ಚಂದ್ರ ಗ್ರಹಣ (Chandra Grahana) ಚಂದ್ರಗ್ರಹಣ ಅವಧಿ, ಸಮಯ : 580 ವರ್ಷಗಳ ನಂತರ ಗ್ರಹಣ

ಸುಮಾರು 580 ವರ್ಷಗಳ ನಂತರ ಶುಕ್ರವಾರ ದೀರ್ಘ ಭಾಗಶಃ ಚಂದ್ರಗ್ರಹಣ ಸಂಭವಿಸಲಿದೆ. ಗ್ರಹಣವು ಸುಮಾರು ಮೂರು ಗಂಟೆಗಳ ಕಾಲ ಇರುತ್ತದೆ ಎಂದು ಖಗೋಳಶಾಸ್ತ್ರಜ್ಞರು ಹೇಳುತ್ತಾರೆ.

ಚಂದ್ರಗ್ರಹಣ (Chandra Grahana): ಸುಮಾರು 580 ವರ್ಷಗಳ ನಂತರ ಶುಕ್ರವಾರ ದೀರ್ಘ ಭಾಗಶಃ ಚಂದ್ರಗ್ರಹಣ ಸಂಭವಿಸಲಿದೆ. ಗ್ರಹಣವು ಸುಮಾರು ಮೂರು ಗಂಟೆಗಳ ಕಾಲ ಇರುತ್ತದೆ ಎಂದು ಖಗೋಳಶಾಸ್ತ್ರಜ್ಞರು ಹೇಳುತ್ತಾರೆ. ಭಾಗಶಃ ಚಂದ್ರಗ್ರಹಣ ಮಧ್ಯಾಹ್ನ 12.48ಕ್ಕೆ ಆರಂಭವಾಗಿ ಸಂಜೆ 4.17ಕ್ಕೆ ಮುಕ್ತಾಯವಾಗಲಿದೆ. ಗ್ರಹಣದ ಅವಧಿ ಮೂರು ಗಂಟೆ 28 ನಿಮಿಷ 24 ಸೆಕೆಂಡ್ ಆಗಿರುತ್ತದೆ.

ಇದು 580 ವರ್ಷಗಳಲ್ಲೇ ಅತಿ ದೀರ್ಘವಾದ ಭಾಗಶಃ ಚಂದ್ರಗ್ರಹಣವಾಗಲಿದೆ. ಕೊನೆಯ ಬಾರಿಗೆ ಈ ಗ್ರಹಣವು ಫೆಬ್ರವರಿ 18, 1440 ರಂದು ಸಂಭವಿಸಿತು. ಇದೇ ರೀತಿಯ ಘಟನೆ ಫೆಬ್ರವರಿ 8, 2669 ರಂದು ಸಂಭವಿಸಿತು.

ಈ ಭಾಗಶಃ ಚಂದ್ರಗ್ರಹಣವು ಉತ್ತರ ಅಮೆರಿಕಾ, ದಕ್ಷಿಣ ಅಮೆರಿಕಾ, ಪೂರ್ವ ಏಷ್ಯಾ, ಆಸ್ಟ್ರೇಲಿಯಾ ಮತ್ತು ಪೆಸಿಫಿಕ್‌ನಲ್ಲಿ ಸಂಭವಿಸಲಿದೆ. ಭಾರತದ ಅರುಣಾಚಲ ಪ್ರದೇಶ ಮತ್ತು ಅಸ್ಸಾಂನ ಕೆಲವು ಭಾಗಗಳಲ್ಲಿ ಚಂದ್ರೋದಯದ ನಂತರ ಪೂರ್ವ ದಿಗಂತಕ್ಕೆ ಬಹಳ ಸಮೀಪದಲ್ಲಿ ಭಾಗಶಃ ಗ್ರಹಣ ಮತ್ತು ಪೆನಿಬ್ರಲ್ ಗ್ರಹಣವಿದೆ ಎಂದು ವಿವರಿಸಲಾಗಿದೆ.

ಯುಪಿ, ಬಿಹಾರ, ಜಾರ್ಖಂಡ್, ಪಶ್ಚಿಮ ಬಂಗಾಳ ಮತ್ತು ಒಡಿಶಾದಲ್ಲಿ ಸ್ವಲ್ಪ ಗೋಚರಿಸುತ್ತದೆ. ಸೂಪರ್ ಫ್ಲವರ್ ಬ್ಲಡ್ ಮೂನ್ 2021 ರ ಮೊದಲ ಚಂದ್ರಗ್ರಹಣವು ಮೇ 26 ರಂದು ಸಂಭವಿಸಿದೆ. ಮುಂದಿನ ವರ್ಷ ನವೆಂಬರ್ 8, 2022 ರಂದು ಭಾರತದಲ್ಲಿ ಚಂದ್ರಗ್ರಹಣ ಸಂಭವಿಸಲಿದೆ ಎಂದು ಖಗೋಳಶಾಸ್ತ್ರಜ್ಞರು ಭವಿಷ್ಯ ನುಡಿದಿದ್ದಾರೆ.