ಜಿಯೋ ಭಾರೀ ಬಂಪರ್ ಆಫರ್, 18 ತಿಂಗಳು ಉಚಿತ Gemini AI Pro + 2TB ಸ್ಟೋರೇಜ್

• Jio ಪ್ಲಾನ್ ನಲ್ಲಿ Gemini AI Pro 18 ತಿಂಗಳು ಉಚಿತ
• 2TB Google Cloud Storage + 5G ಅನ್ಲಿಮಿಟೆಡ್ ಡೇಟಾ
• MyJio App ಮೂಲಕ ಆಕ್ಟಿವ್ ಮಾಡಿಕೊಳ್ಳಿ ಆಫರ್

Jio Recharge Offer: ಡಿಜಿಟಲ್ ಸೇವೆಗಳನ್ನು ಹೆಚ್ಚು ಬಳಸುವವರಿಗೆ ಜಿಯೋ ಹೊಸ ಸರ್ಪ್ರೈಸ್ ನೀಡಿದೆ. ಸಾಮಾನ್ಯ ರೀಚಾರ್ಜ್‌ಗಿಂತ ಹೆಚ್ಚುವರಿ ಪ್ರಯೋಜನಗಳು ಬೇಕೆಂದಿದ್ದವರಿಗೆ ಈಗ ₹349 ಪ್ಲಾನ್ ದೊಡ್ಡ ಡೀಲ್ ಆಗಿದೆ. ಕೇವಲ ಡೇಟಾ, ಕಾಲಿಂಗ್ ಮಾತ್ರವಲ್ಲ, ಈ ಬಾರಿ AI ಟೂಲ್ಸ್ ಮತ್ತು ಕ್ಲೌಡ್ ಸ್ಟೋರೇಜ್ ಕೂಡ ಉಚಿತವಾಗಿ ಸಿಗುತ್ತಿದೆ.

ಜಿಯೋ–ಗೂಗಲ್ ಪಾಲುದಾರಿಕೆಯಿಂದ ಈ ವಿಶೇಷ ಆಫರ್ ರೂಪುಗೊಂಡಿದ್ದು, ಗ್ರಾಹಕರು 18 ತಿಂಗಳು Google Gemini AI Pro ಚಂದಾದಾರಿಕೆ ಮತ್ತು 2TB Google One Cloud Storage ಅನ್ನು ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೆ ಬಳಸಬಹುದು. ಸಾಮಾನ್ಯವಾಗಿ ಸಾವಿರಾರು ರೂಪಾಯಿ ವೆಚ್ಚವಾಗುವ ಈ ಸೇವೆಗಳು ಇದೀಗ ಕಡಿಮೆ ದರದಲ್ಲೇ ಲಭ್ಯವಾಗುತ್ತಿವೆ.

ಪ್ಲಾನ್‌ನಲ್ಲಿ ಏನು ಸಿಗುತ್ತದೆ?

₹349 ರೀಚಾರ್ಜ್ ಮಾಡಿದರೆ 28 ದಿನಗಳ ಮಾನ್ಯತೆ ಸಿಗುತ್ತದೆ. ಈ ಅವಧಿಯಲ್ಲಿ ಎಲ್ಲಾ ನೆಟ್‌ವರ್ಕ್‌ಗಳಿಗೆ ಅನ್ಲಿಮಿಟೆಡ್ ಕಾಲಿಂಗ್, ದಿನಕ್ಕೆ 100 SMS ಹಾಗೂ ದಿನಕ್ಕೆ 2GB ಡೇಟಾ ಸಿಗುತ್ತದೆ. ಜಿಯೋ 5G ಬಳಕೆದಾರರಿಗೆ ಅನ್ಲಿಮಿಟೆಡ್ 5G ಡೇಟಾ ಸೌಲಭ್ಯವೂ ಇದೆ. ಅಂದರೆ ಡೇಟಾ ಮುಗಿಯುವ ಭಯವೇ ಇಲ್ಲ.

ಇದಲ್ಲದೆ ಜಿಯೋ ತನ್ನ ಗ್ರಾಹಕರಿಗೆ ಹೆಚ್ಚುವರಿ ಡಿಜಿಟಲ್ ಬೋನಸ್‌ಗಳನ್ನು ಕೂಡ ನೀಡುತ್ತಿದೆ. JioTV, JioHotstar ಚಂದಾದಾರಿಕೆ, JioHome ಟ್ರಯಲ್, 50GB Jio AI Cloud ಸೇರಿದಂತೆ ಹಲವಾರು ಪ್ರಯೋಜನಗಳು ಸೇರಿವೆ.

Gemini AI Pro ಯಾಕೆ ವಿಶೇಷ?

Gemini AI Pro ಮೂಲಕ ಡಾಕ್ಯುಮೆಂಟ್ ಬರವಣಿಗೆ, ಫೋಟೋ ಎಡಿಟಿಂಗ್, AI ಚಾಟ್, ನೋಟ್ಸ್, ಸ್ಮಾರ್ಟ್ ವರ್ಕ್‌ಸ್ಪೇಸ್ ಉಪಯೋಗಗಳನ್ನು ಸುಲಭವಾಗಿ ಮಾಡಬಹುದು. ವಿದ್ಯಾರ್ಥಿಗಳು, ಕಂಟೆಂಟ್ ಕ್ರಿಯೇಟರ್‌ಗಳು, ಆಫೀಸ್ ಬಳಕೆದಾರರಿಗೆ ಇದು ದೊಡ್ಡ ಸಹಾಯವಾಗಲಿದೆ. 2TB ಸ್ಟೋರೇಜ್‌ನಿಂದ ಫೋಟೋ, ವಿಡಿಯೋ, ಫೈಲ್‌ಗಳ ಬಗ್ಗೆ ಚಿಂತೆ ಬೇಡ.

ಆಫರ್ ಪಡೆಯುವ ವಿಧಾನ

ಮೊದಲು ನಿಮ್ಮ ಮೊಬೈಲ್‌ನಲ್ಲಿ MyJio App ಡೌನ್‌ಲೋಡ್ ಮಾಡಿ. ನಂತರ Jio ನಂಬರಿನಿಂದ ಲಾಗಿನ್ ಮಾಡಿ. ಹೋಮ್‌ಪೇಜ್‌ನಲ್ಲಿ Google Storage ಅಥವಾ Gemini AI ಆಫರ್ ಕಾಣಿಸುತ್ತದೆ. ಅದನ್ನು ಕ್ಲಿಕ್ ಮಾಡಿ ನಿಮ್ಮ Gmail ID ಲಿಂಕ್ ಮಾಡಿ. ಕೆಲವು ನಿಮಿಷಗಳಲ್ಲಿ 18 ತಿಂಗಳ ಚಂದಾದಾರಿಕೆ ಸಕ್ರಿಯವಾಗುತ್ತದೆ.