500 ರೂಪಾಯಿ ನೋಟುಗಳು ರದ್ದಾಗುತ್ತಾ? ಸರ್ಕಾರದಿಂದ ಮಹತ್ವದ ಅಪ್‌ಡೇಟ್ - 500 Rupees Note

• 500 ರೂಪಾಯಿ ನೋಟು ರದ್ದು ಮಾಡಲಾಗುವುದಿಲ್ಲ ಎಂದು ಸರ್ಕಾರ ಸ್ಪಷ್ಟನೆ
• PIB ಸ್ಪಷ್ಟನೆ – ನಕಲಿ ಸುದ್ದಿ ನಂಬಬೇಡಿ, ನೋಟುಗಳು ಚಲಾವಣೆಯಲ್ಲಿವೆ

500 Rupees Note Update: 500 ರೂಪಾಯಿ ನೋಟುಗಳು ರದ್ದಾಗುತ್ತವೆಯಾ ಎಂಬ ಪ್ರಶ್ನೆ ಹರಿದಾಡುತ್ತಿರುವ ಸಂದರ್ಭದಲ್ಲಿ, ಕೇಂದ್ರ ಸರ್ಕಾರ ಕೊನೆಗೂ ಸ್ಪಷ್ಟನೆ ನೀಡಿದೆ. ವಾಟ್ಸಾಪ್‌ನಲ್ಲಿ ಹರಿದಾಡುತ್ತಿದ್ದ ಅಪಪ್ರಚಾರದ ಬಗ್ಗೆ ಸ್ಪಷ್ಟವಾಗಿ ಹೇಳಿದ್ದು, ಈ ನೋಟುಗಳು ಮಾರುಕಟ್ಟೆಯಲ್ಲಿ ಚಲಾವಣೆಯಲ್ಲಿಯೇ ಮುಂದುವರಿಯುತ್ತವೆ ಎಂದು ತಿಳಿಸಿದೆ.

ಹಾಲಿ ಕಾಲದಲ್ಲಿ ರೂ.2000 ನೋಟುಗಳು ಮಾರುಕಟ್ಟೆಯಿಂದ ಸಂಪೂರ್ಣವಾಗಿ ಹೊರಗಾಗಿರುವ ಕಾರಣ, ರೂ.500 ನೋಟುಗಳು ಪ್ರಮುಖ ನೋಟಾಗಿ ಪರಿಗಣಿಸಲಾಗುತ್ತಿದೆ. ಇದನ್ನೇ ಆಧರಿಸಿ ಕೆಲವರು ಸೆಪ್ಟೆಂಬರ್ 30 ರಿಂದ ATM ಗಳಲ್ಲಿ ಈ ನೋಟುಗಳು ಲಭ್ಯವಿರವುದಿಲ್ಲ ಎಂಬ ವದಂತಿ ಹರಡಿಸಿದ್ದರು.

ಇದನ್ನೂ ಓದಿ: ಗ್ಯಾಸ್ ಬೇಗ ಖಾಲಿಯಾಗುತ್ತಾ? ಹೆಚ್ಚು ದಿನ ಬರಲು ಈ ಸರಳ ಟಿಪ್ಸ್ ಫಾಲೋ ಮಾಡಿ

ಆದರೆ, ಈ ಬಗ್ಗೆ ಸ್ಪಷ್ಟನೆ ನೀಡಿದ ಆರ್ಥಿಕ ಸಚಿವಾಲಯದ ಸಹಾಯ ಸಚಿವ ಪಂಕಜ್ ಚೌದರಿ, ರಾಜ್ಯಸಭೆಗೆ ಲಿಖಿತ ಉತ್ತರದ ಮೂಲಕ ತಿಳಿಸಿದ್ದು, ಈ ನೋಟುಗಳನ್ನು ಮುದ್ರಣೆ ಸ್ಥಗಿತಗೊಳಿಸುವ ಯಾವ ಯೋಜನೆಯೂ ಸರ್ಕಾರದ ಬಳಿ ಇಲ್ಲವೆಂದಿದ್ದಾರೆ. ಜನರ ವಹಿವಾಟಿಗೆ ಬೇಕಾದ ಮೌಲ್ಯದ ನೋಟುಗಳನ್ನು ಮುದ್ರಿಸುವ ಬಗ್ಗೆ ನಿರ್ಧಾರವನ್ನು ಸರ್ಕಾರ ಹಾಗೂ RBI ಪರಸ್ಪರ ಸಲಹೆಯ ಮೂಲಕ ತೆಗೆದುಕೊಳ್ಳುತ್ತದೆ ಎಂದು ಹೇಳಿದ್ದಾರೆ.

ಅದರ ಜೊತೆಗೆ, RBI ಎಪ್ರಿಲ್ 28, 2025ರಂದು ಎಲ್ಲಾ ಬ್ಯಾಂಕ್‌ಗಳಿಗೆ ಹಾಗೂ ವೈಟ್ ಲೇಬಲ್ ATM ಸಂಸ್ಥೆಗಳಿಗೆ, ATMಗಳಲ್ಲಿ ರೂ.100 ಮತ್ತು ರೂ.200 ನೋಟುಗಳ ಲಭ್ಯತೆ ಹೆಚ್ಚಿಸಬೇಕೆಂದು ಸೂಚನೆ ನೀಡಿದೆ. ಸೆಪ್ಟೆಂಬರ್ 30, 2025ರೊಳಗೆ ಕನಿಷ್ಠ 75% ATMಗಳಲ್ಲಿ ಈ ನೋಟುಗಳು ಇರಬೇಕೆಂಬುದೂ ಸ್ಪಷ್ಟವಾಗಿದೆ. ಈ ಗುರಿ ಮಾರ್ಚ್ 31, 2026ರೊಳಗೆ 90% ATMಗಳಿಗೆ ವಿಸ್ತರಿಸಲಾಗುತ್ತದೆ.

ಇದನ್ನೂ ಓದಿ: ಸರ್ಕಾರಿ ಭೂಮಿಯಲ್ಲಿ ಹಲವು ವರ್ಷದಿಂದ ವಾಸವಿದ್ದರೆ ಆ ಭೂಮಿ ನಿಮ್ಮದಾಗುತ್ತಾ?

ಇದನ್ನೂ ಓದಿ: ರೈತರಿಗೆ ಸಿಹಿಸುದ್ದಿ! ವರ್ಷಕ್ಕೆ ₹36,000 ಸಿಗುತ್ತೆ, ಒಂದು ರೂಪಾಯಿ ವಾಪಸ್ ಕಟ್ಟಬೇಕಿಲ್ಲ

ಅದೇ ವೇಳೆ, PIB ಫ್ಯಾಕ್ಟ್ ಚೆಕ್ ಘಟಕವು ಸ್ಪಷ್ಟವಾಗಿ ಹೇಳಿದ್ದು, ರೂ.500 ನೋಟುಗಳ ಕುರಿತಾದ ವದಂತಿಗಳು ಸಂಪೂರ್ಣ ಸುಳ್ಳು, RBI ಇಂತಹ ಯಾವ ಆದೇಶವನ್ನೂ ಹೊರಡಿಸಿಲ್ಲ. ಜನರು ಈ ರೀತಿಯ ಸಂದೇಶಗಳನ್ನು ನಂಬದೆ, ಆರ್ಥಿಕ ಸಂಬಂಧಿತ ಮಾಹಿತಿಗಾಗಿ ಅಧಿಕೃತ ಮೂಲಗಳಿಂದ ಮಾತ್ರ ದೃಢೀಕರಿಸಬೇಕೆಂದು ಕರೆ ನೀಡಿದೆ.

ಇತ್ತೀಚೆಗಷ್ಟೆ ನಕಲಿ ರೂ.500 ನೋಟುಗಳ ಪ್ರಕರಣ ವರದಿಯಾಗಿದ್ದು, ಕೆಲವು ದುಷ್ಕರ್ಮಿಗಳು ಈ ನೋಟುಗಳನ್ನು ಹಬ್ಬಿಸುತ್ತಿದ್ದಂತೆ ಪೊಲೀಸರು ಬಂಧಿಸಿದ್ದರು. ಈ ಹಿನ್ನೆಲೆಯಲ್ಲಿ ನಕಲಿ ನೋಟುಗಳ ಬಗ್ಗೆ ಎಚ್ಚರಿಕೆ ಇಡುವುದು ಅನಿವಾರ್ಯ.

ಇದನ್ನೂ ಓದಿ: ಈ ಪೋಸ್ಟ್ ಆಫೀಸ್ ಸ್ಕೀಮ್‌ನಲ್ಲಿ ಗಂಡ-ಹೆಂಡತಿಗೆ ಸಿಗುತ್ತೆ 11,000 ಖಚಿತ ಆದಾಯ

ಯಾವುದೇ ಗೊಂದಲ ಇಲ್ಲದೆ ಜನರು ರೂ.500 ನೋಟುಗಳನ್ನು ವಹಿವಾಟಿನಲ್ಲಿ ಬಳಸಬಹುದು, ಅದು ಚಲಾವಣೆಯಲ್ಲಿದೆ ಎಂಬ ಸ್ಪಷ್ಟನೆ ಈಗ ಸರ್ಕಾರದಿಂದಲೇ ಬಂದಿದೆ.

ನಿತ್ಯದ ಅಪ್‌ಡೇಟ್ಸ್‌ಗಾಗಿ ಯಾವಾಗಲೂ Kannada News Today ತಪ್ಪದೆ ವೀಕ್ಷಿಸಿ.

Rs 500 Notes Are Still Valid, Says Government

English Summary▼

The Indian government has clarified that ₹500 notes will continue as legal tender and there's no plan to ban or stop their circulation. The clarification came after fake WhatsApp forwards claimed otherwise. PIB's fact check unit confirmed RBI has issued no such directive, urging people to rely only on official sources.