Silver Price: ಬೆಳ್ಳಿ ಬೆಲೆ ಕೆಲವೇ ಗಂಟೆಗಳಲ್ಲಿ 21,000 ರೂಪಾಯಿ ಇಳಿಕೆ! ಹಾಗಾದ್ರೆ ಚಿನ್ನದ ಬೆಲೆ ಹೇಗಿದೆ?

• ಬೆಳ್ಳಿ ಬೆಲೆ ಕುಸಿತ, ಗಂಟೆಗಳಲ್ಲಿ ಕಿಲೋಗೆ ಭಾರೀ ಇಳಿಕೆ
• ಮುಂದಿನ ದಿನಗಳಲ್ಲಿ ಮತ್ತಷ್ಟು ಇಳಿಕೆಯ ಸಾಧ್ಯತೆ
• ಮುಂದೆ ಬೆಲೆ ಇನ್ನಷ್ಟು ಇಳಿಯುವ ಸಾಧ್ಯತೆ

Silver Price: ಇತ್ತೀಚಿನ ದಿನಗಳಲ್ಲಿ ಆಕಾಶಕ್ಕೇರಿದ್ದ ಬೆಳ್ಳಿ ಬೆಲೆಗಳಿಗೆ ಬ್ರೇಕ್ ಬಿದ್ದಿದೆ. ಹೊಸ ವರ್ಷ ಮತ್ತು ಸಂಕ್ರಾಂತಿ ಹಬ್ಬದ ಹಿನ್ನೆಲೆಯಲ್ಲಿ ಖರೀದಿಗೆ ಸಜ್ಜಾಗುತ್ತಿದ್ದ ಗ್ರಾಹಕರಿಗೆ ಇದು ಬಿಗ್ ರಿಲೀಫ್ ಸುದ್ದಿ ಆಗಿದೆ. ಹೌದು, ಕೆಲವೇ ಗಂಟೆಗಳಲ್ಲಿ ಬೆಳ್ಳಿ ಬೆಲೆ ಭಾರೀ ಕುಸಿತ ಕಂಡಿದೆ, ಅಂದರೆ ಕೆಲವೇ ಗಂಟೆಗಳಲ್ಲಿ 21 ಸಾವಿರ ರೂ.ಗಳಷ್ಟು ಕುಸಿದಿದೆ.

ಗಂಟೆಗಳಲ್ಲಿ ಸಾವಿರಾರು ರೂಪಾಯಿ ಇಳಿಕೆ

ಮಾರುಕಟ್ಟೆ ಆರಂಭದಲ್ಲಿ ದಾಖಲೆ ಮಟ್ಟ ತಲುಪಿದ್ದ ಬೆಳ್ಳಿ ದರ, ಮಧ್ಯಾಹ್ನದ ನಂತರ ತೀವ್ರವಾಗಿ ಇಳಿಯಿತು. ಬೆಂಗಳೂರು ಸೇರಿದಂತೆ ಹಲವು ಪ್ರಮುಖ ನಗರಗಳಲ್ಲಿ ಕಿಲೋಗೆ ರೂ.2.50 ಲಕ್ಷದ ಗಡಿ ದಾಟಿದ್ದ ಬೆಳ್ಳಿ ಬೆಲೆ, ಕೆಲವು ಗಂಟೆಗಳಲ್ಲಿ ಸುಮಾರು ರೂ.2.39 ಲಕ್ಷದ ಮಟ್ಟಕ್ಕೆ ಇಳಿದಿದೆ.

ಜಾಗತಿಕ ಕಾರಣಗಳು ಏನು?

ರಾಜಕೀಯ ಮತ್ತು ಭೌಗೋಳಿಕ ಅನಿಶ್ಚಿತತೆಗಳ ಕಾರಣದಿಂದ ಏರಿಕೆಯಾಗಿದ್ದ ಬೆಳ್ಳಿ ದರ, ಜಾಗತಿಕ ಮಾರುಕಟ್ಟೆ ಬೆಳವಣಿಗೆಗಳಿಂದ ಕುಸಿತ ಕಂಡಿದೆ. ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬೆಳ್ಳಿ ಔನ್ಸ್‌ಗೆ ನಿರ್ದಿಷ್ಟ ಮಟ್ಟಕ್ಕಿಂತ ಕೆಳಗೆ ಟ್ರೇಡ್ ಆಗುತ್ತಿರುವುದು ಕೂಡ ಬೆಲೆಯ ಮೇಲೆ ಒತ್ತಡ ತಂದಿದೆ.

ಇದನ್ನೂ ಓದಿ: ಚಿನ್ನದ ಬೆಲೆ ಆಕಾಶಕ್ಕೇರಿದ್ದು ಯಾಕೆ? 3 ಕಾರಣ ಬಹಿರಂಗ! ಬೆಂಗಳೂರು ಮಾರುಕಟ್ಟೆ ದಾಖಲೆ

ಈ ವರ್ಷ ಇದುವರೆಗೂ ಬೆಳ್ಳಿ ದರ ಶೇಕಡಾ 180ಕ್ಕೂ ಹೆಚ್ಚು ಏರಿಕೆಯಾಗಿದೆ. ಗರಿಷ್ಠ ಮಟ್ಟ ತಲುಪಿದ ಬಳಿಕ ಹೂಡಿಕೆದಾರರು ಲಾಭ ಸ್ವೀಕರಣಕ್ಕೆ ಮುಂದಾಗಿದ್ದು, ಅದರಿಂದ ಮಾರುಕಟ್ಟೆಯಲ್ಲಿ ಮಾರಾಟದ ಒತ್ತಡ ಹೆಚ್ಚಾಗಿದೆ. ಜೊತೆಗೆ ಚಿಕಾಗೋ ಮರ್ಚಂಟ್ ಎಕ್ಸ್‌ಚೇಂಜ್‌ನ ಚಟುವಟಿಕೆಗಳೂ ಬೆಲೆ ಕುಸಿತಕ್ಕೆ ಕಾರಣವೆಂದು ವಿಶ್ಲೇಷಕರು ಹೇಳುತ್ತಾರೆ.

ಮುಂದೇನು?

ನಿಪುಣರ ಅಂದಾಜಿನ ಪ್ರಕಾರ, 2026ರ ಜನವರಿ ತಿಂಗಳಲ್ಲಿ ಕೂಡ ಬೆಳ್ಳಿ ದರದಲ್ಲಿ ಅಸ್ಥಿರತೆ ಮುಂದುವರಿಯಬಹುದು. ರಷ್ಯಾ–ಯುಕ್ರೇನ್ ನಡುವಿನ ಯುದ್ಧ ಅಂತ್ಯಕ್ಕೆ ಸಂಬಂಧಿಸಿದ ಚರ್ಚೆಗಳು ಯಶಸ್ವಿಯಾದರೆ, ಬೆಲೆ ಇನ್ನಷ್ಟು ಇಳಿಯುವ ಸಾಧ್ಯತೆಯನ್ನೂ ತಳ್ಳಿಹಾಕಲಾಗದು.

ಚಿನ್ನದ ಬೆಲೆ

ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ಗಗನಕ್ಕೇರುತ್ತಿವೆ. ಪ್ರಸ್ತುತ ಮಹಿಳೆಯರು ಚಿನ್ನ ಖರೀದಿಸಲು (Buy Gold) ಹೆದರುತ್ತಿದ್ದಾರೆ. ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ದಾಖಲೆಯ ಮಟ್ಟದಲ್ಲಿ ಹೆಚ್ಚುತ್ತಿವೆ. ಡಿಸೆಂಬರ್ 29 ರಂದು ಬೆಲೆಗಳನ್ನು (Gold Price Today) ನೋಡಿದರೆ, ಪ್ರತಿ ಕಿಲೋಗ್ರಾಂಗೆ ಚಿನ್ನದ ಬೆಲೆ 1,41,210 ರೂ. ಆಗಿದೆ. ದೇಶದ ಪ್ರಮುಖ ನಗರಗಳಲ್ಲಿನ ಚಿನ್ನದ ಬೆಲೆಗಳು ಇಲ್ಲಿವೆ.

1. ಬೆಂಗಳೂರಿನಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 1,41,360 ರೂ.ಗಳಾಗಿದ್ದರೆ, 22 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,29,590 ರೂ.ಗಳಾಗಿದೆ.
2. ಚೆನ್ನೈನಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,41,810 ರೂ.ಗಳಾಗಿದ್ದರೆ, 22 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,29,990 ರೂ.ಗಳಾಗಿದೆ.
3. ಮುಂಬೈನಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 1,41,210 ರೂ.ಗಳಾಗಿದ್ದರೆ, 22 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,29,440 ರೂ.ಗಳಾಗಿದೆ.
4. ದೆಹಲಿಯಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,41,360 ರೂ.ಗಳಾಗಿದ್ದರೆ, 22 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,29,590 ರೂ.ಗಳಾಗಿದೆ.
5. ಹೈದರಾಬಾದ್‌ನಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,41,210 ರೂ.ಗಳಾಗಿದ್ದರೆ, 22 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,29,440 ರೂ.ಗಳಾಗಿದೆ.
6. ವಿಜಯವಾಡದಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,41,210 ರೂ.ಗಳಾಗಿದ್ದರೆ, 22 ಕ್ಯಾರೆಟ್‌ನ 10 ಗ್ರಾಂ ಬೆಲೆ 1,29,440 ರೂ.ಗಳಾಗಿದೆ.