ಇನ್ಮುಂದೆ SIM Card ಇಲ್ಲದೆ WhatsApp, Telegram ಬಳಸಲು ಸಾಧ್ಯವಿಲ್ಲ! ಹೊಸ ರೂಲ್ಸ್
ಡಿಜಿಟಲ್ ವಂಚನೆ ಹೆಚ್ಚುತ್ತಿರುವ ಹಿನ್ನೆಲೆ SIM Binding ನಿಯಮ ಜಾರಿಗೆ ಸರ್ಕಾರ ಮುಂದಾಗಿದೆ. ಆದರೆ ತಾಂತ್ರಿಕ ಸಮಸ್ಯೆಗಳ ಕಾರಣದಿಂದ WhatsApp, Telegram, Signal ಆಪ್ಗಳಿಗೆ ಸಂಬಂಧಿಸಿದ ಈ ನಿಯಮದ ಗಡುವು ವಿಸ್ತರಿಸುವ ಸಾಧ್ಯತೆ ಇದೆ.
ಇತ್ತೀಚಿನ ದಿನಗಳಲ್ಲಿ ಡಿಜಿಟಲ್ ವಂಚನೆ, ನಕಲಿ ಖಾತೆಗಳು ಮತ್ತು ಸೈಬರ್ ಅಪರಾಧಗಳು ಹೆಚ್ಚುತ್ತಿರುವ ಹಿನ್ನೆಲೆ ಸರ್ಕಾರ ಹಲವು ಹೊಸ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಇದೇ ಹಿನ್ನೆಲೆಯಲ್ಲಿ WhatsApp, Telegram ಮೆಸೇಜಿಂಗ್ ಆಪ್ಗಳಿಗೆ SIM Binding ನಿಯಮ ಜಾರಿಗೆ ತರಲು ಸರ್ಕಾರ ಯೋಚಿಸಿದೆ.
ಈ ನಿಯಮದ ಪ್ರಕಾರ, ಯಾವುದೇ ಬಳಕೆದಾರರು ಯಾವ ಮೊಬೈಲ್ ಸಂಖ್ಯೆಯಿಂದ ತಮ್ಮ WhatsApp ಅಥವಾ Telegram ಖಾತೆ ತೆರೆಯುತ್ತಾರೆವೋ, ಅದೇ SIM ಕಾರ್ಡ್ ಆ ಫೋನ್ನಲ್ಲೇ ಇರಬೇಕು. SIM ತೆಗೆದು ಹಾಕಿದರೆ ಅಥವಾ ಬೇರೆ SIM ಹಾಕಿದರೆ ಆ ಖಾತೆಯ ಬಳಕೆ ನಿರ್ಬಂಧವಾಗುವ ಸಾಧ್ಯತೆ ಇದೆ.
ಈ ನಿಯಮ ಹೇಗೆ ಕೆಲಸ ಮಾಡುತ್ತದೆ?
SIM Binding ವ್ಯವಸ್ಥೆಯಲ್ಲಿ ಮೆಸೇಜಿಂಗ್ ಆಪ್ಗಳು ಬಳಕೆದಾರರ ಮೊಬೈಲ್ನಲ್ಲಿ ಇರುವ SIM ಕಾರ್ಡ್ಗೆ ನೇರವಾಗಿ ಲಿಂಕ್ ಆಗಿರುತ್ತವೆ. ಅಂದರೆ ನೀವು ಖಾತೆ ತೆರೆಯುವಾಗ ಬಳಸಿದ ಮೊಬೈಲ್ ನಂಬರ್ ಫೋನ್ನಲ್ಲಿ ಸಕ್ರಿಯವಾಗಿರಬೇಕು.
ಒಮ್ಮೆ ಆ SIM ಕಾರ್ಡ್ ತೆಗೆದುಹಾಕಿದರೆ ಅಥವಾ ನಂಬರ್ ಬದಲಿಸಿದರೆ ಆಪ್ಗೆ ಪ್ರವೇಶ ಸಿಗದಿರುವ ಸಾಧ್ಯತೆ ಇದೆ. ಇದರಿಂದ ಪ್ರತಿಯೊಂದು ಖಾತೆಯೂ ನಿಜವಾದ ಮತ್ತು ಸಕ್ರಿಯ ಮೊಬೈಲ್ ಸಂಖ್ಯೆಗೆ ಜೋಡಣೆ ಆಗಿರುವುದು ಖಚಿತವಾಗುತ್ತದೆ.
ಗಡುವು ವಿಸ್ತರಣೆಯ ಬಗ್ಗೆ ಚರ್ಚೆ
ಈ ನಿಯಮವನ್ನು ಜಾರಿಗೆ ತರಲು ಸರ್ಕಾರ ಟೆಕ್ ಕಂಪನಿಗಳಿಗೆ ನಿರ್ದಿಷ್ಟ ಸಮಯ ಗಡುವು ನೀಡಿತ್ತು. ಆದರೆ WhatsApp, Telegram ಕಂಪನಿಗಳು ಈ ವ್ಯವಸ್ಥೆ ರೂಪಿಸಲು ಇನ್ನಷ್ಟು ತಾಂತ್ರಿಕ ಸಿದ್ಧತೆ ಬೇಕು ಎಂದು ತಿಳಿಸಿವೆ.
ಈ ಕಾರಣದಿಂದ ಸರ್ಕಾರ SIM Binding ನಿಯಮದ ಗಡುವನ್ನು ಮುಂದೂಡುವ ಬಗ್ಗೆ ಪರಿಗಣಿಸುತ್ತಿದೆ ಎಂಬ ಮಾಹಿತಿ ಹೊರಬಂದಿದೆ. ಇದರಿಂದ ಕಂಪನಿಗಳಿಗೆ ಸಿಸ್ಟಮ್ ಅಭಿವೃದ್ಧಿಗೆ ಹೆಚ್ಚಿನ ಸಮಯ ಸಿಗುವ ಸಾಧ್ಯತೆ ಇದೆ.
ಯಾಕೆ ಅಗತ್ಯವಾಯಿತು ಈ ನಿಯಮ?
ಇತ್ತೀಚೆಗೆ ಸೈಬರ್ ಅಪರಾಧಗಳು ಹಾಗೂ ನಕಲಿ WhatsApp ಖಾತೆಗಳ ಬಳಕೆ ಹೆಚ್ಚಾಗಿದೆ. ಹಲವರು ಸಕ್ರಿಯ SIM ಇಲ್ಲದೆ ಕೂಡ ಮೆಸೇಜಿಂಗ್ ಆಪ್ಗಳನ್ನು ಬಳಸುತ್ತಿದ್ದಾರೆ. ಇದರಿಂದ ಅವರ ಗುರುತು ಪತ್ತೆ ಮಾಡುವುದು ಕಷ್ಟವಾಗುತ್ತದೆ.
SIM Binding ನಿಯಮ ಜಾರಿಯಾದರೆ ಪ್ರತಿಯೊಂದು ಖಾತೆಯೂ ನಿಜವಾದ ಮೊಬೈಲ್ ಸಂಖ್ಯೆಗೆ ಕಡ್ಡಾಯವಾಗಿ ಜೋಡಣೆ ಆಗುತ್ತದೆ. ಇದರಿಂದ ಆನ್ಲೈನ್ ವಂಚನೆ ಕಡಿಮೆಯಾಗುವ ಸಾಧ್ಯತೆ ಇದೆ ಎಂದು ತಜ್ಞರು ಹೇಳುತ್ತಾರೆ.
