Online Rummy Game: ಆನ್ ಲೈನ್ ರಮ್ಮಿ ಗೇಮ್ ಗೆ ಅಡಿಕ್ಟ್ ಆದ ಮಹಿಳೆ ಆತ್ಮಹತ್ಯೆ

Online Rummy Game: ಆನ್ ಲೈನ್ ರಮ್ಮಿ ಗೇಮ್ ಗೆ ಅಡಿಕ್ಟ್ ಆದ ಮಹಿಳೆಯೊಬ್ಬರು ಮನೆಯಲ್ಲಿ ಯಾರಿಗೂ ತಿಳಿಯದಂತೆ 10 ಲಕ್ಷ ರೂ. ಕಳೆದುಕೊಂಡಿದ್ದಾರೆ, ಇದನ್ನು ಸಹಿಸಲಾಗದೆ ಸ್ನಾನಕ್ಕೆ ಹೋಗುವುದಾಗಿ ಹೇಳಿ ಕೋಣೆಗೆ ಹೋಗಿ ಬಾಗಿಲು ಹಾಕಿಕೊಂಡಿದ್ದಾಳೆ… ಬಹಳ ಹೊತ್ತಾದರೂ ಆಕೆ ಹೊರಗೆ ಬರಲಿಲ್ಲ. ಆ ನಂತರ ಆಕೆ ಫ್ಯಾನ್ ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಬೆಳಕಿಗೆ ಬಂದಿದೆ.. ತಮಿಳುನಾಡಿನ ಮನಾಲಿ ನ್ಯೂ ಟೌನ್ ನಲ್ಲಿ ಈ ಘಟನೆ ನಡೆದಿದೆ.

ಭವಾನಿ ಆರು ವರ್ಷಗಳ ಹಿಂದೆ ಭಕ್ಕಿಯರಾಜ್ (32) ಎಂಬ ವ್ಯಕ್ತಿಯೊಂದಿಗೆ ವಿವಾಹವಾಗಿದ್ದರು. ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ಕರೋನಾ ಲಾಕ್‌ಡೌನ್ ಸಮಯದಲ್ಲಿ ಭವಾನಿ ಆನ್‌ಲೈನ್ ರಮ್ಮಿಗೆ ವ್ಯಸನಿಯಾಗಿದ್ದಳು. ಆರಂಭದಲ್ಲಿ ಹಣ ಬರುತ್ತಿದ್ದರಿಂದ ಆಟದ ಚಟಕ್ಕೆ ಬಿದ್ದ ಆಕೆ ಚಿನ್ನ ಅಡವಿಟ್ಟು 7.5 ಲಕ್ಷ ರೂ. ಆಟ ಆಡಿದ್ದಾಳೆ… ಆ ಹಣವೆಲ್ಲ ರಮ್ಮಿ ಆಟದಲ್ಲಿ ಕಳೆದುಹೋಯಿತು.

ವಿಷಯ ತಿಳಿದ ಪತಿ, ಪಾಲಕರು, ಅತ್ತೆ-ಮಾವಂದಿರು ಗದರಿಸಿದ್ದಾರೆ. ಈ ವೇಳೆ ಆಕೆ ತನ್ನ ಸಹೋದರಿ ಭಾರತಿ ಬಳಿ 1.5 ಲಕ್ಷ ಹಾಗೂ ಸಹೋದರಿ ಕವಿತಾ ಬಳಿ 1.5 ಲಕ್ಷ ಸಾಲ ಪಡೆದಿದ್ದಾಳೆ. ಆ ಹಣವೂ ರಮ್ಮಿಯಲ್ಲಿ ಕಳೆದು ಹೋಗಿತ್ತು. ಈ ವಿಷಯ ಯಾರಿಗೂ ಗೊತ್ತಿಲ್ಲ. ನಾಲ್ಕು ದಿನಗಳ ಹಿಂದೆ ಭವಾನಿ ತನ್ನ ತಂಗಿಗೆ ಅಸಲಿ ವಿಷಯ ತಿಳಿಸಿದ್ದಾಳೆ.

ಅಂದು ಮನೆಯವರು ಎಂದಿನಂತೆ ಊಟ ಮಾಡಿದರು. ಸ್ನಾನ ಮಾಡುತ್ತೇನೆ ಎಂದು ಕೋಣೆಗೆ ಈಕೆ ಹೋದಳು. ಎಷ್ಟು ಹೊತ್ತಾದರೂ ಆಕೆ ಬಾರದೆ ಇದ್ದಾಗ ಕೊಠಡಿಯ ಬಾಗಿಲು ಒಡೆದು ಪತಿ ನೋಡಿದಾಗ.. ಫ್ಯಾನ್ ಗೆ ನೇತಾಡುತ್ತಿದ್ದ ಪತ್ನಿಯನ್ನು ಕಂಡು ಕುಸಿದು ಬಿದ್ದಿದ್ದಾನೆ. ಭವಾನಿ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ರವಾನಿಸಲಾಗಿದೆ.

Woman Kills Self After Losing 10 Lakhs In Online Rummy

Follow us On