iPhone 18 Pro: ಐಫೋನ್ 18 ಪ್ರೊ ವೈಶಿಷ್ಟ್ಯಗಳು ಸೋರಿಕೆ, ಕ್ಯಾಮೆರಾ ಹೇಗಿರುತ್ತದೆ ಗೊತ್ತಾ?
iPhone 18 Pro Features: ಆಪಲ್‌ನ ಮುಂದಿನ ಫ್ಲಾಗ್‌ಶಿಪ್‌ ಐಫೋನ್ 18 ಪ್ರೋ ಕುರಿತು ಲೀಕ್‌ಗಳು ಹೆಚ್ಚಾಗುತ್ತಿದ್ದು, ಹೊಸ A20 ಪ್ರೋ ಚಿಪ್‌, ಅಪ್ಗ್ರೇಡ್ ಕ್ಯಾಮೆರಾ ಹಾಗೂ AI ಆಧಾರಿತ ವೈಶಿಷ್ಟ್ಯಗಳು ಗಮನ ಸೆಳೆಯುತ್ತಿವೆ.
- ಐಫೋನ್ 18 ಪ್ರೋನಲ್ಲಿ A20 ಪ್ರೋ ಚಿಪ್‌ಸೆಟ್‌ ಬಳಕೆ
- ಐಕ್ಯಾಮೆರಾಗೆ ಹೊಸ ವೇರಿಯಬಲ್ ಅಪರ್ಚರ್ ಅಪ್ಗ್ರೇಡ್
- ಐಫೋನ್ 18 ಪ್ರೋ ಲಾಂಚ್ 2026 ಸೆಪ್ಟೆಂಬರ್‌ನಲ್ಲಿ ನಿರೀಕ್ಷೆ
iPhone 18 Pro Features: ಆಪಲ್ ತನ್ನ ಮುಂದಿನ ತಲೆಮಾರಿನ ಫ್ಲಾಗ್‌ಶಿಪ್‌ ಸ್ಮಾರ್ಟ್‌ಫೋನ್ ಐಫೋನ್ 18 ಪ್ರೋ ಮೇಲೆ ಇನ್ನೂ ಅಧಿಕೃತ ಘೋಷಣೆ ಮಾಡಿಲ್ಲ. ಆದರೂ, ಲೀಕ್‌ಗಳು ಮತ್ತು ಮುಂಚಿತ ವರದಿಗಳು ಟೆಕ್‌ ಲೋಕದಲ್ಲಿ ಕುತೂಹಲ ಹೆಚ್ಚಿಸುತ್ತಿವೆ. ಪ್ರೋ ಸೀರೀಸ್‌ನಲ್ಲಿ ಈ ಬಾರಿ ದೊಡ್ಡ ಮಟ್ಟದ ಒಳಾಂಗಣ ಬದಲಾವಣೆಗಳು ಕಾಣಿಸಿಕೊಳ್ಳಬಹುದು ಎಂಬ ಚರ್ಚೆ ಜೋರಾಗಿದೆ.
ಡಿಸೈನ್ ಮತ್ತು ಡಿಸ್ಪ್ಲೇ ಬಗ್ಗೆ ಚರ್ಚೆ
ಲೀಕ್‌ ಮಾಹಿತಿಯಂತೆ, ಐಫೋನ್ 18 ಪ್ರೋ ಒಟ್ಟಾರೆ ರೂಪದಲ್ಲಿ ಐಫೋನ್ 17 ಪ್ರೋಗೆ ಹತ್ತಿರವಾಗಿರಬಹುದು. ಆದರೆ ಫ್ರೇಮ್‌ ಇನ್ನಷ್ಟು ಪ್ರೀಮಿಯಂ ಫಿನಿಷ್‌ ಹೊಂದುವ ಸಾಧ್ಯತೆ ಇದೆ. 6.3 ಇಂಚಿನ ಡಿಸ್ಪ್ಲೇ ಗಾತ್ರ ಮುಂದುವರಿಯುವ ನಿರೀಕ್ಷೆ ಇದ್ದರೂ, ಡೈನಾಮಿಕ್ ಐಲ್ಯಾಂಡ್‌ ವಿನ್ಯಾಸದಲ್ಲಿ ಬದಲಾವಣೆ ಆಗಬಹುದು ಎನ್ನಲಾಗುತ್ತಿದೆ.
ಕೆಲ ವರದಿಗಳು ಪಿನ್‌ಹೋಲ್‌ ಮಾತ್ರ ಇರುವ ಡಿಸೈನ್ ಸಾಧ್ಯತೆಯನ್ನು ಸೂಚಿಸುತ್ತಿದ್ದರೆ, ಇನ್ನೂ ಕೆಲವು ವರದಿಗಳು ಫೇಸ್‌ ಐಡಿ ಸೆನ್ಸರ್‌ಗಳನ್ನು ಡಿಸ್ಪ್ಲೇ ಒಳಗಡೆ ಅಡಗಿಸಬಹುದು ಎಂದು ಹೇಳುತ್ತಿವೆ.
A20 ಪ್ರೋ ಚಿಪ್‌ ಮತ್ತು ಕಾರ್ಯಕ್ಷಮತೆ
ಐಫೋನ್ 18 ಪ್ರೋನಲ್ಲಿ ಹೊಸ A20 ಪ್ರೋ ಚಿಪ್‌ಸೆಟ್‌ ಬಳಸಲಾಗಬಹುದು ಎಂಬುದು ಪ್ರಮುಖ ಲೀಕ್‌. ಈ ಚಿಪ್‌ TSMC 2nm ತಂತ್ರಜ್ಞಾನದಲ್ಲಿ ತಯಾರಾಗುವ ಸಾಧ್ಯತೆ ಇದ್ದು, ವೇಗ ಮತ್ತು ಪವರ್‌ ಎಫಿಶಿಯನ್ಸಿಯಲ್ಲಿ ದೊಡ್ಡ ಜಿಗಿತ ಕೊಡಲಿದೆ ಎನ್ನಲಾಗುತ್ತಿದೆ. ಜೊತೆಗೆ 12GB ಅಥವಾ 16GB LPDDR5X RAM ಆಯ್ಕೆಗಳು ಬರಬಹುದೆಂಬ ಊಹೆ ಇದೆ. ಇದು ಮಲ್ಟಿಟಾಸ್ಕಿಂಗ್‌ ಹಾಗೂ ಮುಂದಿನ ಆಪಲ್ AI ಫೀಚರ್‌ಗಳಿಗೆ ಬಲ ನೀಡಲಿದೆ.
ಕ್ಯಾಮೆರಾ ಮತ್ತು ಹೊಸ ವೈಶಿಷ್ಟ್ಯಗಳು
ಕ್ಯಾಮೆರಾ ವಿಭಾಗದಲ್ಲಿ ದೊಡ್ಡ ಬದಲಾವಣೆಗಳು ಕಾಣಿಸಿಕೊಳ್ಳಬಹುದು. 48MP ಪ್ರೈಮರಿ ಸೆನ್ಸರ್‌ ಮುಂದುವರಿದರೂ, ಹೊಸ ವೇರಿಯಬಲ್ ಅಪರ್ಚರ್ ಸಿಸ್ಟಮ್‌ ಸೇರಿಸುವ ಸಾಧ್ಯತೆ ಇದೆ. ಇದರಿಂದ ಕಡಿಮೆ ಬೆಳಕಿನಲ್ಲೂ ಹೆಚ್ಚು ಕ್ಲಿಯರ್‌ ಫೋಟೋಗಳನ್ನು ತೆಗೆದುಕೊಳ್ಳಲು ಸಹಾಯವಾಗಲಿದೆ.
ಮುಂಭಾಗದ ಕ್ಯಾಮೆರಾವನ್ನು 24MPಗೆ ಅಪ್ಗ್ರೇಡ್ ಮಾಡುವ ಚರ್ಚೆಯೂ ಇದೆ. ಜೊತೆಗೆ, ಕ್ಯಾಮೆರಾ ಕಂಟ್ರೋಲ್‌ ಬಟನ್‌ಗಳನ್ನು ಹೊಸ ಪ್ರೆಸ್-ಆಧಾರಿತ ತಂತ್ರಜ್ಞಾನಕ್ಕೆ ಬದಲಾಯಿಸಬಹುದು ಎಂಬ ಮಾತು ಕೂಡ ಹರಿದಾಡುತ್ತಿದೆ.
ಕನೆಕ್ಟಿವಿಟಿ ಮತ್ತು ಬ್ಯಾಟರಿ
ಆಪಲ್ ಈ ಬಾರಿ ಉಪಗ್ರಹ ಆಧಾರಿತ ಕನೆಕ್ಟಿವಿಟಿ ವೈಶಿಷ್ಟ್ಯಗಳನ್ನು ಇನ್ನಷ್ಟು ವಿಸ್ತರಿಸಬಹುದು. ದೂರದ ಪ್ರದೇಶಗಳಲ್ಲಿ ನೆಟ್‌ವರ್ಕ್‌ ಸಮಸ್ಯೆ ಎದುರಿಸುವ ಬಳಕೆದಾರರಿಗೆ ಇದು ಉಪಯುಕ್ತವಾಗಲಿದೆ. ಬ್ಯಾಟರಿ ಸಾಮರ್ಥ್ಯದಲ್ಲೂ ಸುಧಾರಣೆ ಕಾಣಿಸಿಕೊಳ್ಳಬಹುದು ಎಂದು ಲೀಕ್‌ಗಳು ಸೂಚಿಸುತ್ತಿವೆ.
ಭಾರತದಲ್ಲಿ ಲಾಂಚ್ ಮತ್ತು ಬೆಲೆ (ಅಂದಾಜು)
ಐಫೋನ್ 18 ಪ್ರೋ, ಐಫೋನ್ 18 ಪ್ರೋ ಮ್ಯಾಕ್ಸ್‌ ಹಾಗೂ ಫೋಲ್ಡ್‌ ಮಾದರಿಗಳೊಂದಿಗೆ 2026ರ ಸೆಪ್ಟೆಂಬರ್ ಎರಡನೇ ವಾರದಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ. ಭಾರತದಲ್ಲಿ ಇದರ ಆರಂಭಿಕ ಬೆಲೆ ಸುಮಾರು ₹1,34,999 ಇರಬಹುದು ಎಂದು ಅಂದಾಜಿಸಲಾಗುತ್ತಿದೆ. ಆದರೆ ಈ ಎಲ್ಲಾ ವಿವರಗಳು ಲೀಕ್‌ ಆಧಾರಿತವಾಗಿದ್ದು, ಅಧಿಕೃತ ಮಾಹಿತಿ ಇನ್ನೂ ಹೊರಬಿದ್ದಿಲ್ಲ.
