ಬ್ಯಾಂಕ್ನಲ್ಲಿ ಚಿನ್ನ ಗಿರವಿ ಇಡೋ ನಿಯಮ ಬದಲಾವಣೆ! ಜನ ಕಂಗಾಲು
ಚಿನ್ನದ ಸಾಲಗಳಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಜಾರಿಗೊಳಿಸಿರುವ ಹೊಸ ನಿಯಮಗಳು ಜನಸಾಮಾನ್ಯರ ಗಡಿಬಿಡಿಗೆ ಕಾರಣವಾಗಿವೆ. ತುರ್ತು ಸಂದರ್ಭದಲ್ಲಿ ಸಹ ಚಿನ್ನದ ಬೆಲೆಗಿಂತ ಕಡಿಮೆ ಸಾಲ ಸಿಗಲಿದೆ.
- ಚಿನ್ನದ ಕೇವಲ 75% ಮೌಲ್ಯಕ್ಕಷ್ಟೆ ಸಾಲ
- ಬೆಳ್ಳಿಗೂ ಶುದ್ಧತೆಗೆ ಅನುಗುಣವಾಗಿ ಸಾಲ ಸಿಗಲಿದೆ
- ಗರಿಷ್ಠ 1 ಕಿಲೋ ಚಿನ್ನದವರೆಗೆ ಮಾತ್ರ ಸಾಲ
ಬ್ಯಾಂಕುಗಳಲ್ಲಿ (Gold loan) ಆಭರಣಗಳನ್ನು ಅಡವಿಡುವ ಮೂಲಕ ತಕ್ಷಣ ಹಣ ಪಡೆಯುವುದು ಈಗ ಸುಲಭದ ಮಾತಲ್ಲ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಜಾರಿಗೊಳಿಸಿರುವ ಹೊಸ ನಿಯಮಗಳ ಪ್ರಕಾರ, ಚಿನ್ನದ ಮೌಲ್ಯದ ಕೇವಲ 75 ಪ್ರತಿಶತಕ್ಕಷ್ಟೆ ಸಾಲ ನೀಡಬೇಕು ಎಂಬ ನಿಯಮ ಹೊಸ ಅಡ್ಡಿಗಳನ್ನು ತಂದಿದೆ.
ಇದರ ಪರಿಣಾಮವಾಗಿ ಮಧ್ಯಮ ವರ್ಗದವರು ಹಾಗೂ ತುರ್ತು ಸಂದರ್ಭದಲ್ಲಿ ಆರ್ಥಿಕ ನೆರವಿಗೆ ಚಿನ್ನವನ್ನು ಬಳಸಿಕೊಳ್ಳುವವರು ಸಂಕಷ್ಟಕ್ಕೀಡಾಗುವ ಸಾಧ್ಯತೆ ಇದೆ.
ಇದನ್ನೂ ಓದಿ: PhonePe ಮತ್ತು Google Pay ಯುಪಿಐ ಬಳಕೆದಾರರಿಗೆ ಇನ್ಮುಂದೆ ಹೊಸ ನಿಯಮಗಳು
ಆಭರಣಗಳ ಮೇಲೆ ಸಾಲ (Gold Loan) ಪಡೆಯುವ ಪ್ರಕ್ರಿಯೆ ಹೆಚ್ಚು ಕಠಿಣವಾಗಿದ್ದು, ಈಗ ಮುಂದೆ ಚಿನ್ನದ ತೂಕ, ಅದರಲ್ಲಿ ಇರುವ ಕಲ್ಲುಗಳ ತೂಕ, ಮೌಲ್ಯ ಇತ್ಯಾದಿಗಳನ್ನು ಸರಿಯಾಗಿ ದಾಖಲೆ ಮಾಡಬೇಕು.
ಇದಕ್ಕಾಗಿ ಬ್ಯಾಂಕ್ಗಳಿಗೆ ಪ್ರಮಾಣಪತ್ರ ಹಾಗೂ ಆಭರಣಗಳ ಛಾಯಾಚಿತ್ರವನ್ನೂ ಒದಗಿಸುವುದು ಕಡ್ಡಾಯವಾಗಿದೆ. ಆಭರಣಗಳ ಹಿಂತಿರುಗಿಸುವ ಸಂದರ್ಭದಲ್ಲಿ ಉಂಟಾಗುವ ಗೊಂದಲಗಳ ಪರಿಹಾರಕ್ಕಾಗಿ ಆರ್ಬಿಐ ಈ ಕ್ರಮ ಕೈಗೊಂಡಿದೆ.
ಇನ್ನೊಂದು ಮಹತ್ವದ ಬದಲಾವಣೆಯೆಂದರೆ, ಬೆಳ್ಳಿ ಆಭರಣಗಳಿಗೆ ಈಗ ಶರತ್ತುಬದ್ಧವಾಗಿ ಸಾಲ (Bank Loan) ಸಿಗುತ್ತದೆ. ಶೇಕಡಾ 925 ರಷ್ಟು ಶುದ್ಧತೆ ಇರುವ ಬೆಳ್ಳಿ ನಾಣ್ಯಗಳನ್ನು ಮಾತ್ರ ಅಡಕಿಟ್ಟು ಹಣ ಪಡೆಯಲು ಅವಕಾಶ ಇದೆ. ಇದುವರೆಗೆ ಬ್ಯಾಂಕುಗಳಲ್ಲಿ ಬೆಳ್ಳಿ ಆಭರಣಗಳಿಗೆ ಸಾಲ ನೀಡಲಾಗುತ್ತಿರಲಿಲ್ಲ ಎಂಬುದನ್ನು ಇಲ್ಲಿ ಸ್ಮರಿಸಬೇಕು.
ಇದನ್ನೂ ಓದಿ: ಕಡಿಮೆ ಸಂಬಳಕ್ಕೂ ಪರ್ಸನಲ್ ಲೋನ್ ಸಿಗುತ್ತೆ! ಈ ಐಡಿಯಾ ಯಾರಿಗೂ ಹೇಳಬೇಡಿ
ಒಬ್ಬ ವ್ಯಕ್ತಿಗೆ ಗರಿಷ್ಠ 1 ಕಿಲೋ ಚಿನ್ನದವರೆಗೆ ಮಾತ್ರ ಸಾಲ ನೀಡಬೇಕು ಎಂದು ಆರ್ಬಿಐ ಸ್ಪಷ್ಟಪಡಿಸಿದೆ. ಇದರ ಅರ್ಥ, ಹೆಚ್ಚಿನ ಚಿನ್ನವನ್ನು ಅಡವಿಡಲು ಪ್ರಯತ್ನಿಸಿದರೆ ಅದು ಬ್ಯಾಂಕಿನ ನೀತಿಯ ಉಲ್ಲಂಘನೆಯಾಗುತ್ತದೆ.
RBI’s New Gold Loan Rules Shock Borrowers
