Viral Video, ಮೂರ್ಛೆ ತಪ್ಪಿ ಗೂಡ್ಸ್ ರೈಲಿನಡಿಗೆ ಬಿದ್ದ ರೈಲ್ವೇ ಕಾನ್‌ಸ್ಟೆಬಲ್ ಸಾವು
ಲಕ್ನೋ: ಮೂರ್ಛೆ ಬಂದು ಗೂಡ್ಸ್ ರೈಲಿನಡಿ ಸಿಲುಕಿ ರೈಲ್ವೆ ಪೊಲೀಸ್ ಪೇದೆಯೊಬ್ಬರು ಸಾವನ್ನಪ್ಪಿದ್ದಾರೆ. ಕಳೆದ ಶನಿವಾರ ಉತ್ತರ ಪ್ರದೇಶದ ಆಗ್ರಾ ರೈಲು ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ರೀಗಲ್ ಕುಮಾರ್ ಸಿಂಗ್ ಉತ್ತರ ಪ್ರದೇಶದ ಬಿಜ್ನೋರ್ ಮೂಲದವರಾಗಿದ್ದು, ರೈಲ್ವೇ ಪೊಲೀಸ್ ಪೇದೆಯಾಗಿದ್ದಾರೆ. ಶನಿವಾರ ರಾತ್ರಿ ಈ ಘಟನೆ ನಡೆದಿದೆ.
ಕುಮಾರ್ ಸಿಂಗ್, ಗೂಡ್ಸ್ ರೈಲು ಹೋಗುವುದನ್ನು ನೋಡಿದ್ದಾರೆ, ಈ ವೇಳೆ ಅವರಿಗೆ ತಲೆ ಸುತ್ತಿದಂತಾಗಿದೆ, ಆದ್ದರಿಂದ ಅವರು ಹಲವಾರು ಬಾರಿ ತಿರುಗಿದ್ದಾರೆ, ಪ್ಲಾಟ್‌ಫಾರ್ಮ್‌ನ ಅಂಚಿನಿಂದ ಹೋಗುತ್ತಿದ್ದ ಗೂಡ್ಸ್ ರೈಲಿನ ಹಳಿಗಳ ನಡುವೆ ಬಿದ್ದಿದ್ದಾರೆ. ಆದರೆ, ಪಕ್ಕದ ಬೆಂಚಿನ ಮೇಲೆ ಕುಳಿತಿದ್ದ ಪ್ರಯಾಣಿಕರೊಬ್ಬರು ಅದನ್ನು ಗಮನಿಸದೆ ಮೊಬೈಲ್‌ನಲ್ಲಿ ತಲ್ಲೀನರಾಗಿದ್ದರು.
ಅಷ್ಟರಲ್ಲಿ ಒಬ್ಬ ಟಿಟಿಇ ಕಾನ್ಸ್‌ಟೇಬಲ್‌ ರೀಗಲ್ ಕುಮಾರ್ ಸಿಂಗ್ ಗಿರಕಿ ಹೊಡೆಯುತ್ತಿರುವುದನ್ನು ನೋಡಿ ಆತನ ರಕ್ಷಣೆಗೆ ಧಾವಿಸಿದರು. ಆದರೆ, ಗೂಡ್ಸ್ ರೈಲು ಅದಾಗಲೇ ಅವರ ಮೇಲೆ ಹರಿದು ಹೋಗಿತ್ತು, ಹಳಿಗಳ ನಡುವೆ ಬಿದ್ದಿದ್ದರಿಂದ ರಕ್ಷಿಸಲು ಸಾಧ್ಯವಾಗಲಿಲ್ಲ. ಗಂಭೀರವಾಗಿ ಗಾಯಗೊಂಡಿದ್ದ ಅವರನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆಗಲೇ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದಾರೆ.
ಏತನ್ಮಧ್ಯೆ, ರೈಲ್ವೆ ಕಾನ್‌ಸ್ಟೆಬಲ್ ಕುಮಾರ್ ಸಿಂಗ್ ಸಾವಿನ ಸುದ್ದಿ ತಿಳಿದು ಅವರ ಕುಟುಂಬ ಸದಸ್ಯರು ಆಘಾತಕ್ಕೊಳಗಾಗಿದ್ದಾರೆ. ಅವರು ಆರೋಗ್ಯವಾಗಿದ್ದಾಗ ಅವರಿಗೆ ಮೂರ್ಛೆ ಏಕೆ ಎಂದು ಅರ್ಥವಾಗಲಿಲ್ಲ. ಕಾನ್‌ಸ್ಟೆಬಲ್‌ಗೆ ಪತ್ನಿ ಮತ್ತು ಇಬ್ಬರು ಮಕ್ಕಳಿದ್ದಾರೆ. ಅವರು 2011 ರಲ್ಲಿ ಯುಪಿ ಪೊಲೀಸ್‌ಗೆ ಸೇರಿದರು ಮತ್ತು 2021 ರಿಂದ ಸರ್ಕಾರಿ ರೈಲ್ವೆ ಪೊಲೀಸ್ (ಜಿಆರ್‌ಪಿ) ಯಲ್ಲಿದ್ದಾರೆ.
ಕಾನ್‌ಸ್ಟೆಬಲ್ ಕುಮಾರ್ ಸಿಂಗ್‌ಗೆ ಮೂರ್ಛೆ ರೋಗ ಸಮಸ್ಯೆ ಇದೆ ಎಂದು ವೈದ್ಯಕೀಯ ತಜ್ಞರು ಶಂಕಿಸಿದ್ದಾರೆ. ಈ ಮೂರ್ಛೆ ರೋಗ ಬರುವುದು ಅಪರೂಪ ಎಂದರು. ಈ ಸ್ಥಿತಿಯಲ್ಲಿ ವ್ಯಕ್ತಿಯು 180 ಅಥವಾ 360 ಡಿಗ್ರಿಗಳಷ್ಟು ವೃತ್ತಾಕಾರದ ಅಥವಾ ಸುಳಿಯಲ್ಲಿ ಹಿಂದಕ್ಕೆ ಬೀಳುತ್ತಾನೆ ಎಂದು ಹೇಳಲಾಗುತ್ತದೆ.
ಸಾಮಾನ್ಯವಾಗಿ ಚಲಿಸುವ ವಸ್ತುಗಳನ್ನು ನೀವು ನೋಡಿದಾಗ ಅಂತಹ ಸುತ್ತುವ ಮೂರ್ಛೆ ಬರುತ್ತದೆ. ಈ ಹಿನ್ನೆಲೆಯಲ್ಲಿ ಚಲಿಸುವ ವಸ್ತುಗಳಿಂದ ದೂರ ಇರುವಂತೆ ವೈದ್ಯಕೀಯ ತಜ್ಞರು ಸಲಹೆ ನೀಡಿದ್ದಾರೆ. ಈ ನಡುವೆ ಸಿಸಿಟಿವಿಯಲ್ಲಿ ದಾಖಲಾಗಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
https://twitter.com/TNSubbaRao1/status/1516729974727663619?ref_src=twsrc%5Etfw%7Ctwcamp%5Etweetembed%7Ctwterm%5E1516729974727663619%7Ctwgr%5E%7Ctwcon%5Es1_&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FTNSubbaRao12Fstatus2F1516729974727663619widget%3DTweet
On Cctv Cop Suffers Seizure Falls Under Moving Train At Agra Station
