Recharge Plans: ಕಮ್ಮಿ ಬೆಲೆಗೆ 365 ದಿನ ವ್ಯಾಲಿಡಿಟಿಯ ಜಿಯೋ, ಏರ್‌ಟೆಲ್ ರೀಚಾರ್ಜ್ ಪ್ಲಾನ್‌ಗಳು

• 365 ದಿನ ವ್ಯಾಲಿಡಿಟಿಯ ರೀಚಾರ್ಜ್ ಪ್ಲಾನ್‌ಗಳು
• ಪ್ರೀಪೇಯ್ಡ್ ಪ್ಲಾನ್‌ಗಳು, ವರ್ಷಪೂರ್ತಿ ಸೌಲಭ್ಯ
• ರೀಚಾರ್ಜ್ ಪ್ಲಾನ್ ನಲ್ಲಿ ಡೇಟಾ, ಕರೆ, SMS ಕೂಡ

Recharge Plans: ಪ್ರತಿ ತಿಂಗಳು ಮೊಬೈಲ್ ರೀಚಾರ್ಜ್ ಮಾಡುವ ಕಿರಿಕಿರಿಯಿಂದ ತಪ್ಪಿಸಿಕೊಳ್ಳಲು 365 ದಿನಗಳ ವ್ಯಾಲಿಡಿಟಿಯ ಪ್ರೀಪೇಯ್ಡ್ ಪ್ಲಾನ್‌ಗಳು (Prepaid Plans) ಗ್ರಾಹಕರ ಗಮನ ಸೆಳೆಯುತ್ತಿವೆ.

ಹೊಸ ವರ್ಷದ ಆರಂಭದಲ್ಲಿ ಟೆಲಿಕಾಂ ಕಂಪನಿಗಳು ವರ್ಷಪೂರ್ತಿ ಮಾನ್ಯತೆ ಇರುವ ಹಲವು ಪ್ಲಾನ್‌ಗಳನ್ನು ನೀಡುತ್ತಿದ್ದು, ದರ ಹಾಗೂ ಸೌಲಭ್ಯಗಳ ಆಧಾರದಲ್ಲಿ ಗ್ರಾಹಕರು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ.

ಬಿಎಸ್‌ಎನ್‌ಎಲ್ ಪ್ಲಾನ್‌ಗಳು

BSNL ಗ್ರಾಹಕರಿಗೆ ಕಡಿಮೆ ದರದಲ್ಲಿ 365 ದಿನಗಳ ಪ್ಲಾನ್‌ಗಳನ್ನು ನೀಡುತ್ತಿದೆ.
₹2399 ಪ್ಲಾನ್‌ನಲ್ಲಿ ವರ್ಷಪೂರ್ತಿ ಅನಿಯಮಿತ ಕರೆ, ದಿನಕ್ಕೆ 100 SMS ಮತ್ತು ದಿನಕ್ಕೆ 2.5GB ಡೇಟಾ ಸಿಗುತ್ತದೆ.
ಇನ್ನೊಂದು ₹2799 ಪ್ಲಾನ್‌ನಲ್ಲಿ ದಿನಕ್ಕೆ 3GB ಡೇಟಾ ನೀಡಲಾಗುತ್ತಿದ್ದು, ದೀರ್ಘಾವಧಿ ಬಳಕೆದಾರರಿಗೆ ಇದು ಅನುಕೂಲಕರ ಎಂದು ಹೇಳಲಾಗುತ್ತಿದೆ.

ಜಿಯೋ 5G ಪ್ಲಾನ್‌ಗಳ ಆಯ್ಕೆ

Jio ವರ್ಷಪೂರ್ತಿ ವ್ಯಾಲಿಡಿಟಿಯೊಂದಿಗೆ 5G ಡೇಟಾ ಸೌಲಭ್ಯವಿರುವ ಪ್ಲಾನ್‌ಗಳನ್ನು ನೀಡುತ್ತಿದೆ.
₹3599 ಮತ್ತು ₹3999 ಪ್ಲಾನ್‌ಗಳಲ್ಲಿ ಅನಿಯಮಿತ ಕರೆ, ದಿನಕ್ಕೆ 2.5GB ಡೇಟಾ, 100 SMS ಜೊತೆಗೆ 5G ಅನಿಯಮಿತ ಡೇಟಾ ಸಿಗುತ್ತದೆ. ಕೆಲವು ಪ್ಲಾನ್‌ಗಳಲ್ಲಿ OTT ಸಬ್‌ಸ್ಕ್ರಿಪ್ಷನ್‌ಗಳೂ ಸೇರಿವೆ.

ಏರ್‌ಟೆಲ್ ಪ್ಲಾನ್‌ಗಳು

Airtel 365 ದಿನಗಳ ವ್ಯಾಲಿಡಿಟಿಯೊಂದಿಗೆ ವಿವಿಧ ಆಯ್ಕೆಗಳನ್ನು ನೀಡಿದೆ.
₹1849 ಪ್ಲಾನ್ ಕರೆ ಮತ್ತು SMS ಮಾತ್ರಕ್ಕೆ ಸೂಕ್ತ.
₹2249 ಪ್ಲಾನ್‌ನಲ್ಲಿ 30GB ಡೇಟಾ,
₹3599 ಮತ್ತು ₹3999 ಪ್ಲಾನ್‌ಗಳಲ್ಲಿ ದಿನಕ್ಕೆ 2GB–2.5GB ಡೇಟಾ ಜೊತೆಗೆ 5G ಸೌಲಭ್ಯ, OTT ಮತ್ತು ಇತರೆ ಹೆಚ್ಚುವರಿ ಪ್ರಯೋಜನಗಳು ಲಭ್ಯ.

Vi ಪ್ಲಾನ್‌ಗಳಲ್ಲಿ ಹೆಚ್ಚಿನ ಆಯ್ಕೆ

Vodafone Idea (Vi) ಕೂಡ ಪ್ಲಾನ್‌ಗಳಲ್ಲಿ ಹಲವು ಆಯ್ಕೆಗಳನ್ನು ನೀಡಿದೆ.
₹2249 ಪ್ಲಾನ್ ಕಡಿಮೆ ಡೇಟಾ ಬಳಕೆದಾರರಿಗೆ ಸೂಕ್ತವಾಗಿದ್ದರೆ,
₹3499 ರಿಂದ ₹4999 ವರೆಗಿನ ಪ್ಲಾನ್‌ಗಳಲ್ಲಿ ದಿನಕ್ಕೆ 1.5GB ರಿಂದ 2GB ಡೇಟಾ, 5G ಸೌಲಭ್ಯ, OTT ಸಬ್‌ಸ್ಕ್ರಿಪ್ಷನ್ ಮತ್ತು ಹೆಚ್ಚುವರಿ ಡೇಟಾ ಆಫರ್‌ಗಳು ಸೇರಿವೆ.

ಯಾವ ಪ್ಲಾನ್ ನಿಮಗೆ ಸರಿಹೊಂದುತ್ತದೆ?

ವಾರ್ಷಿಕ ಪ್ಲಾನ್ ಆಯ್ಕೆ ಮಾಡುವಾಗ ನಿಮ್ಮ ಡೇಟಾ ಬಳಕೆ, ಕರೆ ಅವಶ್ಯಕತೆ ಮತ್ತು OTT ಆಸಕ್ತಿಯನ್ನು ಗಮನದಲ್ಲಿಟ್ಟುಕೊಳ್ಳುವುದು ಉತ್ತಮ. ಹೆಚ್ಚು ಡೇಟಾ ಬೇಕಾದವರು 5G ಪ್ಲಾನ್‌ಗಳತ್ತ ಗಮನ ಹರಿಸುತ್ತಿದ್ದರೆ, ಕಡಿಮೆ ಬಳಕೆದಾರರಿಗೆ ಕರೆ-ಮಾತ್ರ ಪ್ಲಾನ್‌ಗಳು ಸಾಕಾಗುತ್ತವೆ.