Recharge Plan: ಕೇವಲ 7 ರೂಪಾಯಿಗೆ 2.6GB ದೈನಂದಿನ ಡೇಟಾ ಮತ್ತು ಅನಿಯಮಿತ ಕರೆಗಳು
BSNL Recharge Plan: 77ನೇ ಗಣರಾಜ್ಯೋತ್ಸವದ ಪ್ರಯುಕ್ತ BSNL ಗ್ರಾಹಕರಿಗೆ ವರ್ಷಪೂರ್ತಿ ಮಾನ್ಯತೆಯ ಹೊಸ ರೀಚಾರ್ಜ್ ಪ್ಲಾನ್ ಪರಿಚಯಿಸಿದೆ. ಕಡಿಮೆ ವೆಚ್ಚ, ಹೆಚ್ಚು ಡೇಟಾ, ಅನಿಯಮಿತ ಕರೆಗಳೇ ಈ ಪ್ಲಾನ್‌ನ ವಿಶೇಷತೆ.
- BSNL ಹೊಸ ಪ್ಲಾನ್‌ನಲ್ಲಿ ದಿನಕ್ಕೆ 2.6GB ಡೇಟಾ ಸೌಲಭ್ಯ
- ಭಾರತ್ ಕನೆಕ್ಟ್ 26 ಮೂಲಕ ಅನಿಯಮಿತ ಕಾಲಿಂಗ್ ಲಾಭ
- ಬಿಎಸ್ಎನ್ಎಲ್ ವಾರ್ಷಿಕ ವ್ಯಾಲಿಡಿಟಿ ಪ್ಲಾನ್ ಕಡಿಮೆ ದರದಲ್ಲಿ
BSNL Recharge Plan: ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಸಂಸ್ಥೆ BSNL ತನ್ನ ಗ್ರಾಹಕರಿಗೆ ಮತ್ತೊಂದು ಆಕರ್ಷಕ ಆಫರ್ ನೀಡಿದೆ. 77ನೇ ಗಣರಾಜ್ಯೋತ್ಸವದ ಅಂಗವಾಗಿ, ದೀರ್ಘಕಾಲದ ರೀಚಾರ್ಜ್ ಹುಡುಕುತ್ತಿರುವ ಬಳಕೆದಾರರನ್ನು ಗಮನದಲ್ಲಿಟ್ಟು, ಹೊಸ ಪ್ರೀಪೇಯ್ಡ್ ಪ್ಲಾನ್ ಅನ್ನು ಪರಿಚಯಿಸಿದೆ.
ಕಡಿಮೆ ವೆಚ್ಚದಲ್ಲಿ ವರ್ಷಪೂರ್ತಿ ಟೆನ್ಶನ್ ಇಲ್ಲದೆ ಸಂಪರ್ಕ ಉಳಿಸಿಕೊಳ್ಳಬಹುದು ಎಂಬುದೇ ಈ ಪ್ಲಾನ್‌ನ ಮುಖ್ಯ ಉದ್ದೇಶ.
ಸಾಮಾಜಿಕ ಮಾಧ್ಯಮದ ಮೂಲಕ ಘೋಷಣೆ
ಈ ವಿಶೇಷ ರಿಪಬ್ಲಿಕ್ ಡೇ ಪ್ಲಾನ್ ಕುರಿತು BSNL ತನ್ನ ಅಧಿಕೃತ X ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದೆ. ವರ್ಷಪೂರ್ತಿ ಮರುಮರು ರೀಚಾರ್ಜ್ ಮಾಡುವ ಜಂಜಾಟ ತಪ್ಪಿಸಿಕೊಳ್ಳಲು ಬಯಸುವ ಗ್ರಾಹಕರಿಗೆ ಈ ಪ್ಲಾನ್ ಸೂಕ್ತ ಎಂದು ಕಂಪನಿ ಹೇಳಿದೆ.
ಭಾರತ್ ಕನೆಕ್ಟ್ 26 ಪ್ಲಾನ್ ವಿವರ
BSNL ‘ಭಾರತ್ ಕನೆಕ್ಟ್ 26’ ಹೆಸರಿನ ಈ ಹೊಸ ಪ್ಲಾನ್‌ನ್ನು ₹2,626 ದರದಲ್ಲಿ ನೀಡುತ್ತಿದೆ. ಈ ಪ್ಲಾನ್‌ನಲ್ಲಿರುವ ಪ್ರಮುಖ ಆಕರ್ಷಣೆ ಎಂದರೆ ದಿನಕ್ಕೆ 2.6GB ಡೇಟಾ. ಬಹುತೇಕ ಖಾಸಗಿ ಟೆಲಿಕಾಂ ಕಂಪನಿಗಳು ದಿನಕ್ಕೆ 2.5GB ಡೇಟಾ ನೀಡುತ್ತಿರುವಾಗ, BSNL ಅದಕ್ಕಿಂತ ಸ್ವಲ್ಪ ಹೆಚ್ಚು ಡೇಟಾ ನೀಡುತ್ತಿದೆ. ಜೊತೆಗೆ ಅನಿಯಮಿತ ವಾಯ್ಸ್ ಕಾಲಿಂಗ್ ಹಾಗೂ ದಿನಕ್ಕೆ 100 SMS ಸೌಲಭ್ಯವೂ ಒಳಗೊಂಡಿದೆ.
ಪ್ಲಾನ್ ಲಭ್ಯತೆಯ ಅವಧಿ
BSNL ಮಾಹಿತಿ ಪ್ರಕಾರ, ಈ ವಿಶೇಷ ಆಫರ್ ಜನವರಿ 24ರಿಂದ ಫೆಬ್ರವರಿ 24, 2026ರವರೆಗೆ ಮಾತ್ರ ಲಭ್ಯವಿರುತ್ತದೆ. ಅಂದರೆ ಗ್ರಾಹಕರಿಗೆ ಸುಮಾರು ಒಂದು ತಿಂಗಳ ಕಾಲ ಈ ಪ್ಲಾನ್ ಪಡೆಯುವ ಅವಕಾಶ ಇದೆ.
ಈ ಅವಧಿ ಮುಗಿದ ಬಳಿಕ ಪ್ಲಾನ್ ಹಿಂತೆಗೆದುಕೊಳ್ಳುವ ಸಾಧ್ಯತೆ ಇದೆ. ಈ ಹೊಸ ಪ್ಲಾನ್‌ನೊಂದಿಗೆ BSNL ಈಗ 365 ದಿನಗಳ ಪೂರ್ಣ ಮಾನ್ಯತೆಯ ಮೂರು ಪ್ರೀಪೇಯ್ಡ್ ಪ್ಲಾನ್‌ಗಳನ್ನು ಹೊಂದಿದೆ.
ಇತರ ಕಂಪನಿಗಳ ಪ್ಲಾನ್‌ಗಳೊಂದಿಗೆ ಹೋಲಿಕೆ
ಖಾಸಗಿ ಟೆಲಿಕಾಂ ಸಂಸ್ಥೆ ಜಿಯೋ ಈಗಾಗಲೇ ₹3,599 ಮತ್ತು ₹3,999 ಬೆಲೆಯ ವಾರ್ಷಿಕ ಪ್ಲಾನ್‌ಗಳನ್ನು ನೀಡುತ್ತಿದೆ. ಅವುಗಳಲ್ಲಿ 5G ಡೇಟಾ, ಹೆಚ್ಚುವರಿ ಸಬ್‌ಸ್ಕ್ರಿಪ್ಷನ್‌ಗಳಂತಹ ಲಾಭಗಳಿವೆ. ಆದರೆ ಕಡಿಮೆ ದರದಲ್ಲಿ ವರ್ಷಪೂರ್ತಿ ಡೇಟಾ ಮತ್ತು ಕಾಲಿಂಗ್ ಬೇಕು ಎನ್ನುವವರಿಗೆ BSNL ಪ್ಲಾನ್ ಹೆಚ್ಚು ಅನುಕೂಲಕರ ಆಯ್ಕೆಯಾಗಿ ಕಾಣುತ್ತಿದೆ.
