ರಿಲಯನ್ಸ್ ಜಿಯೋ 9ನೇ ವಾರ್ಷಿಕೋತ್ಸವ: ಉಚಿತ ಡೇಟಾ, ವಿಶೇಷ ಆಫರ್‌ಗಳ ಘೋಷಣೆ
ಭಾರತದ ಅತಿದೊಡ್ಡ ಟೆಲಿಕಾಂ ಸಂಸ್ಥೆಯಾದ ರಿಲಯನ್ಸ್ ಜಿಯೋ ತನ್ನ 9ನೇ ವಾರ್ಷಿಕೋತ್ಸವವನ್ನು ಭರ್ಜರಿಯಾಗಿ ಆಚರಿಸಿದೆ. ಉಚಿತ 5G ಡೇಟಾ, ವಿಶೇಷ ಪ್ಲಾನ್‌ಗಳು ಹಾಗೂ ರಿವಾರ್ಡ್ ಆಫರ್‌ಗಳೊಂದಿಗೆ ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದೆ.
Reliance Jio : ರಿಲಯನ್ಸ್ ಜಿಯೋ ತನ್ನ 9ನೇ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಗ್ರಾಹಕರಿಗೆ ವಿಶೇಷ ಉಡುಗೊರೆಗಳನ್ನು ಘೋಷಿಸಿದೆ. ದೇಶದಲ್ಲಿ 500 ಮಿಲಿಯನ್‌ಗೂ ಹೆಚ್ಚು ಸಬ್ಸ್ಕ್ರೈಬರ್‌ಗಳನ್ನು ಹೊಂದಿರುವ ಜಿಯೋ ಈಗ ವಿಶ್ವದ ಅತಿದೊಡ್ಡ ಮೊಬೈಲ್ ಡೇಟಾ ನೆಟ್‌ವರ್ಕ್ ಆಗಿ ಹೊರಹೊಮ್ಮಿದೆ.
ಸೆಪ್ಟೆಂಬರ್ 5ರಿಂದ 7ರವರೆಗೆ ಎಲ್ಲಾ 5G Smartphone ಬಳಕೆದಾರರಿಗೆ ಅನಿಯಮಿತ 5G ಡೇಟಾ ಉಚಿತವಾಗಿ ನೀಡಲಾಗುತ್ತಿದೆ. 4G ಗ್ರಾಹಕರು ಕೇವಲ ₹39 ಅಡ್ಆನ್ ಪ್ಯಾಕ್ ಮೂಲಕ ಪ್ರತಿದಿನ 3GB ಡೇಟಾವನ್ನು ಸವಿಯುವ ಅವಕಾಶವನ್ನು ಪಡೆದಿದ್ದಾರೆ.
ಜಿಯೋ ತನ್ನ ನಿಷ್ಠಾವಂತ ಗ್ರಾಹಕರಿಗಾಗಿ ₹349 ಮಂತ್ ಸೆಲೆಬ್ರೇಶನ್ ಪ್ಲಾನ್ ಬಿಡುಗಡೆ ಮಾಡಿದ್ದು, ಇದರಲ್ಲಿ ಉಚಿತ 5G ಡೇಟಾ, ಜಿಯೋ ಫೈನಾನ್ಸ್ ಮೂಲಕ 2% ಡಿಜಿಟಲ್ ಗೋಲ್ಡ್ ಹಾಗೂ ₹3,000 ಮೌಲ್ಯದ ವೋಚರ್‌ಗಳನ್ನು ಒಳಗೊಂಡಿದೆ. Zomato Gold, JioCinema, JioSaavn Pro, Reliance Digital ಮುಂತಾದ ಸೇವೆಗಳ ಸಬ್‌ಸ್ಕ್ರಿಪ್ಶನ್‌ಗಳು ಇದರ ಭಾಗ.
2GB ಅಥವಾ ಹೆಚ್ಚು ದೈನಂದಿನ ಪ್ಲಾನ್ ಬಳಸುತ್ತಿರುವ ಪ್ರಸ್ತುತ ಗ್ರಾಹಕರಿಗೆ ಈ ಲಾಭಗಳು ಸ್ವಯಂಚಾಲಿತವಾಗಿ ದೊರೆಯುತ್ತವೆ. ಆದರೆ ಕಡಿಮೆ ದರದ ಪ್ಲಾನ್‌ನಲ್ಲಿ ಇರುವವರು ₹100 ಹೆಚ್ಚುವರಿ ಪ್ಯಾಕ್ ಆಯ್ಕೆ ಮಾಡಿಕೊಂಡರೆ ಮಾತ್ರ ಈ ಸೌಲಭ್ಯ ಲಭ್ಯ.
ಇದಲ್ಲದೆ, ಕಂಪನಿಯು “ವಾರ್ಷಿಕೋತ್ಸವ ಆಫರ್” ಅಡಿ ನಿರಂತರವಾಗಿ 12 ತಿಂಗಳ ರೀಚಾರ್ಜ್ ಮಾಡುವವರಿಗೆ ಒಂದು ತಿಂಗಳ ಉಚಿತ ಬೋನಸ್ ರೀಚಾರ್ಜ್ ನೀಡುವುದಾಗಿ ಘೋಷಿಸಿದೆ.
ಹೊಸ JioHome ಗ್ರಾಹಕರಿಗೂ ವಿಶೇಷ ಪ್ಯಾಕೇಜ್ ಸಿಗಲಿದೆ. ₹1,200 ಮೌಲ್ಯದ ಈ ಪ್ಲಾನ್‌ನಲ್ಲಿ 2 ತಿಂಗಳ ಫ್ರೀ ಕನಕ್ಷನ್, 1000+ ಟಿವಿ ಚಾನೆಲ್‌ಗಳು, WiFi-6 ರೌಟರ್, 4K ಸೆಟ್ ಟಾಪ್ ಬಾಕ್ಸ್ ಹಾಗೂ 12+ OTT ಆಪ್‌ಗಳ ಸಬ್‌ಸ್ಕ್ರಿಪ್ಶನ್ ನೀಡಲಾಗುತ್ತಿದೆ.
ಜಿಯೋ ಅಧ್ಯಕ್ಷ ಆಕಾಶ್ ಅಂಬಾನಿ ಹೇಳುವಂತೆ, “ಜಿಯೋ ಭಾರತದ ಕೋಟ್ಯಾಂತರ ಜನರಿಗೆ ತಂತ್ರಜ್ಞಾನವನ್ನು ಸುಲಭ ಹಾಗೂ ಪರಿವರ್ತನಾತ್ಮಕವಾಗಿ ತಲುಪಿಸುವ ಧ್ಯೇಯದೊಂದಿಗೆ ಮುಂದುವರಿಯುತ್ತದೆ,” ಎಂದು ಭರವಸೆ ನೀಡಿದ್ದಾರೆ.
