ಒಂದು ರೂಪಾಯಿ ಕಾಯಿನ್ ತಯಾರು ಮಾಡೋಕೆ ಎಷ್ಟು ಖರ್ಚಾಗುತ್ತೆ ಗೊತ್ತಾ?
ಭಾರತದಲ್ಲಿ ನಾಣ್ಯಗಳ ಉತ್ಪಾದನೆಗೆ ಸರ್ಕಾರ ಕೋಟಿ ಕೋಟಿ ಖರ್ಚು ಮಾಡುತ್ತದೆ. ಒಂದು ರೂಪಾಯಿ ನಾಣ್ಯಕ್ಕೂ ಹೆಚ್ಚಿನ ವೆಚ್ಚವಾಗುತ್ತಿರುವುದು ತಂತ್ರಜ್ಞಾನ ಬೆಳವಣಿಗೆಯ ನಡುವೆಯೂ ಭಾರಿ ಚರ್ಚೆಗೆ ಕಾರಣವಾಗಿದೆ.
- ಒಂದು ರೂಪಾಯಿ ನಾಣ್ಯಕ್ಕೆ 1.11 ರೂಪಾಯಿ ವೆಚ್ಚ
- 10 ರೂಪಾಯಿ ನಾಣ್ಯಕ್ಕೆ 5.54 ರೂಪಾಯಿ ಖರ್ಚಾಗುತ್ತೆ
- ದೇಶದಲ್ಲಿ ಡಿಜಿಟಲ್ ಪಾವತಿ ಹೆಚ್ಚಾದರೂ ನಾಣ್ಯ ಉತ್ಪಾದನೆ ಮುಂದುವರಿಕೆ
Coin Production Cost : ಭಾರತದಲ್ಲಿ ಡಿಜಿಟಲ್ ಪಾವತಿ (Digital Payment) ವ್ಯವಸ್ಥೆ ವೇಗವಾಗಿ ಬೆಳೆಯುತ್ತಿರುವಾಗಲೂ, ಸರ್ಕಾರ ನಾಣ್ಯಗಳ ಉತ್ಪಾದನೆಗೆ ಕೋಟಿ ಕೋಟಿ ಹಣವನ್ನು ಖರ್ಚು ಮಾಡುತ್ತಿದೆ. ಹಲವರು ಯುಪಿಐ, ನೆಟ್ ಬ್ಯಾಂಕಿಂಗ್ (Net Banking) ಮೂಲಕ ವಹಿವಾಟು ನಡೆಸಿದರೂ, ನಾಣ್ಯಗಳ ಉತ್ಪಾದನೆ ಸ್ಥಗಿತಗೊಂಡಿಲ್ಲ.
2018ರಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಬಹಿರಂಗಪಡಿಸಿದ ವರದಿ ಪ್ರಕಾರ, 1 ರೂಪಾಯಿ ನಾಣ್ಯವನ್ನು ಉತ್ಪಾದಿಸಲು 1.11 ರೂಪಾಯಿ ವೆಚ್ಚವಾಗುತ್ತದೆ. ಅಂದರೆ, ಈ ನಾಣ್ಯವನ್ನು ಮುದ್ರಿಸುವಾಗಲೇ ಸರ್ಕಾರ ಅಲ್ಪ ಪ್ರಮಾಣದ ನಷ್ಟ ಅನುಭವಿಸುತ್ತದೆ.
ಇದೇ ರೀತಿಯಾಗಿ, 2 ರೂಪಾಯಿ ನಾಣ್ಯಕ್ಕೆ 1.28 ರೂಪಾಯಿ, 5 ರೂಪಾಯಿ ನಾಣ್ಯಕ್ಕೆ 3.69 ರೂಪಾಯಿ ಮತ್ತು 10 ರೂಪಾಯಿ ನಾಣ್ಯಕ್ಕೆ 5.54 ರೂಪಾಯಿ ವೆಚ್ಚವಾಗುತ್ತದೆ.
ಬಂಪರ್ ಸುದ್ದಿ: ಮಹಿಳೆಯರಿಗೆ 5 ಲಕ್ಷದವರೆಗೆ ಬಡ್ಡಿ ರಹಿತ ಸಾಲ, ಹೀಗೆ ಅರ್ಜಿ ಸಲ್ಲಿಸಿ
ನಾಣ್ಯಗಳನ್ನು ತಯಾರಿಸುವ ಪ್ರಕ್ರಿಯೆ ಸುಲಭವಲ್ಲ. ಇದು ಬಹು ಹಂತಗಳಲ್ಲಿ ನಡೆಯುತ್ತಿದ್ದು, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮತ್ತು ಸೆಕ್ಯುರಿಟಿ ಪ್ರಿಂಟಿಂಗ್ ಅಂಡ್ ಟಂಕಸಾಲೆ ಕಾರ್ಪೊರೇಷನ್ ಆಫ್ ಇಂಡಿಯಾ (SPMCIL) ನಾಣ್ಯಗಳನ್ನು ಮುದ್ರಿಸುತ್ತವೆ. ಈ ಟಂಕಸಾಲೆಗಳು ಮುಂಬೈ, ಹೈದರಾಬಾದ್, ಕೋಲ್ಕತ್ತಾ ಮತ್ತು ನೋಯ್ಡಾದಲ್ಲಿ ಕಾರ್ಯನಿರ್ವಹಿಸುತ್ತಿವೆ.
ನಾಣ್ಯಗಳ ಬಳಕೆ ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತಿದೆ. ಹೆಚ್ಚಿನ ಜನರು ಪೇಮೆಂಟ್ ಆಪ್ಸ್ (Payment Apps), ಡೆಬಿಟ್ ಕಾರ್ಡ್ ಮತ್ತು ಕ್ರೆಡಿಟ್ ಕಾರ್ಡ್ (Credit Card) ಬಳಸಿ ಲೇವಾದೇವಿ ಮಾಡುತ್ತಿದ್ದಾರೆ. ದಿನನಿತ್ಯದ ಚಿಲ್ಲರೆ ವಹಿವಾಟುಗಳಲ್ಲಿ ನಾಣ್ಯಗಳ ಬಳಕೆ ಇಂದಿಗೂ ಅಗತ್ಯವಿದೆ, ಆದರೆ ತಂತ್ರಜ್ಞಾನದ ಅಭಿವೃದ್ಧಿಯಿಂದಾಗಿ ಅದರ ಮಹತ್ವ ಕಡಿಮೆಯಾಗುತ್ತಿದೆ.
ನಿಮ್ಮ ಮಗಳಿಗೆ 18 ವರ್ಷ ತುಂಬಿದಾಗ 22 ಲಕ್ಷ ಸಿಗುವ ಬಂಪರ್ ಯೋಜನೆ ಇದು!
ಕರೆನ್ಸಿ ನಾಣ್ಯಗಳ ಉತ್ಪಾದನೆಗೆ ಸರ್ಕಾರ ತೆರಿಗೆಯ ಹಣವನ್ನು ಬಳಸುತ್ತಿದ್ದು, ಇದು ಸಾರ್ವಜನಿಕ ಚರ್ಚೆಗೆ ಕಾರಣವಾಗಿದೆ. ದೇಶದಲ್ಲಿ ಡಿಜಿಟಲೀಕರಣದ ಬೆಳವಣಿಗೆ ಹೆಚ್ಚಾದರೂ, ನಾಣ್ಯ ಉತ್ಪಾದನೆಗೆ ಆಗುವ ಹೆಚ್ಚಿನ ವೆಚ್ಚ ಸರ್ಕಾರದ ಮೇಲೆ ಭಾರವಾಗುತ್ತಿದೆ. ಮುಂದಿನ ದಿನಗಳಲ್ಲಿ ನಾಣ್ಯಗಳ ಬಳಕೆ ಮತ್ತಷ್ಟು ಕಡಿಮೆಯಾದರೆ ಈ ವೆಚ್ಚವನ್ನು ಹೇಗೆ ನಿಯಂತ್ರಿಸಬಹುದು ಎಂಬುದು ಪ್ರಶ್ನೆಯಾಗಲಿದೆ.
How Much Does India Spend on 1 Rupee Coin Production
