ಹೆಣ್ಣು ಮಗು ಜನಿಸಿದರೆ ತಾಯಿಗೆ ₹6,000, ಕೇಂದ್ರ ಸರ್ಕಾರದ ವಿಶೇಷ ಯೋಜನೆ
ಗರ್ಭಿಣಿ ಮಹಿಳೆಯರಿಗೂ, ಇತ್ತೀಚೆಗೆ ಮಗುವಿಗೆ ಜನ್ಮ ನೀಡಿದ ತಾಯಂದಿರಿಗೂ ಕೇಂದ್ರ ಸರ್ಕಾರದಿಂದ ಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆ ಅಡಿಯಲ್ಲಿ ಆರ್ಥಿಕ ನೆರವು. ಆಗಸ್ಟ್ 15ರವರೆಗೆ ವಿಶೇಷ ನೋಂದಣಿ ಅಭಿಯಾನ.
- ಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆ ಅಡಿಯಲ್ಲಿ ನೆರವು
- ಮೊದಲ ಮಗುವಿಗೆ ₹5,000, ಎರಡನೇ ಹೆಣ್ಣು ಮಗುವಿಗೆ ₹6,000
- ಆಗಸ್ಟ್ 15ರವರೆಗೆ ಅಂಗನವಾಡಿ, ಆಶಾ ಕಾರ್ಯಕರ್ತರಿಂದ ಅಭಿಯಾನ
PMMVY Scheme : ಗರ್ಭಿಣಿ ಮಹಿಳೆಯರು ಹಾಗೂ ಇತ್ತೀಚೆಗೆ ಮಗುವಿಗೆ ಜನ್ಮ ನೀಡಿದ ತಾಯಂದಿರಿಗೆ ಕೇಂದ್ರ ಸರ್ಕಾರದಿಂದ ಸಂತಸದ ಸುದ್ದಿ ಬಂದಿದೆ. ಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆ (PMMVY) ಅಡಿಯಲ್ಲಿ ತಾಯಂದಿರಿಗೆ ನೇರವಾಗಿ ಬ್ಯಾಂಕ್ (Bank) ಅಥವಾ ಅಂಚೆ ಖಾತೆಗೆ ಆರ್ಥಿಕ ನೆರವು ನೀಡಲಾಗುತ್ತಿದೆ.
ತಾಯಿ ಮತ್ತು ಮಗು ಆರೋಗ್ಯಕರವಾಗಿರಲು, ಪೌಷ್ಟಿಕ ಆಹಾರ, ಔಷಧಿ ಹಾಗೂ ಆಸ್ಪತ್ರೆಗೆ ಭೇಟಿ ವೆಚ್ಚಕ್ಕೆ ಈ ನೆರವು ಉಪಯೋಗವಾಗಲಿದೆ.
ಇದನ್ನೂ ಓದಿ: ₹6000 ಕ್ಕಿಂತ ಕಡಿಮೆಗೆ ಟಾಪ್ 3 ಸ್ಮಾರ್ಟ್‌ಫೋನ್‌ಗಳು, ಅಮೆಜಾನ್ ಬಂಪರ್ ಡೀಲ್‌
ಮೂದಲ ಮಗುವಿನ ಜನನದ ವೇಳೆ, ಒಟ್ಟು ₹5,000 ಮೊತ್ತವನ್ನು ಮೂರು ಹಂತಗಳಲ್ಲಿ ನೀಡಲಾಗುತ್ತದೆ — ಗರ್ಭಾವಸ್ಥೆಯಲ್ಲಿ ನೋಂದಣಿ ಮಾಡಿದಾಗ ₹1,000, ಕನಿಷ್ಠ ಒಂದು ಆರೋಗ್ಯ ಪರೀಕ್ಷೆಯ ನಂತರ ₹2,000 ಮತ್ತು ಮಗುವಿಗೆ ಲಸಿಕೆ ನೀಡಿದ ನಂತರ ಮತ್ತೊಂದು ₹2,000. ಎರಡನೇ ಪ್ರಸವದಲ್ಲಿ ಹೆಣ್ಣು ಮಗು ಜನಿಸಿದರೆ ₹6,000 ನೀಡಲಾಗುತ್ತದೆ.
ಸರ್ಕಾರ 2025 ಆಗಸ್ಟ್ 15ರವರೆಗೆ ವಿಶೇಷ ನೋಂದಣಿ ಅಭಿಯಾನ ಹಮ್ಮಿಕೊಂಡಿದೆ. ಈ ಅವಧಿಯಲ್ಲಿ ಅಂಗನವಾಡಿ ಹಾಗೂ ಆಶಾ ಕಾರ್ಯಕರ್ತರು ಮನೆಮನೆಗೆ ತೆರಳಿ ಯೋಜನೆಯ ಬಗ್ಗೆ ಮಾಹಿತಿ ನೀಡುತ್ತಿದ್ದಾರೆ ಮತ್ತು ತಕ್ಷಣವೇ ಅರ್ಹ ಮಹಿಳೆಯರನ್ನು ನೋಂದಾಯಿಸುತ್ತಿದ್ದಾರೆ. ಈ ಹಣವನ್ನು ತಾಯಂದಿರು ತಮ್ಮ ಆರೋಗ್ಯಕ್ಕಾಗಿ ಅಥವಾ ಮಗುವಿಗೆ ಪೌಷ್ಟಿಕ ಆಹಾರ, ಔಷಧಿ, ಆಸ್ಪತ್ರೆ ವೆಚ್ಚಗಳಿಗೆ ಬಳಸಿಕೊಳ್ಳಬಹುದು.
ಇದನ್ನೂ ಓದಿ: ಲೋನ್ ಮುಗಿಸಿದ್ರೂ ಸಿಬಿಲ್ ಸ್ಕೋರ್ ಏರಿಕೆ ಆಗಿಲ್ವಾ? ಹಾಗಾದ್ರೆ ಇದೇ ಕಾರಣ
ಅರ್ಹತೆ
ಈ ಯೋಜನೆಗೆ ಅರ್ಜಿ ಹಾಕಲು ತಾಯಿಗೆ ಕನಿಷ್ಠ 19 ವರ್ಷ ವಯಸ್ಸಿರಬೇಕು. ಕುಟುಂಬದ ವಾರ್ಷಿಕ ಆದಾಯ ₹8 ಲಕ್ಷಕ್ಕಿಂತ ಕಡಿಮೆ ಇರಬೇಕು. ಬಿಪಿಎಲ್ ಕಾರ್ಡ್ (BPL Card), ಎಂಎನ್‌ಆರ್‌ಇಜಿಎ ಕಾರ್ಡ್, ಈ-ಶ್ರಮ ಕಾರ್ಡ್, ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಪ್ರಯೋಜನ ಪಡೆಯುತ್ತಿರುವವರು ಅರ್ಹರಾಗಿದ್ದಾರೆ. ಸರ್ಕಾರಿ ನೌಕರರಿಗೆ ಈ ಯೋಜನೆ ಅನ್ವಯಿಸುವುದಿಲ್ಲ.
ಇದನ್ನೂ ಓದಿ: ತಿಂಗಳಿಗೆ ₹3000 ಪಿಂಚಣಿ ಸಿಗುತ್ತೆ! ಶ್ರಮ ಯೋಗಿ ಯೋಜನೆಗೆ ಈಗಲೇ ಅರ್ಜಿ ಹಾಕಿ
ಅರ್ಜಿಯ ವಿಧಾನ
ನಿಮ್ಮ ಹತ್ತಿರದ ಅಂಗನವಾಡಿ ಕೇಂದ್ರ ಅಥವಾ ಆಶಾ ಕಾರ್ಯಕರ್ತರನ್ನು ಸಂಪರ್ಕಿಸಿ. ಆಧಾರ್ ಕಾರ್ಡ್, ಗರ್ಭಧಾರಣೆಯ ಪ್ರಮಾಣ ಪತ್ರ ಅಥವಾ ಮಗುವಿನ ಜನನ ಪ್ರಮಾಣ ಪತ್ರ (ಎರಡನೇ ಹಂತಕ್ಕೆ), ಹಾಗೂ ಬ್ಯಾಂಕ್ ಅಥವಾ ಅಂಚೆ ಖಾತೆಯ ವಿವರಗಳನ್ನು ಸಲ್ಲಿಸಿ.
2025 ಜುಲೈ 31ರವರೆಗೆ ದೇಶದಾದ್ಯಂತ 4.05 ಕೋಟಿಗೂ ಹೆಚ್ಚು ತಾಯಂದಿರು ಈ ಯೋಜನೆಯಿಂದ ಪ್ರಯೋಜನ ಪಡೆದಿದ್ದಾರೆ. ಸರ್ಕಾರ ನೇರ ಲಾಭ ವರ್ಗಾವಣೆ (DBT) ಮೂಲಕ ₹19,028 ಕೋಟಿಗೂ ಹೆಚ್ಚು ಹಣವನ್ನು ನೇರವಾಗಿ ಖಾತೆಗಳಿಗೆ (Bank Account) ಜಮಾ ಮಾಡಿದೆ.
PMMVY Scheme by Central Government
