ಮಂಗಗಳ ಹೆಸರಿನಲ್ಲಿ 32 ಎಕರೆ ಜಮೀನು… ಎಲ್ಲೋ ಗೊತ್ತಾ?

ಮುಂಬೈ: ಒಂದೆಡೆ ಜನ ಜಾಗಕ್ಕಾಗಿ ಹಾತೊರೆಯುತ್ತಿದ್ದರೆ, ಮತ್ತೊಂದೆಡೆ ಮಂಗಗಳ ಹೆಸರಲ್ಲಿ 32 ಎಕರೆ ಭೂಮಿ ಇದೆ. ಸಂಬಂಧಪಟ್ಟ ಜಮೀನಿನ ದಾಖಲೆ ನೋಡಿ ಎಲ್ಲರೂ ಅಚ್ಚರಿಗೊಂಡಿದ್ದಾರೆ. ಈ ವಿಚಿತ್ರ ಘಟನೆ ಮಹಾರಾಷ್ಟ್ರದ ಒಸ್ಮಾನಾಬಾದ್ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ.

ಉಪ್ಲಾ ಗ್ರಾಮಸ್ಥರು ಮಂಗಗಳಿಗೆ ಹೆಚ್ಚಿನ ಬೆಲೆ ನೀಡುತ್ತಾರೆ. ಮನೆಗೆ ಬರುವ ಮಂಗಗಳಿಗೆ ಆಹಾರ ನೀಡದೆ ಕಳಿಸುವುದಿಲ್ಲ. ಅಲ್ಲದೆ, ಮದುವೆಯಂತಹ ಸಮಾರಂಭಗಳಲ್ಲಿ ಮಂಗಗಳನ್ನು ವಿಶೇಷವಾಗಿ ಗೌರವಿಸಲಾಗುತ್ತದೆ. ಅವರಿಗೆ ಮೊದಲ ಉಡುಗೊರೆಯನ್ನು ನೀಡಿದ ನಂತರ, ಮದುವೆ ಸಮಾರಂಭವು ಪ್ರಾರಂಭವಾಗುತ್ತದೆ.

ಏತನ್ಮಧ್ಯೆ, ಮಂಗಗಳನ್ನು ತುಂಬಾ ಪ್ರೀತಿಸುವ ಈ ಗ್ರಾಮವು ಅವುಗಳ ಹೆಸರಿನಲ್ಲಿ 32 ಎಕರೆ ಭೂಮಿಯನ್ನು ಸಹ ಮಂಜೂರು ಮಾಡಿದೆ. ಈ ವಿಷಯವನ್ನು ಸ್ವತಃ ಆ ಗ್ರಾಮದ ಸರಪಂಚ್ ಬಪ್ಪಾ ಪಡ್ವಾಲ್ ಅವರು ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ. ಈ ಜಮೀನು ಮಂಗಗಳಿಗೆ ಸೇರಿದ್ದು ಎಂದು ದಾಖಲೆಗಳಲ್ಲಿ ಸ್ಪಷ್ಟವಾಗಿ ಇದೆ ಎಂದರು. ಮಂಗಗಳ ಹೆಸರಿಗೆ ಯಾರು ಜಮೀನು ನೋಂದಣಿ ಮಾಡಿದ್ದಾರೆ ಎಂಬುದು ತಿಳಿದಿಲ್ಲ ಎಂದು ಹೇಳಿದರು.

ಮತ್ತೊಂದೆಡೆ ಕೋತಿಗಳಿಗೆ ಸೇರಿದ ಜಾಗದಲ್ಲಿ ಅರಣ್ಯಾಧಿಕಾರಿಗಳು ಮರಗಳನ್ನು ನೆಟ್ಟಿದ್ದಾರೆ ಎಂದು ಗ್ರಾಮದ ಸರಪಂಚ ಬಪ್ಪ ಪಡವಾಲ್ ತಿಳಿಸಿದ್ದಾರೆ. ಆ ಜಾಗದಲ್ಲಿ ಪಾಳು ಬಿದ್ದ ಮನೆಯೂ ಇದೆ. ತಮ್ಮ ಗ್ರಾಮದಲ್ಲಿ ಸುಮಾರು ನೂರರಷ್ಟು ಮಂಗಗಳಿದ್ದು, ಅವುಗಳ ಸಂಖ್ಯೆ ಸಾಕಷ್ಟು ಕಡಿಮೆಯಾಗಿದೆ ಎಂದು ಆತಂಕ ವ್ಯಕ್ತಪಡಿಸಿದರು.

Monkeys Own 32 Acres Of Land In This Maharashtra Village

Follow us On

Advertisement