ಎಟಿಎಂ ದರೋಡೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆ: 2 ಲಕ್ಷ ಲೂಟಿ

ನೀವು ಎಟಿಎಂನಲ್ಲಿ ಒಬ್ಬರೇ ಇದ್ದರೆ ಜಾಗರೂಕರಾಗಿರಿ. ಹೌದು, ಗುಜರಾತ್‌ನ ಸೂರತ್‌ನಲ್ಲಿ ಇಂತಹ ಆಘಾತಕಾರಿ ಪ್ರಕರಣವೊಂದು ನಡೆದಿದೆ. ಇಲ್ಲಿನ ಎಟಿಎಂಗೆ ಹಣ ಹಾಕಲು ಬಂದ ಯುವಕನಿಂದ ಚಾಕು ತೋರಿಸಿ ಮೂವರು ಯುವಕರು 1.91 ಲಕ್ಷ ರೂ. ದೋಚಿದ್ದಾರೆ, ಸಿಸಿಟಿವಿ ದೃಶ್ಯಾವಳಿ ಆಧರಿಸಿ ಪೊಲೀಸರು ಆರೋಪಿಗಾಗಿ ಹುಡುಕಾಟ ಆರಂಭಿಸಿದ್ದಾರೆ.

ಸಚಿನ್ ಚೌರಾಸಿಯಾ (27) ಸೂರತ್‌ನ ಸಚಿನ್ ಜಿಐಡಿಸಿ ಪ್ರದೇಶದಲ್ಲಿರುವ ವರಾಚಾ ಕೋ-ಆಪರೇಟಿವ್ ಬ್ಯಾಂಕ್‌ನ ಎಟಿಎಂನಲ್ಲಿ ಹಣ ಹಾಕಲು ಬಂದಿದ್ದರು. ಇದೇ ವೇಳೆ ಮೂವರು ಯುವಕರು ಕೂಡ ಏಕಾಏಕಿ ಎಟಿಎಂಗೆ ನುಗ್ಗಿದ್ದಾರೆ. ಸಚಿನ್ ಬ್ಯಾಗ್ ನಲ್ಲಿದ್ದ ಹಣವನ್ನು ಹೊರತೆಗೆದ ತಕ್ಷಣ ಯುವಕನೊಬ್ಬ ಚಾಕು ತೋರಿಸಿ ಹಣ ವಾಪಸ್ ಬ್ಯಾಗ್ ಗೆ ಹಾಕುವಂತೆ ಹೇಳಿದ್ದಾನೆ. ಇದಾದ ಬಳಿಕ 1.92 ಲಕ್ಷ ರೂ.ಗಳಿದ್ದ ಬ್ಯಾಗ್ ದೋಚಿ ಮೂವರು ಪರಾರಿಯಾಗಿದ್ದಾರೆ.

ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದು , ಘಟನೆಯಲ್ಲಿ ಪರಿಚಿತರಿರಬಹುದು ಎಂದು ಶಂಕಿಸಲಾಗಿದೆ. ಶೀಘ್ರವೇ ಆರೋಪಿಗಳನ್ನು ಪತ್ತೆ ಮಾಡಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ವೇಳೆ ದರೋಡೆ ಘಟನೆ ಹಿಂದೆ ಸಚಿನ್ ಪರಿಚಯದ ಕೈವಾಡ ಇರಬಹುದು ಎಂಬ ಶಂಕೆಯನ್ನು ಪೊಲೀಸರು ವ್ಯಕ್ತಪಡಿಸಿದ್ದಾರೆ.

ATM Robbery Caught On CCTV Camera: Rs 2 Lakh Looted

Follow us On