ಕಡಿಮೆ ಬೆಲೆ, ಹೆಚ್ಚು ಮೈಲೇಜ್: ಬಡವರ ಬಂಡಿ ಅಂತಲೇ ಫೇಮಸ್ ಆಗಿರುವ ಬೈಕ್ ಇದು

• ಹೋಂಡಾ ಶೈನ್ 100ಗೆ ಹೆಚ್ಚು ಮೈಲೇಜ್ ಪ್ರಮುಖ ಆಕರ್ಷಣೆ
• ಕಡಿಮೆ ಬೆಲೆ, ಕಡಿಮೆ ಮೆಂಟೆನನ್ಸ್ ಕಾರಣ ಮಧ್ಯಮ ವರ್ಗದ ಆಯ್ಕೆ
• ಕಮ್ಯೂಟರ್ ಬೈಕ್ ಸೆಗ್ಮೆಂಟ್‌ನಲ್ಲಿ ಜನಪ್ರಿಯತೆ ಹೆಚ್ಚಳ

Honda Shine 100 Bike: ದೈನಂದಿನ ಕೆಲಸಕ್ಕೆ ಬೈಕ್ ಬಳಸುವವರಿಗೆ ಇಂಧನ ಉಳಿತಾಯವೇ ಮೊದಲ ಆದ್ಯತೆ. ಇದೇ ಕಾರಣಕ್ಕೆ ಹೋಂಡಾ ಶೈನ್ 100 ಕಮ್ಯೂಟರ್ ಬೈಕ್ ವಿಭಾಗದಲ್ಲಿ ವೇಗವಾಗಿ ಜನಪ್ರಿಯವಾಗುತ್ತಿದೆ. ಸರಳ ವಿನ್ಯಾಸ, ವಿಶ್ವಾಸಾರ್ಹ ಎಂಜಿನ್ ಮತ್ತು ಕೈಗೆಟುಕುವ ಬೆಲೆ ಈ ಬೈಕ್‌ನ ಪ್ರಮುಖ ಪ್ಲಸ್‌ ಪಾಯಿಂಟ್‌ಗಳಾಗಿವೆ.

ಹೋಂಡಾ ಶೈನ್ 100ನಲ್ಲಿ 98.98 ಸಿಸಿ ಏರ್-ಕೂಲ್ಡ್ ಎಂಜಿನ್ ನೀಡಲಾಗಿದ್ದು, ಪಿಜಿಎಂ-ಎಫ್‌ಐ ಹಾಗೂ ಇಎಸ್‌ಪಿ ತಂತ್ರಜ್ಞಾನದಿಂದ ಇದು ಹೆಚ್ಚು ಇಂಧನ ದಕ್ಷತೆಯನ್ನು ಒದಗಿಸುತ್ತದೆ. 7.38 ಪಿಎಸ್ ಶಕ್ತಿ ಹಾಗೂ 8.05 ಎನ್‌ಎಂ ಟಾರ್ಕ್ ಉತ್ಪಾದಿಸುವ ಈ ಬೈಕ್ ನಗರ ಸಂಚಾರಕ್ಕೆ ಸೂಕ್ತವಾಗಿದೆ. 4-ಸ್ಪೀಡ್ ಗೇರ್‌ಬಾಕ್ಸ್ ಟ್ರಾಫಿಕ್‌ನಲ್ಲಿ ಸ್ಮೂತ್ ರೈಡಿಂಗ್ ಅನುಭವ ನೀಡುತ್ತದೆ.

ಮೈಲೇಜ್‌ ದೊಡ್ಡ ಶಕ್ತಿ

ಕಂಪನಿಯ ಮಾಹಿತಿಯಂತೆ ಶೈನ್ 100 ಲೀಟರ್‌ಗೆ ಸುಮಾರು 65 ಕಿಲೋಮೀಟರ್ ಮೈಲೇಜ್ ನೀಡುತ್ತದೆ. ಆದರೆ ಬಳಕೆದಾರರು 65ರಿಂದ 68 ಕಿಮೀ ವರೆಗೆ ಮೈಲೇಜ್ ಸಿಗುತ್ತಿದೆ ಎಂದು ಹೇಳುತ್ತಿದ್ದಾರೆ. 9 ಲೀಟರ್ ಇಂಧನ ಟ್ಯಾಂಕ್ ಇದ್ದು, ದೀರ್ಘ ಪ್ರಯಾಣಕ್ಕೂ ಅನುಕೂಲವಾಗುತ್ತದೆ.

ಕೇವಲ 99 ಕಿಲೋಗ್ರಾಂ ತೂಕವಿರುವ ಈ ಬೈಕ್ ಇಕ್ಕಟ್ಟಾದ ರಸ್ತೆಗಳಲ್ಲೂ ಸುಲಭವಾಗಿ ಚಲಿಸುತ್ತದೆ. ಗರಿಷ್ಠವಾಗಿ ಗಂಟೆಗೆ 85 ಕಿಮೀ ವೇಗ ಸಾಧಿಸಬಹುದಾದ ಸಾಮರ್ಥ್ಯ ಹೊಂದಿದೆ. ದೆಹಲಿಯಲ್ಲಿ ಇದರ ಎಕ್ಸ್-ಶೋರೂಮ್ ಬೆಲೆ ಸುಮಾರು ₹64,000 ಇದ್ದು, ಆನ್-ರೋಡ್ ಬೆಲೆ ₹77,000ರ ಆಸುಪಾಸಿನಲ್ಲಿ ಇದೆ.

ನಿರ್ವಹಣಾ ವೆಚ್ಚ ಕಡಿಮೆ

ಶೈನ್ 100 ಮತ್ತೊಂದು ದೊಡ್ಡ ಲಾಭ ಅದರ ಕಡಿಮೆ ಸರ್ವಿಸ್ ಮತ್ತು ಮೆಂಟೆನನ್ಸ್ ಖರ್ಚು. ವಾರ್ಷಿಕ ಸರ್ವಿಸ್ ವೆಚ್ಚ ₹800ರಿಂದ ₹1,200ರೊಳಗೆ ಇರುವುದರಿಂದ ಮಧ್ಯಮ ವರ್ಗದ ಕುಟುಂಬಗಳಿಗೆ ಇದು ಆರ್ಥಿಕವಾಗಿ ಅನುಕೂಲಕರವಾಗಿದೆ. ಜೊತೆಗೆ ಕಂಪನಿ 3 ವರ್ಷ ಅಥವಾ 42,000 ಕಿಮೀ ವಾರಂಟಿಯನ್ನೂ ನೀಡುತ್ತಿದೆ.