ಅಮೆಜಾನ್ ಪ್ರೈಮ್‌ಗೆ ಪೈಪೋಟಿ, ಫ್ಲಿಪ್‌ಕಾರ್ಟ್ ಆಫರ್‌ಗಳು, ಹೊಸ ಪ್ರೀಮಿಯಂ ಪ್ಲಾನ್ - Flipkart Black
ಫ್ಲಿಪ್‌ಕಾರ್ಟ್ ತನ್ನ ಗ್ರಾಹಕರಿಗಾಗಿ ಹೊಸ ಪ್ರೀಮಿಯಂ ಪ್ಲಾನ್ ‘ಫ್ಲಿಪ್‌ಕಾರ್ಟ್ ಬ್ಲಾಕ್’ನ್ನು ಪರಿಚಯಿಸಿದೆ. ಅಮೆಜಾನ್ ಪ್ರೈಮ್‌ಗೆ ಪೈಪೋಟಿ ನೀಡುವ ಈ ಸಬ್ಸ್ಕ್ರಿಪ್ಶನ್ ಯೋಜನೆ ವಿಶೇಷ ಸೌಲಭ್ಯಗಳು, ಆಫರ್‌ಗಳು ಹಾಗೂ ಯೂಟ್ಯೂಬ್ ಪ್ರೀಮಿಯಂ ಉಚಿತ ಸೇವೆ ನೀಡಲಿದೆ.
- ಫ್ಲಿಪ್‌ಕಾರ್ಟ್ ಬ್ಲಾಕ್ ಪ್ಲಾನ್ ಪ್ರಾರಂಭ
- ಯೂಟ್ಯೂಬ್ ಪ್ರೀಮಿಯಂ ಉಚಿತ ಸೇವೆ
- ವಿಶೇಷ ಡಿಸ್ಕೌಂಟ್ ಹಾಗೂ ಸೂಪರ್‌ಕಾಯಿನ್ ಪ್ರಯೋಜನ
ಇ-ಕಾಮರ್ಸ್ ದಿಗ್ಗಜ ಫ್ಲಿಪ್‌ಕಾರ್ಟ್ ತನ್ನ ಹೊಸ ಪ್ರೀಮಿಯಂ ಸಬ್ಸ್ಕ್ರಿಪ್ಶನ್ ಪ್ರೋಗ್ರಾಂ Flipkart Black ಅನ್ನು ಮಾರುಕಟ್ಟೆಗೆ ತಂದಿದೆ. ಈಗಾಗಲೇ ಇರುವ Flipkart Plus ಮತ್ತು VIP ಯೋಜನೆಗಿಂತ ಇದು ಹೆಚ್ಚು ಆಕರ್ಷಕ ಸೌಲಭ್ಯಗಳನ್ನು ಒಳಗೊಂಡಿದೆ.
ಈ ಪ್ಲಾನ್‌ನಲ್ಲಿ ಸದಸ್ಯರಿಗೆ ಪ್ರಮುಖ ಮಾರಾಟ ಸಮಯದಲ್ಲಿ ಮುಂಚಿತ ಪ್ರವೇಶ, ಪ್ರಾಥಮಿಕ ಕಸ್ಟಮರ್ ಸಪೋರ್ಟ್ ಹಾಗೂ ಕೆಲವು ಆಯ್ದ ಉತ್ಪನ್ನಗಳ ಮೇಲೆ ವಿಶೇಷ ಡಿಸ್ಕೌಂಟ್ ಲಭ್ಯ. ಜೊತೆಗೆ Flipkart Minutes ಆಪ್ ಮೂಲಕ ಮಾಡಿದ ಪ್ರತಿಯೊಂದು ಆರ್ಡರ್‌ಗೆ 5% ಸೂಪರ್‌ಕಾಯಿನ್ ಕ್ಯಾಶ್‌ಬ್ಯಾಕ್ ಸಿಗುತ್ತದೆ.
ಒಂದು ತಿಂಗಳಲ್ಲಿ ಗರಿಷ್ಠ 800 ಸೂಪರ್‌ಕಾಯಿನ್ ಗಳಿಸುವ ಅವಕಾಶವಿದೆ. ಒಂದು ಸೂಪರ್‌ಕಾಯಿನ್ ಒಂದು ರೂಪಾಯಿಗೆ ಸಮಾನವಾದ್ದರಿಂದ ಗ್ರಾಹಕರು ನೇರವಾಗಿ ಡಿಸ್ಕೌಂಟ್ ಪಡೆಯಲು ಬಳಸಿಕೊಳ್ಳಬಹುದು.
ಇದನ್ನೂ ಓದಿ: 100, 200 ರೂಪಾಯಿ ನೋಟುಗಳ ಬಗ್ಗೆ ಮಹತ್ವದ ನಿರ್ಧಾರ, ಬ್ಯಾಂಕ್‌ಗಳಿಗೆ ಪ್ರಮುಖ ಸೂಚನೆ!
ಫ್ಲಿಪ್‌ಕಾರ್ಟ್ ಬ್ಲಾಕ್ ಸದಸ್ಯರಿಗೆ ಮತ್ತೊಂದು ದೊಡ್ಡ ಆಕರ್ಷಣೆ ಎಂದರೆ ಒಂದು ವರ್ಷದ ಯೂಟ್ಯೂಬ್ ಪ್ರೀಮಿಯಂ ಸಬ್ಸ್ಕ್ರಿಪ್ಶನ್ ಉಚಿತ (Free YouTube Premium Subscription). ಸಾಮಾನ್ಯವಾಗಿ ಈ ಸೇವೆಯ ವಾರ್ಷಿಕ ಶುಲ್ಕ ರೂ.1490, ಬ್ಲಾಕ್ ಸಬ್ಸ್ಕ್ರೈಬರ್‌ಗಳಿಗೆ ಇದು ಸಂಪೂರ್ಣ ಉಚಿತವಾಗಿ ಸಿಗಲಿದೆ. ಇದರಿಂದ ಜಾಹೀರಾತು ರಹಿತ ವೀಡಿಯೊ ವೀಕ್ಷಣೆ, ಆಫ್‌ಲೈನ್ ಡೌನ್‌ಲೋಡ್ ಮತ್ತು ಮ್ಯೂಸಿಕ್ ಸ್ಟ್ರೀಮಿಂಗ್ ಸೌಲಭ್ಯ ದೊರಕುತ್ತದೆ.
ಈ ಹೊಸ ಪ್ಲಾನ್‌ನ ಶುಲ್ಕ ವರ್ಷಕ್ಕೆ ರೂ.1499 ಆಗಿದ್ದು, ಸದ್ಯಕ್ಕೆ ಲಿಮಿಟೆಡ್ ಆಫರ್ ಅಡಿಯಲ್ಲಿ ರೂ.990ಕ್ಕೆ ಲಭ್ಯ. ಆದರೆ, ಈ ಪ್ಲಾನ್ ಖರೀದಿಸಿದ ಬಳಿಕ ರದ್ದುಪಡಿಸಲು ಅಥವಾ ಹಣ ಹಿಂತಿರುಗಿಸಲು ಅವಕಾಶವಿಲ್ಲ.
ಅಮೆಜಾನ್ ಪ್ರೈಮ್‌ಗೆ (Amazon Prime) ಪೈಪೋಟಿ ನೀಡುವ ಉದ್ದೇಶದೊಂದಿಗೆ, ಫ್ಲಿಪ್‌ಕಾರ್ಟ್ ತನ್ನ ಪ್ರೀಮಿಯಂ ಗ್ರಾಹಕರನ್ನು ಇನ್ನಷ್ಟು ಹೆಚ್ಚಿಸಿಕೊಳ್ಳಲು ಈ ಹೆಜ್ಜೆ ಇಟ್ಟಿದೆ.
Flipkart Black Launch, Premium Plan with YouTube Premium Free
