ಪರ ಪುರುಷನೊಂದಿಗೆ ವಾಸವಿದ್ದ ಪತ್ನಿಯ ಕೈಕಟ್ಟಿ ಮಹಡಿ ಮೇಲಿಂದ ತಳ್ಳಿದ ಪತಿ

ಲಖನೌ: ಮತ್ತೊಬ್ಬ ಪುರುಷನೊಂದಿಗೆ ವಾಸವಾಗಿದ್ದ ಪತ್ನಿಯ ಕೈಕಟ್ಟಿ ವ್ಯಕ್ತಿಯೊಬ್ಬ ನಾಲ್ವರ ಜೊತೆ ಸೇರಿ ಅಪಾರ್ಟ್ಮೆಂಟ್ ಕಟ್ಟಡದ ಮೇಲಿನಿಂದ ಎಸೆದಿರುವ ಘಟನೆ ನಡೆದಿದೆ. ಇದರೊಂದಿಗೆ ಆಕೆ ಸಾವನ್ನಪ್ಪಿದ್ದಾಳೆ. ಉತ್ತರ ಪ್ರದೇಶದ ಆಗ್ರಾದಲ್ಲಿ ಈ ದುಷ್ಕೃತ್ಯ ನಡೆದಿದೆ.
ಗಾಜಿಯಾಬಾದ್ನ 30 ವರ್ಷದ ರಿತಿಕಾ ಸಿಂಗ್, ಫಿರೋಜಾಬಾದ್ನ ಆಕಾಶ್ ಗೌತಮ್ ಅವರನ್ನು 2014 ರಲ್ಲಿ ವಿವಾಹವಾಗಿದ್ದರು. ರಿತಿಕಾ ಸಿಂಗ್ ತಮ್ಮ ಬ್ಲಾಗ್ನಲ್ಲಿ ಫ್ಯಾಷನ್ ಮತ್ತು ಪ್ರಯಾಣದ ಬಗ್ಗೆ ಸಲಹೆ ನೀಡುತ್ತಾರೆ. ಆದರೆ, 2018ರಲ್ಲಿ ಇಬ್ಬರೂ ಬೇರ್ಪಟ್ಟರು. ಆನಂತರ ರಿತಿಕಾ ಸಿಂಗ್ ಫೇಸ್ ಬುಕ್ ನಲ್ಲಿ ಪರಿಚಯವಾದ ವಿಪುಲ್ ಅಗರ್ ವಾಲ್ ಜತೆ ಸಹಜೀವನ ನಡೆಸುತ್ತಿದ್ದರು. ಆಗ್ರಾದ ತಾಜ್ಗಂಜ್ ಪೊಲೀಸ್ ಠಾಣೆ ವ್ಯಾಪ್ತಿಯ ನಾಗ್ಲಾ ಮೇವಾಟಿಯ ಅಪಾರ್ಟ್ಮೆಂಟ್ನಲ್ಲಿ ಇಬ್ಬರೂ ಒಟ್ಟಿಗೆ ವಾಸವಿದ್ದರು.
ಆದರೆ, ಈ ವಿಚಾರ ರಿತಿಕಾ ಪತಿ ಆಕಾಶ್ ಗೆ ತಿಳಿಯಿತು. ಇದರೊಂದಿಗೆ ಶುಕ್ರವಾರ ಬೆಳಗ್ಗೆ 11 ಗಂಟೆಗೆ ಇಬ್ಬರು ಮಹಿಳೆಯರು ಹಾಗೂ ಇಬ್ಬರು ಪುರುಷರೊಂದಿಗೆ ಅಲ್ಲಿಗೆ ತೆರಳಿದ್ದರು. ರಿತಿಕಾ, ವಿಪುಲ್ ಅಗರ್ವಾಲ್ ಮೇಲೆ ಹಲ್ಲೆ ನಡೆಸಿದರು. ಇಬ್ಬರನ್ನು ಹಗ್ಗದಿಂದ ಕೈ ಕಟ್ಟಿದರು. ವಿಪುಲ್ ರನ್ನು ಬಾತ್ ರೂಂನಲ್ಲಿ ಬಂಧಿಸಿ ಕೂಡಿಹಾಕಿದ್ದರು. ನಂತರ ನಾಲ್ಕನೇ ಮಹಡಿಯಲ್ಲಿರುವ ಅಪಾರ್ಟ್ಮೆಂಟ್ನ ಬಾಲ್ಕನಿಯಿಂದ ರಿತಿಕಾ ಅವರನ್ನು ಕೆಳಗೆ ಎಸೆಯಲಾಯಿತು. ಆಕೆ ನೆಲಕ್ಕೆ ಬಿದ್ದು ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ.
ಮತ್ತೊಂದೆಡೆ, ವಿಪುಲ್ ಅಗರ್ವಾಲ್ ಸ್ನಾನಗೃಹದಲ್ಲಿ ಸಿಕ್ಕಿಬಿದ್ದಿದ್ದು, ಕಿಟಕಿಯಿಂದ ಕಿರುಚಾಡಿ ಸ್ಥಳೀಯರ ಸಹಾಯದಿಂದ ಹೊರ ಬಂದಿದ್ದಾರೆ. ನಂತರ ನಡೆದ ಘಟನೆಯ ಕುರಿತು ಪೊಲೀಸರಿಗೆ ದೂರು ನೀಡಿದ್ದರು.
ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ರಿತಿಕಾ ಪತಿ ಮತ್ತು ಇತರ ಇಬ್ಬರನ್ನು ಬಂಧಿಸಲಾಗಿದೆ. ಪರಾರಿಯಾಗಿರುವ ಇನ್ನಿಬ್ಬರಿಗಾಗಿ ಶೋಧ ನಡೆಸುತ್ತಿದ್ದಾರೆ. ಅಲ್ಲಿನ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿ ಸಾಕ್ಷ್ಯ ಸಂಗ್ರಹಿಸಲಾಗಿದೆ. ಕೊಲೆ ಸೇರಿದಂತೆ ವಿವಿಧ ಸೆಕ್ಷನ್ಗಳಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ.
Agra Woman Thrashed By Husband Hands Tied Flung Off Building



