ್ಜ್‌ಗೆ ಕೇವಲ 2 ಗಂಟೆ ಬೇಕು. ಗರಿಷ್ಠ ವೇಗವು 75 ಕಿ.ಮೀ/ಘಂಟೆಯಷ್ಟಿರುತ್ತದೆ. ತೂಕ 115 ಕಿ.ಗ್ರಾಂ ಆಗಿದ್ದು, ಸೀಟ್ ಕೆಳಗಿನ ಸ್ಟೋರೇಜ್ ಸ್ವಲ್ಪ ಕಡಿಮೆ.
ಮಾರಾಟದ ಈ ಅಂಕಿಅಂಶಗಳು ನೋಡುತ್ತಿದ್ದರೆ, ಭಾರತೀಯ ಎಲೆಕ್ಟ್ರಿಕ್ ಮಾರುಕಟ್ಟೆ ಈಗ ತೀವ್ರ ಸ್ಪರ್ಧೆಯ ಹಂತಕ್ಕೇರಿದೆ. ಮುಂದಿನ ತಿಂಗಳುಗಳಲ್ಲಿ ಯಾವ ಕಂಪನಿಗೆ ಪ್ರಾಬಲ್ಯ ಸಿಗುತ್ತದೆ ಎಂಬುದು ಕುತೂಹಲದ ವಿಷಯ.
Electric Scooter Sales July 2025, TVS Tops, Ola Falls, Ather and Hero Rise
