Video: ಕ್ಷೌರದಂಗಡಿಯಲ್ಲಿ ಭೀಕರ ಮರ್ಡರ್, ಸಿಸಿಟಿವಿ ವಿಡಿಯೋ

ಕ್ಷೌರಿಕನ ಅಂಗಡಿಯಲ್ಲಿ ಶೇವಿಂಗ್ ಮಾಡಲಾಗುತ್ತಿದೆ. ಎಲ್ಲವು ಸರಿಯಾಗೇ ಇದೆ, ಅಷ್ಟರಲ್ಲಿ ಅಲ್ಲಿ ನಡೆಯಬಾರದ್ದು ನಡೆದು ಹೋಯಿತು, ಅಲ್ಲಿಯವರೆಗೂ ಒಂದೆಡೆ ನಿಂತಿದ್ದ ಮತ್ತೊಬ್ಬ.. ಏಕಾಏಕಿ ಹಿಂದೆ ಸರಿದು ಬಂದೂಕಿನಿಂದ ಗುಂಡು ಹಾರಿಸಿದ್ದಾನೆ. ತಲೆಗೆ ತಗುಲ ಬೇಕಿದ್ದ ಗುಂಡೇಟಿನಿಂದ ಪಾರಾಗಿ ಕುರ್ಚಿಯಿಂದ ಎದ್ದು ಬಂದೂಕುಧಾರಿಯನ್ನು ತಡೆಯಲು ಯತ್ನಿಸಿದ್ದಾನೆ. ಆಗಲೇ ದುಷ್ಕರ್ಮಿ ತನಗೆ ಸಿಕ್ಕಿದ್ದ ರೇಜರ್ ಬ್ಲೇಡ್ ನಿಂದ ದಾಳಿ ನಡೆಸಲು ಮುಂದಾಗಿದ್ದ.

ಆಗ ಹೊರಗಿನಿಂದ ಬಂದ ಮತ್ತೊಬ್ಬ ದುಷ್ಕರ್ಮಿ ಬಂದೂಕಿನಿಂದ ಗುಂಡು ಹಾರಿಸಿದ್ದಾನೆ. ಈ ವೇಳೆ ಗುಂಡು ನೇರವಾಗಿ ಬಂದು ತಲೆಗೆ ಬಿದ್ದು ಆ ವ್ಯಕ್ತಿ ನೆಲಕ್ಕೆ ಬಿದ್ದಿದ್ದಾನೆ. ಈ ಎಲ್ಲ ಘಟನೆ ಕ್ಷೌರದ ಅಂಗಡಿಯ ಸಿಸಿಟಿವಿ ಕ್ಯಾಮೆರಾದಲ್ಲಿ ದಾಖಲಾಗಿದೆ. ಬಿಹಾರದ ಬಕ್ಸರ್ ಜಿಲ್ಲೆಯ ದುಮ್ರಾವ್ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.

ಸ್ಥಳೀಯ ಮುನ್ಸಿಪಲ್ ಕೌನ್ಸಿಲರ್ ಸೋನು ರಾಯ್ ಅವರಿಗೆ ಕಿರಿಯ ಸಹೋದರನಿದ್ದಾನೆ. ಅವರ ಹೆಸರು ಮೋನು ರಾಯ್. ಮೋನು ಇತ್ತೀಚೆಗೆ ಹುಡುಗಿಯೊಬ್ಬಳನ್ನು ಪ್ರೀತಿಸಿ ಮದುವೆಯಾಗಿದ್ದ. ಎರಡು ಜಾತಿಗಳು ಬೇರೆಯಾದ ಕಾರಣ ಹುಡುಗಿಯ ಪೋಷಕರು ಮದುವೆಗೆ ಒಪ್ಪಲಿಲ್ಲ.

ಆದರೆ, ಅವರು ಮದುವೆಯಾದಾಗ, ಹುಡುಗಿಯ ತಂದೆ, ನಿವೃತ್ತ ಸೇನಾ ಅಧಿಕಾರಿ ಸುನಿಲ್ ಪಾಠಕ್ ಕೋಪವನ್ನು ಸಹಿಸಲಾಗಲಿಲ್ಲ. ಈ ಸಂದರ್ಭದಲ್ಲಿ ಅವನು ತನ್ನ ಮಗ ಧನು ಪಾಠಕ್‌ನೊಂದಿಗೆ ಮೋನುವನ್ನು ಕೊಲ್ಲಲು ಯೋಜಿಸಿದ್ದನು. ಆತ ಕ್ಷೌರಿಕ ಅಂಗಡಿಯಲ್ಲಿದ್ದಾಗ .. ತಂದೆ ಮತ್ತು ಮಗ ಇಬ್ಬರೂ ಬಂದೂಕುಗಳಿಂದ ಹಲ್ಲೆ ನಡೆಸಿದ್ದಾರೆ.

ಇದರಿಂದ ಮೋನು ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ. ಆ ಬಳಿಕ ಸ್ವತಃ ಸುನೀಲ್ ಪಾಠಕ್ ಪೊಲೀಸರಿಗೆ ಫೋನ್ ಮಾಡಿ ಶರಣಾಗಿದ್ದಾನೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು.. ತಂದೆ-ಮಗ ಇಬ್ಬರನ್ನೂ ವಶಕ್ಕೆ ಪಡೆದಿದ್ದಾರೆ.

अंतरजातीय विवाह करने की मोनू राय को उनके ससुर रिटायर्ड फ़ौजी ससुर सुनील पाठक ने अपने बेटे के साथ बक्सर ज़िले के डुमरांव में गोली मार कर हत्या कर सजा दी और बाद में खुद एसपी को फ़ोन कर सरेंडर भी किया ⁦@ndtvindia⁩ ⁦@Anurag_Dwary⁩ pic.twitter.com/VDzhUjmHcx

— manish (@manishndtv) June 7, 2022

Man Shot Dead By Father In Law While In Barber Shop