ಹರಿದ, ಹಾಳಾದ ಅಥವಾ ಡ್ಯಾಮೇಜ್ ನೋಟುಗಳಿಗೆ ಹೊಸ ರೂಲ್ಸ್! ಬಿಗ್ ಅಪ್ಡೇಟ್ - Currency Exchange
RBI ಹರಿದ ಅಥವಾ ಹಾಳಾದ ನೋಟುಗಳನ್ನು ಬದಲಾಯಿಸುವ ವಿಧಾನವನ್ನು ಸರಳಗೊಳಿಸಿದೆ. ಬ್ಯಾಂಕ್ ಅಥವಾ RBI ಕಚೇರಿಯಲ್ಲಿ ಮುಖ್ಯ ಗುರುತು ಉಳಿದಿದ್ದರೆ ನೇರವಾಗಿ ಹೊಸ ನೋಟು ಪಡೆಯಬಹುದು.
- RBI ಹರಿದ ನೋಟು ಬದಲಾವಣೆ ಸುಲಭಗೊಳಿಸಿದೆ
- ಮುಖ್ಯ ಗುರುತು ಇದ್ದರೆ ಬ್ಯಾಂಕ್‌ಲ್ಲಿ ಹೊಸ ನೋಟು ಸಿಗಲಿದೆ
- ದಿನಕ್ಕೆ ₹5,000 ಮೌಲ್ಯದ ನೋಟು ಉಚಿತ ಬದಲಾವಣೆ
Damaged Notes : ಡಿಜಿಟಲ್ ಪೇಮೆಂಟ್‌ಗಳು ಹೆಚ್ಚಾದರೂ, ₹10, ₹20, ₹50, ₹100, ₹500 ನೋಟುಗಳು ಇನ್ನೂ ನಮ್ಮ ದಿನನಿತ್ಯ ವ್ಯವಹಾರದಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿವೆ. ಆದರೆ, ಇಂತಹ ನೋಟುಗಳು ಕೆಲವೊಮ್ಮೆ ಹರಿದು ಅಥವಾ ಹಾಳಾಗಿ ವಹಿವಾಟಿಗೆ ಅಸೌಕರ್ಯ ಉಂಟುಮಾಡುತ್ತವೆ.
ಈ ಸಮಸ್ಯೆಯನ್ನು ಗಮನಿಸಿ, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಹರಿದ, ಹಾಳಾದ ನೋಟುಗಳನ್ನು ಬದಲಾಯಿಸುವ ಪ್ರಕ್ರಿಯೆಯನ್ನು ಇನ್ನಷ್ಟು ಸರಳಗೊಳಿಸಿದೆ.
ಮುಖ್ಯ ಗುರುತುಗಳು — ಅಶೋಕ ಸ್ತಂಭ, ಮಹಾತ್ಮಾ ಗಾಂಧಿ ಚಿತ್ರ, ಸಹಿ, ವಾಟರ್‌ಮಾರ್ಕ್ — ಹಾನಿಯಾಗದಿದ್ದರೆ, ಆ ನೋಟುಗಳನ್ನು ನೇರವಾಗಿ ಹೊಸ ನೋಟುಗಳಾಗಿ ಬ್ಯಾಂಕ್‌ನಲ್ಲಿ ಬದಲಾಯಿಸಬಹುದು. ಯಾವುದೇ ವಿಶೇಷ ಫಾರ್ಮ್ ಅಥವಾ ನೋಂದಣಿ ಅಗತ್ಯವಿಲ್ಲ. ಸರ್ಕಾರಿ ಮತ್ತು ಖಾಸಗಿ ಬ್ಯಾಂಕ್‌ಗಳು ಈ ಸೇವೆಯನ್ನು ಒದಗಿಸುತ್ತವೆ.
ಇದನ್ನೂ ಓದಿ: ರೈತರಿಗೆ ಪ್ರಧಾನಮಂತ್ರಿಯಿಂದ ಬಂಪರ್ ಗಿಫ್ಟ್! ಇಂದೇ ಬೆಳೆ ವಿಮೆ ಹಣ ಖಾತೆಗೆ ಜಮೆ
ಎರಡು ತುಂಡಾದ ನೋಟು ಕೂಡ ಮುಖ್ಯ ಗುರುತು ಸ್ಪಷ್ಟವಾಗಿದ್ದರೆ ಬದಲಾಯಿಸಬಹುದು. ಅಂಚಿನಲ್ಲಿ ಸ್ವಲ್ಪ ಹರಿದಿದ್ದರೂ, ಬ್ಯಾಂಕ್ ಬದಲಾಯಿಸಲು ಸಮ್ಮತಿಸುತ್ತದೆ. ಆದರೆ, ಬೆಂಕಿ ಅಥವಾ ನೀರು ಮುಂತಾದ ಕಾರಣಗಳಿಂದ ಸಂಪೂರ್ಣ ಹಾನಿಯಾದ ನೋಟುಗಳನ್ನು ಮಾತ್ರ RBI ಕಚೇರಿಗಳಲ್ಲಿ ಬದಲಾಯಿಸಬೇಕಾಗುತ್ತದೆ. ಉದ್ದೇಶಪೂರ್ವಕ ಹಾನಿ ಮಾಡಿದರೆ ಆ ನೋಟು ತಿರಸ್ಕರಿಸಲಾಗುತ್ತದೆ.
ಬ್ಯಾಂಕ್‌ಗಳಲ್ಲಿ (Banks) ದೀರ್ಘ ಸಾಲು ತಪ್ಪಿಸಲು RBI ‘ಟ್ರಿಪಲ್ ಲಾಕ್ ರಿಸೆಪ್ಟಕಲ್’ (TLR) ವ್ಯವಸ್ಥೆ ಒದಗಿಸಿದೆ. RBI ಕಚೇರಿಯಿಂದ ವಿಶೇಷ ಕವರ್ ಪಡೆದು, ನೋಟುಗಳ ಜೊತೆಗೆ ನಿಮ್ಮ ಹೆಸರು, ವಿಳಾಸ, ಮೊತ್ತ ಬರೆದು, ಆ ಕವರ್‌ನ್ನು ಮುಚ್ಚಿ RBI ಕಚೇರಿಯಲ್ಲಿರುವ ವಿಶೇಷ ಬಾಕ್ಸಿಗೆ ಹಾಕಬಹುದು ಅಥವಾ ಪೋಸ್ಟ್ ಮುಖಾಂತರ ಕಳುಹಿಸಬಹುದು. ನಂತರ RBI ಬ್ಯಾಂಕ್ ಡ್ರಾಫ್ಟ್ ಮೂಲಕ ಪಾವತಿ ಮಾಡಿ, ನೀವು ಬ್ಯಾಂಕ್‌ನಲ್ಲಿ ನಗದು ಪಡೆಯಬಹುದು.
ಇದನ್ನೂ ಓದಿ: 10 ಸಾವಿರ ರೇಷನ್ ಕಾರ್ಡ್ ರದ್ದು, ನಿಮ್ಮ ಹೆಸರು ಲಿಸ್ಟ್‌ನಲ್ಲಿದೆಯೇ? ನೋಡಿಕೊಳ್ಳಿ
RBI ಪ್ರಕಾರ, ಪ್ರತಿದಿನ ₹5,000 ಮೌಲ್ಯದ ನೋಟುಗಳನ್ನು ಉಚಿತವಾಗಿ ಬದಲಾಯಿಸಬಹುದು. ಆ ಮಿತಿಯನ್ನು ಮೀರಿದರೆ, ಬ್ಯಾಂಕ್ ಸೇವಾಶುಲ್ಕ ವಿಧಿಸಲಾಗುತ್ತದೆ.
ಈ ಕ್ರಮದಿಂದ RBI ಹಾಳಾದ ನೋಟುಗಳನ್ನು ವಹಿವಾಟಿನಿಂದ ತೆಗೆದು, ಆರ್ಥಿಕ ವ್ಯವಸ್ಥೆಯಲ್ಲಿ ಗುಣಮಟ್ಟವನ್ನು ಕಾಪಾಡುತ್ತಿದೆ. ಹೀಗಾಗಿ, ನಿಮ್ಮ ಬಳಿ ಇರುವ ಹರಿದ ನೋಟುಗಳನ್ನು ಸಮಯಕ್ಕೆ ಬದಲಾಯಿಸಿ, ವಹಿವಾಟಿನಲ್ಲಿ ತೊಂದರೆ ತಪ್ಪಿಸಿಕೊಳ್ಳಿ.
RBI’s Easy Rule to Replace Damaged Notes
