ಚಿನ್ನ ಅಡವಿಟ್ಟರೂ ಬ್ಯಾಂಕ್ ಕೊಡಲ್ಲ ಸಾಲ! ನಿಯಮಗಳು ಬಿಗಿ, ಹೊಸ ರೂಲ್ಸ್

• ಚಿನ್ನದ ಸಾಲ ನಿರ್ವಹಣೆಗೆ ಹೊಸ ನಿಯಮಗಳ ಜಾರಿ
• ಕಠಿಣ ಪರಿಶೀಲನೆ – ಹಿನ್ನಲೆ ತಪಾಸಣೆ ಅಗತ್ಯ
• ಸಾಲಗಳಿಗೆ ನಿಯಂತ್ರಣ, ಮೇಲ್ವಿಚಾರಣೆ ಬಿಗಿ

Gold Loan : ನಗದು ಅವಶ್ಯಕತೆ ಎದುರಾದಾಗ, ಬಹುತೇಕ ಜನರು ತಮ್ಮ ಚಿನ್ನವನ್ನು (Gold) ಬ್ಯಾಂಕ್‌ಗಳಲ್ಲಿ ಅಡವಿಟ್ಟು ಸಾಲ ಪಡೆಯುತ್ತಾರೆ. ಕಡಿಮೆ ಬಡ್ಡಿದರದ ಕಾರಣ ಹಲವರು ಈ ಆಯ್ಕೆ ಮಾಡಿಕೊಳ್ಳುತ್ತಾರೆ, ಕೆಲವು ಜನರು ಇತರ ಆಯ್ಕೆಗಳಿಲ್ಲದೆ ಈ ಮಾರ್ಗವನ್ನು ಅವಲಂಬಿಸುತ್ತಾರೆ. ಆದರೆ, ಇದೀಗ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಹೊಸ ನಿಯಮಗಳನ್ನು ಜಾರಿಗೆ ತರುತ್ತಿದೆ.

ಹಾಲಿ ವ್ಯವಸ್ಥೆಯಲ್ಲಿ, ಬಂಗಾರವನ್ನು ಅಡವಿಟ್ಟ ತಕ್ಷಣವೇ ಸಾಲ ದೊರೆಯುತ್ತಿದ್ದರೆ, ಮುಂದಿನ ದಿನಗಳಲ್ಲಿ ಇದು ಕಠಿಣವಾಗಲಿದೆ. ಸಾಲ ಪಡೆಯುವ ಮುನ್ನ, ಅರ್ಜಿದಾರರ ಹಿನ್ನೆಲೆ ತಪಾಸಣೆ (Background Verification) ಪ್ರಕ್ರಿಯೆಯನ್ನು ಕಡ್ಡಾಯಗೊಳಿಸಲಾಗುತ್ತಿದೆ. ಇದರಿಂದಾಗಿ, ಯಾರಾದರೂ ಅಕ್ರಮವಾಗಿ ಚಿನ್ನ ಅಡವಿಟ್ಟು ಹಣ ಪಡೆದುಕೊಳ್ಳುವುದನ್ನು ತಡೆಯಬಹುದು.

ಇದನ್ನೂ ಓದಿ: ಲೋನ್ ಬೇಕು, ಆದ್ರೆ ಬಡ್ಡಿ ಕಡಿಮೆ ಇರಬೇಕು ಅನ್ನೋದಾದ್ರೆ ಈ ರೀತಿ ಮಾಡಿ

ಹಲವಾರು ಪ್ರಕರಣಗಳಲ್ಲಿ, ಸಾಲ (Gold Loan) ಪಡೆಯಲು ಬೇರೆಯವರ ಆಭರಣ (Jewellery) ಗಳನ್ನು ಬಳಸಿ ಹಣಕಾಸು ಸಂಸ್ಥೆಗಳಿಂದ ಸಾಲ ಪಡೆಯುತ್ತಿದ್ದ ಘಟನೆಗಳು ಬೆಳಕಿಗೆ ಬಂದಿವೆ.

ಈ ಹಿನ್ನೆಲೆ, ಆರ್ಬಿಐ ಬ್ಯಾಂಕುಗಳು ಹಾಗೂ NBFCಗಳ ಮೇಲೆ ಕಟ್ಟುನಿಟ್ಟಿನ ನಿಯಮಗಳನ್ನು ಹೇರಲು ಸಜ್ಜಾಗಿದೆ. ಲೋನ್ ಅನುಮೋದನೆಗೆ ಸಂಬಂಧಿಸಿದಂತೆ, ಪ್ರಕ್ರಿಯೆಯನ್ನು ಹೆಚ್ಚು ಪಾರದರ್ಶಕವಾಗಿಸಲು RBI ತೀರ್ಮಾನಿಸಿದೆ.

ಇದನ್ನೂ ಓದಿ: ಇನ್ಮುಂದೆ ಚಿನ್ನ ಅಡವಿಟ್ಟು ಸಾಲ ಪಡೆಯೋಕು ಮುನ್ನ ಈ ವಿಚಾರಗಳು ಗೊತ್ತಿರಲಿ

ಅಲ್ಲದೆ, ಬಂಗಾರ ಮೌಲ್ಯಮಾಪನ (Gold Valuation Process) ವ್ಯವಸ್ಥೆಯಲ್ಲಿ ಗೊಂದಲಗಳು ಕಂಡುಬಂದಿದ್ದರಿಂದ, ಸಾಲ ವಿತರಣೆಗೆ ನವೀಕೃತ ಮಾರ್ಗಸೂಚಿಗಳನ್ನು ಜಾರಿಗೊಳಿಸಲು RBI ನಿರ್ಧರಿಸಿದೆ. ಇದರಿಂದಾಗಿ, ಪ್ರತಿಯೊಂದು ಬ್ಯಾಂಕ್ ಒಂದೇ ರೀತಿಯ ನಿಯಮಗಳ ಪ್ರಕಾರ ಬಂಗಾರ ಸಾಲ ಮಂಜೂರು ಮಾಡಬೇಕಾಗುತ್ತದೆ.

ಹಾಲಿ ವ್ಯವಸ್ಥೆಯಲ್ಲಿ, ಕೆಲವು ಬ್ಯಾಂಕುಗಳು (Banks) ಪಾವತಿಸದ ಸಾಲದ ಬಂಗಾರ ಹರಾಜು (Gold Auction Process) ನಡೆಸುತ್ತವೆ. ಆದರೆ ಈ ಕುರಿತು ಸಾಲಗಾರರಿಗೆ ಸರಿಯಾಗಿ ಮಾಹಿತಿ ನೀಡದೇ, ನೇರವಾಗಿ ಬಂಗಾರ ಹರಾಜು ಪ್ರಕ್ರಿಯೆ ನಡೆಯುತ್ತಿರುವ ಉದಾಹರಣೆಗಳು ಇವೆ. ಇದನ್ನು ತಡೆಯಲು ಆರ್ಬಿಐ ಸೂಕ್ತ ನೋಟಿಸ್ ನೀಡುವ ನಿಯಮ ಅನಿವಾರ್ಯಗೊಳಿಸಲು ಉದ್ದೇಶಿಸಿದೆ.

ಇದನ್ನೂ ಓದಿ: ಪರ್ಸನಲ್ ಲೋನ್ ಬೇಕು ಅನ್ನೋರಿಗೆ ಸುಗ್ಗಿ ಸಮಯ! ಕಡಿಮೆ ಬಡ್ಡಿ ಆಫರ್

ಈ ಹೊಸ ನಿಯಮಗಳು ಜಾರಿಗೆ ಬಂದರೆ, ಚಿನ್ನ ಅಡವಿಟ್ಟು ಸಾಲ ಪಡೆಯುವವರು ಹೆಚ್ಚಿನ ದಾಖಲೆಗಳೊಂದಿಗೆ ತಮ್ಮ ಹಣಕಾಸು ಸ್ಥಿತಿಯನ್ನು ಸರಿಯಾಗಿ ವಿವರಿಸಬೇಕಾಗುತ್ತದೆ.

ಇದನ್ನೂ ಓದಿ: ಚಿನ್ನ ಖರೀದಿ ಮಾಡೋ ಪ್ಲಾನ್ ಇದ್ಯಾ? ಮೊದಲು ಚಿನ್ನದ ಬೆಲೆ ಚೆಕ್ ಮಾಡಿ

ಇದರಿಂದಾಗಿ, ಚಿನ್ನದ ಸಾಲದ ಮೇಲೆ ಹೆಚ್ಚಿನ ಮೇಲ್ವಿಚಾರಣೆಯೊಂದಿಗೆ, ಪಾರದರ್ಶಕತೆ ಹೆಚ್ಚಳವಾಗಲಿದೆ. ಅಲ್ಲದೆ ಚಿನ್ನದ ಸಾಲ ಅಷ್ಟು ಸುಲಭವಾಗಿ ಸಿಗದೇ ಇರಬಹುದು, ನಿಯಮಗಳು ಬಿಗಿಯಾಗಬಹುದು.

Gold Loan Rules Tightened by RBI