ರೈತರ ಖಾತೆಗೆ ₹2,000! ಮೋದಿಜಿ ಘೋಷಣೆಯಿಂದ ಪಿಎಂ ಕಿಸಾನ್ ಕಂತು ಸಿದ್ಧ
ಪ್ರಧಾನಮಂತ್ರಿ ಕಿಸಾನ್ ಯೋಜನೆಯ 20ನೇ ಕಂತಿನ ₹2,000 ಸಹಾಯಧನವನ್ನು ರೈತರ ಖಾತೆಗೆ ಜಮಾ ಮಾಡುವ ಪ್ರಕ್ರಿಯೆ ಶುರುವಾಗಿದೆ. ಎಲ್ಲಾ ದಾಖಲೆ ಸರಿಯಾಗಿದ್ದರೆ ಹಣ ಜಮಾ ಆಗುತ್ತದೆ.
- ಜೂನ್ ಅಂತ್ಯ ಅಥವಾ ಜುಲೈ ಮೊದಲ ವಾರದಲ್ಲಿ ಹಣ ಜಮಾ ಸಾಧ್ಯತೆ
- ಇ-ಕೆವೈಸಿ ಮತ್ತು ಬ್ಯಾಂಕ್ ಖಾತೆ NPCI ಮ್ಯಾಪಿಂಗ್ ಅಗತ್ಯ
- pmkisan.gov.in ಮೂಲಕ ಕಂತು ಸ್ಥಿತಿಯನ್ನು ಪರಿಶೀಲಿಸಬಹುದು
ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ (PM-KISAN) 20ನೇ ಕಂತಿನ ₹2,000 ಸಹಾಯಧನವನ್ನು ಕೇಂದ್ರ ಸರ್ಕಾರ ರೈತರ ಖಾತೆಗೆ ನೇರವಾಗಿ ಜಮಾ ಮಾಡಲು ತಯಾರಿ ನಡೆಸುತ್ತಿದೆ.
ಈ ಮೊತ್ತವನ್ನು ಜೂನ್ ತಿಂಗಳ ಕೊನೆಯ ವಾರದಿಂದ ಜುಲೈ ಮೊದಲ ವಾರದೊಳಗೆ ಬ್ಯಾಂಕ್ ಖಾತೆಗಳಲ್ಲಿ ಕ್ರೆಡಿಟ್ ಮಾಡುವ ಸಾಧ್ಯತೆ ಇದೆ.
ಇದನ್ನೂ ಓದಿ: ಅನ್ನದಾತ ರೈತರಿಗೆ 3 ಲಕ್ಷದ ಯೋಜನೆ, ಪ್ರಧಾನಿ ಮೋದಿಜಿಯಿಂದ ಬಂಪರ್ ಸುದ್ದಿ
ಇ-ಕೆವೈಸಿ, ಆಧಾರ್ ಲಿಂಕ್ ಮಾಡಿರುವವರಿಗೆ ಆದ್ಯತೆ
20ನೇ ಕಂತು ಪಡೆಯಲು ಕೆಲವು ಅರ್ಹತಾ ಮಾನದಂಡಗಳನ್ನು ರೈತರು ಪೂರೈಸಬೇಕು. ಮುಖ್ಯವಾಗಿ, ಇ-ಕೆವೈಸಿ (e-KYC) ಪ್ರಕ್ರಿಯೆ ಪೂರ್ಣಗೊಂಡಿರಬೇಕು, ಬ್ಯಾಂಕ್ ಖಾತೆ ಆಧಾರ್ ಲಿಂಕ್ ಆಗಿದ್ದು NPCI ಮ್ಯಾಪ್ ಆಗಿರಬೇಕು.
ಜೊತೆಗೆ ಅರ್ಜಿಯಲ್ಲಿರುವ ಜಮೀನು (Agriculture Property) ವಿವರಗಳು ಸರಿಯಾಗಿರಬೇಕು. ಈ ಅಂಶಗಳನ್ನು ಅನುಸರಿಸಿದರೆ ರೈತರು ಯಾವುದೇ ಜಟಿಲತೆ ಇಲ್ಲದೆ ಹಣವನ್ನು ಪಡೆಯಬಹುದು.
PM-KISAN ಯೋಜನೆಯಡಿಯಲ್ಲಿ ಸರ್ಕಾರವು ತಲಾ ₹2,000ರಂತೆ ವರ್ಷಕ್ಕೆ ಮೂರು ಕಂತುಗಳಲ್ಲಿ ₹6,000 ನಗದು ನೆರವನ್ನಾಗಿ ರೈತರ ಖಾತೆಗೆ ವರ್ಗಾಯಿಸುತ್ತದೆ (Direct Benefit Transfer).
ಮೊದಲ ಕಂತು: ಏಪ್ರಿಲ್-ಜುಲೈ, ಎರಡನೇ ಕಂತು: ಆಗಸ್ಟ್-ನವೆಂಬರ್, ಮೂರನೇ ಕಂತು: ಡಿಸೆಂಬರ್-ಮಾರ್ಚ್ ಎಂಬಂತೆ ಹಣ ಹಂಚಿಕೆ ನಡೆಯುತ್ತದೆ.
ಇದನ್ನೂ ಓದಿ: ಜುಲೈ ತಿಂಗಳಿಂದ ಇಂತಹವರ ರೇಷನ್ ಕಾರ್ಡ್ ರದ್ದು, ರೇಷನ್ ಕೂಡ ಸಿಗೋಲ್ಲ!
ರೈತರು ತಮ್ಮ ಮೊಬೈಲ್ ಅಥವಾ ಕಂಪ್ಯೂಟರ್‌ ಮೂಲಕ ಹಣದ ಸ್ಥಿತಿಯನ್ನು ನೇರವಾಗಿ ಪರಿಶೀಲಿಸಬಹುದಾಗಿದೆ. ಅದಕ್ಕಾಗಿ pmkisan.gov.in ವೆಬ್‌ಸೈಟ್‌ಗೆ ತೆರಳಿ, ‘Beneficiary Status’ ವಿಭಾಗದಲ್ಲಿ ತಮ್ಮ ರಿಜಿಸ್ಟ್ರೇಷನ್ ಸಂಖ್ಯೆ, ಕ್ಯಾಪ್ಚಾ ಕೋಡ್ ಮತ್ತು OTP ನಮೂದಿಸಿ, “Latest Installments Details” ಎಂಬ ವಿಭಾಗದಲ್ಲಿ ಪ್ರತಿ ಕಂತಿನ ಸ್ಥಿತಿ ತೋರಿಸುತ್ತದೆ.
ಹಣ ಲಭ್ಯವಾಗದಿದ್ದರೆ ಅಥವಾ ತಾಂತ್ರಿಕ ತೊಂದರೆ ಇದ್ದರೆ, ರೈತರು ಸ್ಥಳೀಯ ಕೃಷಿ ಇಲಾಖೆ ಕಚೇರಿಗೆ ಅಥವಾ ರೈತ ಸಂಪರ್ಕ ಕೇಂದ್ರಕ್ಕೆ ಭೇಟಿ ನೀಡಿ ತಮ್ಮ ಅರ್ಜಿ ಸ್ಥಿತಿ, ಡಾಕ್ಯುಮೆಂಟ್ ಸಮಸ್ಯೆ ಅಥವಾ ಬ್ಯಾಂಕ್ ಲಿಂಕ್ ವಿಷಯದಲ್ಲಿ ಸ್ಪಷ್ಟತೆ ಪಡೆಯಬಹುದು.
ಇದನ್ನೂ ಓದಿ: ಜನನ ಪ್ರಮಾಣಪತ್ರ ನಿಯಮ ಭಾರೀ ಬದಲಾವಣೆ! ಇನ್ಮುಂದೆ ಹೊಸ ನಿಯಮ
ಹಿಂದಿನ ದಾಖಲೆ ಇದ್ದರೆ ಮತ್ತೆ ಅಪ್‌ಲೋಡ್ ಬೇಡ
ಹೀಗೆಯೇ, 19ನೇ ಕಂತಿನ ಹಣವನ್ನು ಈಗಾಗಲೇ ಪಡೆದಿದ್ದ ರೈತರಿಗೆ ಹೆಚ್ಚಿನ ದಾಖಲೆ ನೀಡಬೇಕಾಗಿಲ್ಲ. ಮುಂಚಿತದಲ್ಲೇ ಎಲ್ಲ ತಾಂತ್ರಿಕ ಅಂಶಗಳು ಸರಿಯಾಗಿದ್ದರೆ, ಈ ಬಾರಿ ಯಾವುದೇ ತೊಂದರೆ ಇಲ್ಲದೆ ಹಣ ಜಮಾ ಆಗುವ ನಿರೀಕ್ಷೆ ಇದೆ (PM-Kisan 20th Installment Update).
PM-Kisan 20th Installment Soon in Farmers Accounts
