Jio Recharge: 91 ರೂಪಾಯಿಗೆ ಜಿಯೋ ರೀಚಾರ್ಜ್‌! 28 ದಿನ ವ್ಯಾಲಿಡಿಟಿಯ ಬಜೆಟ್ ಪ್ಲಾನ್

• 91 ರೂಪಾಯಿಗೆ ಜಿಯೋ ಪ್ಲಾನ್, 28 ದಿನಗಳ ವ್ಯಾಲಿಡಿಟಿ
• ಜಿಯೋಫೋನ್ ಪ್ಲಾನ್, ದಿನಕ್ಕೆ 100MB ಡೇಟಾ
• ಜಿಯೋ ರೀಚಾರ್ಜ್, ಅನಿಯಮಿತ ಕರೆ, SMS ಸೌಲಭ್ಯ

Jio Recharge Plan: ಕಡಿಮೆ ವೆಚ್ಚದಲ್ಲಿ ದೀರ್ಘ ವ್ಯಾಲಿಡಿಟಿ ಬೇಕೆಂಬ ಗ್ರಾಹಕರ ಬೇಡಿಕೆಗೆ Reliance Jio ವಿಶೇಷ ಆಯ್ಕೆಯನ್ನು ನೀಡಿದೆ. ₹100 ಕ್ಕಿಂತ ಕಡಿಮೆ ದರದಲ್ಲಿ ಲಭ್ಯವಿರುವ ₹91 ರೂಪಾಯಿ ರೀಚಾರ್ಜ್ ಪ್ಲಾನ್ ಇದೀಗ ಜಿಯೋ ಪ್ಲಾನ್ ಪಟ್ಟಿಯಲ್ಲಿ ಗಮನ ಸೆಳೆದಿದೆ.

₹91 ರೂಪಾಯಿ ಪ್ಲಾನ್‌ನ ಪ್ರಮುಖ ಸೌಲಭ್ಯಗಳು

ಈ ಪ್ಲಾನ್ ಒಟ್ಟು 28 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, ಪ್ರತಿದಿನ 100MB ಡೇಟಾ ನೀಡಲಾಗುತ್ತದೆ. ಜೊತೆಗೆ 200MB ಹೆಚ್ಚುವರಿ ಡೇಟಾ ಕೂಡ ಸೇರಿದೆ. ಈ ಮೂಲಕ ಒಟ್ಟು ವ್ಯಾಲಿಡಿಟಿ ಅವಧಿಗೆ ಸುಮಾರು 3GB ಡೇಟಾ ಬಳಕೆ ಸಾಧ್ಯವಾಗುತ್ತದೆ.

ಡೇಟಾ ಮಿತಿ ಮುಗಿದ ಬಳಿಕವೂ ಬಳಕೆ ಸಂಪೂರ್ಣವಾಗಿ ನಿಲ್ಲುವುದಿಲ್ಲ. ಗ್ರಾಹಕರು 64Kbps ವೇಗದಲ್ಲಿ ಇಂಟರ್ನೆಟ್ ಬಳಸಬಹುದು. ಇದರ ಜೊತೆಗೆ, ಪ್ಲಾನ್ ಅವಧಿ ತುಂಬಾ ಅನಿಯಮಿತ ವಾಯ್ಸ್ ಕಾಲಿಂಗ್ ಮತ್ತು 50 SMS ಸೌಲಭ್ಯಗಳು ಲಭ್ಯ.

ಯಾರು ಈ ಪ್ಲಾನ್ ಪಡೆಯಬಹುದು?

ಈ ₹91 ರೂಪಾಯಿ ರೀಚಾರ್ಜ್ ಎಲ್ಲಾ ಜಿಯೋ ಗ್ರಾಹಕರಿಗೂ ಲಭ್ಯವಿಲ್ಲ ಎಂಬುದು ಮುಖ್ಯ. ಇದು ಜಿಯೋಫೋನ್ ಬಳಕೆದಾರರಿಗೆ ಮಾತ್ರ ರೂಪಿಸಲಾಗಿದೆ. ಸಾಮಾನ್ಯ ಸ್ಮಾರ್ಟ್‌ಫೋನ್ ಜಿಯೋ ಯೂಸರ್‌ಗಳು ಈ ಪ್ಲಾನ್ ಬಳಸಲು ಸಾಧ್ಯವಿಲ್ಲ.

ಸಾಮಾನ್ಯ ಜಿಯೋ ಗ್ರಾಹಕರಿಗೆ ಬೇರೆ ಆಯ್ಕೆ

ಜಿಯೋಫೋನ್ ಹೊರತುಪಡಿಸಿ ಉಳಿದ ಗ್ರಾಹಕರಿಗೆ ಕಂಪನಿ ಇನ್ನೂ ಕೆಲವು ಮೌಲ್ಯಯುತ ಪ್ಲಾನ್‌ಗಳನ್ನು ನೀಡುತ್ತಿದೆ. ಉದಾಹರಣೆಗೆ, ₹189 ಪ್ಲಾನ್ 28 ದಿನಗಳ ವ್ಯಾಲಿಡಿಟಿಯೊಂದಿಗೆ 2GB ಡೇಟಾ, ಅನಿಯಮಿತ ಕರೆ, ಹಾಗೂ ದಿನಕ್ಕೆ 300 SMS ಸೌಲಭ್ಯಗಳನ್ನು ಒಳಗೊಂಡಿದೆ. ಬಜೆಟ್ ಮತ್ತು ಬಳಕೆಯ ಆಧಾರದಲ್ಲಿ ಗ್ರಾಹಕರು ತಮಗೆ ತಕ್ಕ ಪ್ಲಾನ್ ಆಯ್ಕೆ ಮಾಡಿಕೊಳ್ಳಬಹುದು.