ಚಿನ್ನಾಭರಣ ಕಳವು ಪ್ರಕರಣದಲ್ಲಿ ಇಬ್ಬರು ಯುವಕರಿಗೆ 10 ವರ್ಷ ಕಠಿಣ ಶಿಕ್ಷೆ

ಚಿನ್ನಾಭರಣ ಕಳವು ಪ್ರಕರಣದಲ್ಲಿ ಥಾಣೆ ನ್ಯಾಯಾಲಯ 2 ಯುವಕರಿಗೆ 10 ವರ್ಷಗಳ ಕಠಿಣ ಜೈಲು ಶಿಕ್ಷೆ ವಿಧಿಸಿದೆ. ಜುಲೈ 2016ರಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯೊಬ್ಬರ ಚಿನ್ನದ ಸರವನ್ನು ಇಬ್ಬರು ಕದ್ದು ಪರಾರಿಯಾಗಿದ್ದರು. ಈ ವೇಳೆ ಸಂತ್ರಸ್ಥರು ಕಿರುಚಾಡಿದ್ದು, ಸ್ಥಳೀಯರು 2 ಮಂದಿಯನ್ನು ಹಿಡಿದಿದ್ದಾರೆ.

ನಂತರ ಅವರನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದು, ಅವರು ಇರಾನಿ ಗ್ಯಾಂಗ್‌ಗೆ ಸೇರಿದ ಅಜೀಜ್ ಅಬ್ಬಾಸ್ (20 ವರ್ಷ) ಮತ್ತು ಜಾಫರ್ ಅಜಮ್ ಸೈಯದ್ (28) ಎಂಬ 2 ಮಂದಿ ಎಂದು ತಿಳಿದುಬಂದಿದೆ.

ಅವರ ವಿರುದ್ಧ ಥಾಣೆ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿದ್ದರು. ನ್ಯಾಯಾಲಯದಲ್ಲಿ 13 ಸಾಕ್ಷಿಗಳನ್ನು ವಿಚಾರಣೆಗೊಳಪಡಿಸಲಾಗಿದ್ದು, ಅವರ ಅಪರಾಧ ಸಾಬೀತಾಗಿದೆ. ಈಗಾಗಲೇ 2 ಜನರ ವಿರುದ್ಧ ವಿವಿಧ ಕಾಯ್ದೆಯಡಿ ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂಬ ಅಂಶವೂ ಬಹಿರಂಗವಾಗಿದೆ.

ಈ ಹಿನ್ನೆಲೆಯಲ್ಲಿ ನ್ಯಾಯಾಧೀಶರು 10 ವರ್ಷಗಳ ಕಠಿಣ ಕಾರಾಗೃಹ ಶಿಕ್ಷೆ ವಿಧಿಸಿದ್ದಾರೆ, ಜೊತೆಗೆ ದಂಡವನ್ನು ಸಹ ಹೇರಲಾಗಿದೆ ಎನ್ನಲಾಗಿದೆ.

10 years imprisonment for 2 youths in jewel theft case

Follow us On

Advertisement