ಬರಿ ₹999 ರೂಪಾಯಿ ಕಟ್ಟಿದ್ರೆ ಎಲೆಕ್ಟ್ರಿಕ್ ಸ್ಕೂಟರ್! 20 ರೂಪಾಯಿಗೆ 100 ಕಿ.ಮೀ ಮೈಲೇಜ್ - Ola Gig Electric Scooter
ಕಡಿಮೆ ಬೆಲೆ, ಹೆಚ್ಚಿನ ಮೈಲೇಜ್ ಹಾಗೂ EMI ಆಯ್ಕೆಗಳೊಂದಿಗೆ ಓಲಾ ಗಿಗ್ ಎಲೆಕ್ಟ್ರಿಕ್ ಸ್ಕೂಟರ್ ಮಾರುಕಟ್ಟೆಗೆ ಲಾಂಚ್. ಡೆಲಿವರಿ ಹಾಗೂ ರೈಡ್-ಶೇರಿಂಗ್ ವ್ಯವಹಾರಗಳಿಗೆ ಇದು ಸೂಕ್ತ ಆಯ್ಕೆಯಾಗಲಿದೆ.
- ಓಲಾ ಗಿಗ್ ಎಲೆಕ್ಟ್ರಿಕ್ ಸ್ಕೂಟರ್ ಬೆಲೆ ಆರಂಭ ₹39,999
- ಮೈಲೇಜ್ ಗರಿಷ್ಠ 157 ಕಿಮೀ, ಖರ್ಚು ಕೇವಲ ₹20 / 100 ಕಿಮೀ
- ಡೆಲಿವರಿ ಏಜೆಂಟ್ಸ್ ಹಾಗೂ ರೈಡ್-ಶೇರಿಂಗ್ ವ್ಯವಹಾರಗಳಿಗೆ ಸೂಕ್ತ
Ola Gig Electric Scooter : ಓಲಾ ಎಲೆಕ್ಟ್ರಿಕ್ ತನ್ನ ಹೊಸ ಗಿಗ್ ಎಲೆಕ್ಟ್ರಿಕ್ ಸ್ಕೂಟರ್ ಮೂಲಕ ಭಾರತದಲ್ಲಿ ಬಿ2ಬಿ ಡೆಲಿವರಿ ಹಾಗೂ ರೈಡ್-ಶೇರಿಂಗ್ ಕ್ಷೇತ್ರವನ್ನು ಗುರಿಯಾಗಿಸಿಕೊಂಡಿದೆ. ₹39,999 ರಿಂದ ಪ್ರಾರಂಭವಾಗುವ ಇದರ ಬೆಲೆ, ಭಾರತೀಯ ಮಾರುಕಟ್ಟೆಯ ಅತಿ ಕಡಿಮೆ ದರದ ಎಲೆಕ್ಟ್ರಿಕ್ ಸ್ಕೂಟರ್‌ಗಳಲ್ಲಿ ಒಂದಾಗಿದೆ.
ಗಿಗ್ ಹಾಗೂ ಗಿಗ್ ಪ್ಲಸ್ ಎಂಬ ಎರಡು ವೇರಿಯಂಟ್‌ಗಳಲ್ಲಿ ಲಭ್ಯವಿರುವ ಈ ಸ್ಕೂಟರ್‌ಗಳಲ್ಲಿ ಗಿಗ್ ಪ್ಲಸ್ ಡ್ಯುಯಲ್ ಬ್ಯಾಟರಿಯಿಂದ 157 ಕಿಮೀ ವರೆಗೆ ರೇಂಜ್ ನೀಡುತ್ತದೆ. ಗಿಗ್ ಮಾದರಿ 112 ಕಿಮೀ ಮೈಲೇಜ್ ಒದಗಿಸುತ್ತದೆ. ಗರಿಷ್ಠ ವೇಗ ಕ್ರಮವಾಗಿ 25 ಕಿಮೀ/ಗಂ ಹಾಗೂ 45 ಕಿಮೀ/ಗಂ ಆಗಿದೆ.
ಬ್ಯಾಟರಿ ಚಾರ್ಜ್ ಮಾಡಲು ಗಿಗ್‌ಗೆ 4 ಗಂಟೆ ಬೇಕಾಗುತ್ತದೆ, ಗಿಗ್ ಪ್ಲಸ್‌ಗೆ 5–6 ಗಂಟೆ ಸಮಯ ಬೇಕಾಗುತ್ತದೆ. ಎರಡೂ ಮಾದರಿಗಳಲ್ಲೂ ಸ್ವಾಪಬಲ್ ಬ್ಯಾಟರಿ ಸೆಟಪ್ ಇರುವುದರಿಂದ ಮನೆಗೆ ತೆಗೆದುಕೊಂಡು ಹೋಗಿ ಚಾರ್ಜ್ ಮಾಡಲು ಅವಕಾಶವಿದೆ. ಇದು ಅಪಾರ್ಟ್‌ಮೆಂಟ್‌ಗಳಲ್ಲಿ ವಾಸಿಸುವವರಿಗೆ ಹೆಚ್ಚಿನ ಅನುಕೂಲ.
ಇದನ್ನೂ ಓದಿ: ಕೇವಲ 1 ಲಕ್ಷ ಕೊಟ್ಟು ಮನೆಗೆ ತಗೊಂಡು ಹೋಗಿ ಹೊಸ ರೆನಾಲ್ಟ್ ಕಿಗರ್ 2025 ಕಾರು
ಫೀಚರ್‌ಗಳ ವಿಷಯದಲ್ಲಿ ಗಿಗ್ ಮಾದರಿಯಲ್ಲಿ ಮೂಲಭೂತ ಸೌಲಭ್ಯಗಳಿದ್ದರೆ, ಗಿಗ್ ಪ್ಲಸ್‌ನಲ್ಲಿ ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿ, LCD ಡಿಸ್‌ಪ್ಲೇ ಹಾಗೂ ಎಕೋ, ನಾರ್ಮಲ್, ಸ್ಪೋರ್ಟ್ಸ್ ರೈಡ್ ಮೋಡ್‌ಗಳ ಆಯ್ಕೆಯಿದೆ. ಎರಡೂ ಸ್ಕೂಟರ್‌ಗಳಲ್ಲಿ LED ಲೈಟ್ಸ್, ಡ್ರಮ್ ಬ್ರೇಕ್‌ಗಳು ಹಾಗೂ 12 ಇಂಚು ಟ್ಯೂಬ್‌ಲೆಸ್ ಟೈರ್‌ಗಳಿವೆ.
100 ಕಿಮೀ ಓಡಿಸಲು ಕೇವಲ ₹20–25 ಮಾತ್ರ ಖರ್ಚಾಗುವುದರಿಂದ, ಇಂಧನ ಸ್ಕೂಟರ್‌ಗಳಿಗಿಂತ ತಿಂಗಳಿಗೆ ₹6,000 ವರೆಗೆ ಉಳಿಸಬಹುದೆಂದು ಕಂಪನಿ ಹೇಳಿದೆ. ಇದರಿಂದ ದಿನನಿತ್ಯದ ಡೆಲಿವರಿ ಏಜೆಂಟ್ಸ್ ಹಾಗೂ ರೈಡ್-ಶೇರಿಂಗ್ ವ್ಯವಹಾರಗಳಿಗೆ ಆರ್ಥಿಕ ಲಾಭವಾಗಲಿದೆ.
ಇದನ್ನೂ ಓದಿ: ಅಮೆಜಾನ್ ಪ್ರೈಮ್‌ಗೆ ಪೈಪೋಟಿ, ಫ್ಲಿಪ್‌ಕಾರ್ಟ್ ಆಫರ್‌ಗಳು, ಹೊಸ ಪ್ರೀಮಿಯಂ ಪ್ಲಾನ್
ಆನ್‌ಲೈನ್ ಮೂಲಕ ಕೇವಲ ₹999 ನೀಡಿ ಬುಕಿಂಗ್ ಮಾಡಬಹುದಾಗಿದೆ. EMI ಯೋಜನೆಗಳು 12 ತಿಂಗಳಿಂದ 60 ತಿಂಗಳವರೆಗೆ ಲಭ್ಯವಿವೆ. ಜೊತೆಗೆ PM E-Drive ಸಬ್ಸಿಡಿ ಅನ್ವಯವಾದರೆ ಬೆಲೆಯಲ್ಲಿ ₹10,000 ರಿಯಾಯಿತಿ ಸಿಗುತ್ತದೆ.
ಓಲಾ ಗಿಗ್ ಸರಣಿಯ ಡೆಲಿವರಿ 2025ರ ಅಂತ್ಯದೊಳಗೆ ಆರಂಭವಾಗಲಿದ್ದು, ಕಡಿಮೆ ನಿರ್ವಹಣಾ ವೆಚ್ಚ ಹಾಗೂ ಪರಿಸರ ಸ್ನೇಹಿ ಗುಣಗಳಿಂದಾಗಿ ವ್ಯಾಪಾರಿಗಳಿಗೆ ಆಕರ್ಷಕ ಆಯ್ಕೆಯಾಗಿದೆ.
Ola Gig Electric Scooter at Just 39,999 with 157 Km Range
