ಒಂದು ರಾಜ್ಯದ ವಾಹನ ಮತ್ತೊಂದು ರಾಜ್ಯದಲ್ಲಿ ಓಡಿಸಬಹುದಾ? ಏನಿದೆ ರೂಲ್ಸ್ ಗೊತ್ತಾ - Vehicle Registration
ರಾಜ್ಯ ಬದಲಾವಣೆಯಾದಾಗ ನಿಮ್ಮ ಕಾರ್ ಅಥವಾ ಬೈಕ್ ರಿಜಿಸ್ಟ್ರೇಷನ್‌ನ್ನು ಹೊಸ ರಾಜ್ಯಕ್ಕೆ ಬದಲಿಸುವುದು ಕಡ್ಡಾಯ. ಎನ್‌ಒಸಿ ಪಡೆಯುವುದು, ಅಗತ್ಯ ದಾಖಲೆಗಳು, ಹಾಗೂ ಶುಲ್ಕದ ಬಗ್ಗೆ ತಿಳಿದುಕೊಳ್ಳಿ.
- ರಾಜ್ಯ ಬದಲಿಸಿದಾಗ ವಾಹನ ರಿಜಿಸ್ಟ್ರೇಷನ್ ಬದಲಾವಣೆ ಕಡ್ಡಾಯ
- ಎನ್‌ಒಸಿ (No Objection Certificate) ಪಡೆಯುವ ಪ್ರಕ್ರಿಯೆ
- ದಾಖಲೆ, ಶುಲ್ಕ ಹಾಗೂ ಸಮಯದ ಮಾಹಿತಿ
ಕೆಲಸ, ಉದ್ಯೋಗ ಅಥವಾ ವೈಯಕ್ತಿಕ ಕಾರಣಗಳಿಂದ ಒಂದು ರಾಜ್ಯದಿಂದ ಮತ್ತೊಂದು ರಾಜ್ಯಕ್ಕೆ ಸ್ಥಳಾಂತರವಾದಾಗ, ನಿಮ್ಮ Car ಅಥವಾ Bike ಹೊಸ ರಾಜ್ಯದಲ್ಲಿ ಕಾನೂನುಬದ್ಧವಾಗಿ ಓಡಿಸಲು ವಾಹನ ರಿಜಿಸ್ಟ್ರೇಷನ್ (Vehicle Registration) ಬದಲಾವಣೆ ಮಾಡುವುದು ಅನಿವಾರ್ಯ.
ಬಹುತೇಕ ಜನರಿಗೆ ಇದು ಕಷ್ಟದ ಪ್ರಕ್ರಿಯೆ ಎಂದು ತೋರುವುದಾದರೂ, ಸರಿಯಾದ ದಾಖಲೆಗಳು ಮತ್ತು ಸಮಯಕ್ಕೆ ಕ್ರಮ ಕೈಗೊಂಡರೆ ಇದು ಸುಲಭವಾಗುತ್ತದೆ.
ಹೊಸ ರಾಜ್ಯಕ್ಕೆ ವಾಹನವನ್ನು ತೆಗೆದುಕೊಂಡು ಹೋಗುವ ಮೊದಲು ಎನ್‌ಒಸಿ (No Objection Certificate) ಪಡೆಯುವುದು ಮೊದಲ ಹಂತ. ಇದು ನಿಮ್ಮ ವಾಹನಕ್ಕೆ ಬಾಕಿ ಪಾವತಿ, ತೆರಿಗೆ ಅಥವಾ ಕೇಸ್‌ಗಳಿಲ್ಲ ಎಂಬುದನ್ನು ದೃಢಪಡಿಸುತ್ತದೆ.
ಇದನ್ನೂ ಓದಿ: ಕೇವಲ ₹10 ಸಾವಿರಕ್ಕೆ ಎಲೆಕ್ಟ್ರಿಕ್ ಸ್ಕೂಟರ್, ಬ್ಬರೊಬ್ಬರಿ 160 ಕಿ.ಮೀ ಮೈಲೇಜ್ ಕೊಡುತ್ತೆ
ಎನ್‌ಒಸಿ ಪಡೆಯಲು, ನೀವು ನಿಮ್ಮ ವಾಹನ ನೋಂದಾಯಿತ ಪ್ರದೇಶದ ಪ್ರಾದೇಶಿಕ ಸಾರಿಗೆ ಕಚೇರಿ (RTO)ಗೆ ಹೋಗಿ ಅಗತ್ಯ ಫಾರಂಗಳನ್ನು (Form 27, 28) ಭರ್ತಿ ಮಾಡಿ ಸಲ್ಲಿಸಬೇಕು.
ಜೊತೆಗೆ ಮೂಲ ಆರ್‌ಸಿ (Registration Certificate), ಪಿಯುಸಿ ಪ್ರಮಾಣ ಪತ್ರ, ಇನ್ಷುರೆನ್ಸ್ ಪ್ರತಿಗಳು, ಚಾಸಿಸ್ ನಂಬರ್ ಪೆನ್ಸಿಲ್ ಇಂಪ್ರೆಶನ್ ಹಾಗೂ ಗುರುತಿನ ಮತ್ತು ವಿಳಾಸದ ದಾಖಲೆಗಳನ್ನು ಒದಗಿಸಬೇಕು. ಕೆಲವು ಸಂದರ್ಭಗಳಲ್ಲಿ ಪೊಲೀಸ್ ಪರಿಶೀಲನೆ ಸಹ ಅಗತ್ಯವಾಗಬಹುದು.
ಎನ್‌ಒಸಿ ಪಡೆಯಲು ಸಾಮಾನ್ಯವಾಗಿ 7 ರಿಂದ 21 ದಿನಗಳು ಹಿಡಿಯಬಹುದು. ಇದು ಸಿಕ್ಕ ನಂತರ, ನೀವು ಹೊಸ ರಾಜ್ಯಕ್ಕೆ ಸ್ಥಳಾಂತರವಾದ 6 ತಿಂಗಳೊಳಗೆ ವಾಹನವನ್ನು ನೋಂದಾಯಿಸಿಕೊಳ್ಳಬೇಕು. ವಿಳಂಬವಾದರೆ ಮತ್ತೆ ಎನ್‌ಒಸಿ ಪಡೆಯಬೇಕಾಗಬಹುದು. ಅಲ್ಲದೆ, 12 ತಿಂಗಳೊಳಗೆ ಹೊಸ ರಾಜ್ಯದಲ್ಲಿ ರಿಜಿಸ್ಟ್ರೇಶನ್ ಬದಲಾಯಿಸದೇ ಇದ್ದರೆ ದಂಡ ವಿಧಿಸಲಾಗುತ್ತದೆ.
ಇದನ್ನೂ ಓದಿ: ಹೊಸ ಲುಕ್‌ನಲ್ಲಿ ಹೀರೋ ಗ್ಲಾಮರ್ 125 ಬೈಕ್ ಎಂಟ್ರಿ! ಖರೀದಿಗೆ ಮುಗಿಬಿದ್ದ ಜನ
ಹೊಸ ರಾಜ್ಯದಲ್ಲಿ ರಿಜಿಸ್ಟ್ರೇಷನ್ ಮಾಡಲು ಮತ್ತೆ ಆರ್‌ಟಿ‌ಒಗೆ ತೆರಳಿ, ಮೂಲ ಆರ್‌ಸಿ, ಪಿಯುಸಿ, ಹೊಸ ವಿಳಾಸದ ದಾಖಲೆ (ವಿದ್ಯುತ್ ಬಿಲ್, ಬಾಡಿಗೆ ರಸೀದಿ, ಆಧಾರ್ ಕಾರ್ಡ್ ಮುಂತಾದವು), Form 29 ಮತ್ತು 30 ಸಲ್ಲಿಸಬೇಕು. ದಾಖಲೆ ಪರಿಶೀಲನೆಯ ನಂತರ ನಿಮ್ಮ ವಾಹನಕ್ಕೆ ಹೊಸ ರಾಜ್ಯದ ನಂಬರ್ ನೀಡಲಾಗುತ್ತದೆ.
ಈ ಪ್ರಕ್ರಿಯೆಯ ಶುಲ್ಕ ರಾಜ್ಯದಿಂದ ರಾಜ್ಯಕ್ಕೆ ಬದಲಾಗುತ್ತದೆ. ಸಾಮಾನ್ಯವಾಗಿ ₹300 ರಿಂದ ₹2,000 ವರೆಗೆ ಇರಬಹುದು. ಆದರೆ, ಹೊಸ ರಾಜ್ಯದಲ್ಲಿ ರಸ್ತೆ ತೆರಿಗೆ ಹೆಚ್ಚು ಇದ್ದರೆ ಹೆಚ್ಚುವರಿ ಪಾವತಿಸಬೇಕಾಗಬಹುದು. ಆದ್ದರಿಂದ, ಸ್ಥಳಾಂತರದ ಮುನ್ನ ನಿಮ್ಮ ಸಮೀಪದ RTO ಮತ್ತು ಬ್ಯಾಂಕ್‌ಗಳಿಂದ ಸಂಪೂರ್ಣ ಮಾಹಿತಿ ಪಡೆಯುವುದು ಒಳಿತು.
Vehicle Registration Transfer Rules in India, Step-by-Step Guide
