98 ಲಕ್ಷ WhatsApp ಖಾತೆಗಳು ಬ್ಲಾಕ್, ಲಕ್ಷಾಂತರ ಯೂಸರ್ಗಳಿಗೆ ಭಾರೀ ಶಾಕ್
WhatsApp ನಿಯಮ ಉಲ್ಲಂಘನೆ, ಫೇಕ್ ನ್ಯೂಸ್, ಸ್ಪ್ಯಾಮ್, ಅಪರಾಧ ಚಟುವಟಿಕೆಗಳ ಕಾರಣ ಜೂನ್ನಲ್ಲಿ 98 ಲಕ್ಷ ಖಾತೆಗಳು ಬ್ಲಾಕ್ ಆಗಿವೆ. ತಪ್ಪಾಗಿ ಬ್ಲಾಕ್ ಆದರೆ ಪರಿಹಾರ ಪ್ರಕ್ರಿಯೆ ಇಲ್ಲಿದೆ.
- ಜೂನ್ನಲ್ಲಿ 98 ಲಕ್ಷ WhatsApp ಖಾತೆ ಬ್ಲಾಕ್
- ಫೇಕ್ ನ್ಯೂಸ್, ಸ್ಪ್ಯಾಮ್, ದುರುಪಯೋಗವೇ ಪ್ರಮುಖ ಕಾರಣ
- ತಪ್ಪಾಗಿ ಬ್ಲಾಕ್ ಆದರೆ ಹೇಗೆ ಅನ್ಬ್ಲಾಕ್ ಮಾಡುವುದು
ಜೂನ್ ತಿಂಗಳಲ್ಲಿ WhatsApp ತನ್ನ ನಿಯಮಗಳನ್ನು ಉಲ್ಲಂಘಿಸಿದ ಬಳಕೆದಾರರ ವಿರುದ್ಧ ಕಠಿಣ ಕ್ರಮ ಕೈಗೊಂಡು, ಒಟ್ಟು 98 ಲಕ್ಷ ಖಾತೆಗಳನ್ನು ಬ್ಲಾಕ್ ಮಾಡಿದೆ. ಇದರಲ್ಲಿ ಫೇಕ್ ನ್ಯೂಸ್ ಹಂಚಿಕೆ, ಮಿಸ್ಇನ್ಫರ್ಮೇಶನ್, ಸ್ಪ್ಯಾಮ್ ಲಿಂಕುಗಳು, ಗ್ರೂಪ್ಗಳ ಮೂಲಕ ದ್ವೇಷ ಪ್ರಸಾರ, ಮಾನವ ಕಳ್ಳ ಸಾಗಣೆ, ಫ್ರಾಡ್, ನಕಲಿ ಪ್ರೊಫೈಲ್ಗಳು ಮುಂತಾದವು ಪ್ರಮುಖ ಕಾರಣಗಳಾಗಿವೆ.
WhatsAppಗೆ ಜೂನ್ನಲ್ಲಿ ಒಟ್ಟು 23,596 ದೂರುಗಳು ಬಂದಿದ್ದು, ಅದರಲ್ಲಿ 16,069 ದೂರುಗಳು ನೇರವಾಗಿ ಖಾತೆ ಬ್ಲಾಕ್ಗೆ ಸಂಬಂಧಿಸಿದ್ದಾಗಿವೆ. ದೂರುಗಳನ್ನು ಪರಿಶೀಲಿಸಿದ ಬಳಿಕ ಸಂಬಂಧಿತ ಖಾತೆಗಳಿಗೆ ಕ್ರಮ ಕೈಗೊಳ್ಳಲಾಗಿದೆ. ಕಂಪನಿಯ ಪ್ರಕಾರ, ಬಳಕೆದಾರರ ಗೌಪ್ಯತೆ ಮತ್ತು ಭದ್ರತೆ ಕಾಪಾಡಲು ಈ ಕ್ರಮ ಅವಶ್ಯಕ.
ಇದನ್ನೂಓದಿ : ಒಂದು ರಾಜ್ಯದ ವಾಹನ ಮತ್ತೊಂದು ರಾಜ್ಯದಲ್ಲಿ ಓಡಿಸಬಹುದಾ? ಏನಿದೆ ರೂಲ್ಸ್ ಗೊತ್ತಾ
ನಿಮ್ಮ WhatsApp ಖಾತೆ ಬ್ಲಾಕ್ ಆಗಿದ್ದರೆ, ಆ್ಯಪ್ನಲ್ಲಿ ನೋಟಿಫಿಕೇಶನ್ ಬರುತ್ತದೆ. ಅಲ್ಲಿ ಬ್ಲಾಕ್ ಮಾಡಿದ ಕಾರಣವನ್ನು ವಿವರಿಸಲಾಗುತ್ತದೆ. ಸಾಮಾನ್ಯವಾಗಿ ನಿಯಮ ಉಲ್ಲಂಘನೆ, ಸಮಾಜಕ್ಕೆ ಹಾನಿಕರ ಸಂದೇಶ ಹಂಚಿಕೆ, ಅಥವಾ ಅಪರಾಧ ಸಂಬಂಧಿತ ಮಾಹಿತಿ ಹಂಚುವಿಕೆಯಿಂದ ಬ್ಲಾಕ್ ಆಗುತ್ತದೆ.
ಆದರೆ, ಕೆಲವು ವೇಳೆ ಯಾವುದೇ ತಪ್ಪಿಲ್ಲದೆ ಖಾತೆ ನಿಷೇಧವಾಗಬಹುದು. ಇಂತಹ ಸಂದರ್ಭದಲ್ಲಿ WhatsApp Support Team ಅನ್ನು ಸಂಪರ್ಕಿಸುವುದು ಪರಿಹಾರ. ಆ್ಯಪ್ನಲ್ಲಿ ‘HELP’ ಆಯ್ಕೆ ಮಾಡಿ, ಅಥವಾ ಇಮೇಲ್ ಮೂಲಕ ನಿಮ್ಮ ಸಮಸ್ಯೆಯನ್ನು ವಿವರಿಸಿ. ಇಮೇಲ್ನಲ್ಲಿ ನಿಮ್ಮ ಫೋನ್ ನಂಬರ್, ಖಾತೆ ಬ್ಲಾಕ್ ಆಗಲು ಕಾರಣ (ತಿಳಿದಿದ್ದರೆ) ಹಾಗೂ ಇತರೆ ಮಾಹಿತಿಯನ್ನು ಸೇರಿಸಿ ಕಳುಹಿಸಬೇಕು.
ಇದನ್ನೂ ಓದಿ: ಕೇವಲ ₹10 ಸಾವಿರಕ್ಕೆ ಎಲೆಕ್ಟ್ರಿಕ್ ಸ್ಕೂಟರ್, ಬ್ಬರೊಬ್ಬರಿ 160 ಕಿ.ಮೀ ಮೈಲೇಜ್ ಕೊಡುತ್ತೆ
ಕೆಲ ಸಂದರ್ಭಗಳಲ್ಲಿ, WhatsApp ತಾತ್ಕಾಲಿಕ ನಿಷೇಧ (Temporary Ban) ವಿಧಿಸಬಹುದು, ಇದು 24 ಗಂಟೆಯಿಂದ 30 ದಿನಗಳೊಳಗೆ ತೆರವುಗೊಳ್ಳಬಹುದು. ಈ ಅವಧಿಯಲ್ಲಿ GBWhatsApp, WhatsApp Plus ಮುಂತಾದ ತೃತೀಯ ಪಕ್ಷದ ಆ್ಯಪ್ಗಳನ್ನು ಬಳಸಬಾರದು, ಏಕೆಂದರೆ ಇವು ಕೂಡ ಬ್ಲಾಕ್ಗೆ ಕಾರಣವಾಗಬಹುದು.
98 Lakh WhatsApp Accounts Banned
