ಬಜೆಟ್ ದರದಲ್ಲಿ ಹೊಸ 5G ಸ್ಮಾರ್ಟ್‌ಫೋನ್ ಎಂಟ್ರಿ, Lava Bold 2 5G ಬಿಡುಗಡೆ

Lava Smartphone: ಭಾರತದ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಬಜೆಟ್ ವಿಭಾಗದಲ್ಲಿ ಸ್ಪರ್ಧೆ ಹೆಚ್ಚುತ್ತಿರುವ ನಡುವೆ ಲಾವಾ ಕಂಪನಿ ತನ್ನ ಹೊಸ Bold 2 5G ಫೋನ್ ಅನ್ನು ಪರಿಚಯಿಸಿದೆ. ಕಡಿಮೆ ಬೆಲೆಯಲ್ಲೇ ಉತ್ತಮ ಫೀಚರ್‌ಗಳನ್ನು ಬಯಸುವ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ಈ ಫೋನ್ ಅನ್ನು ವಿನ್ಯಾಸಗೊಳಿಸಲಾಗಿದೆ.

ಈ ಸ್ಮಾರ್ಟ್‌ಫೋನ್‌ನಲ್ಲಿ 6.67 ಇಂಚಿನ ಫುಲ್ HD+ AMOLED ಡಿಸ್ಪ್ಲೇ ನೀಡಲಾಗಿದೆ. 120Hz ರಿಫ್ರೆಶ್ ರೇಟ್ ಇರುವುದರಿಂದ ಸ್ಕ್ರೋಲಿಂಗ್ ಮತ್ತು ಗೇಮಿಂಗ್ ಅನುಭವ ಹೆಚ್ಚು ಸ್ಮೂತ್ ಆಗಿರುತ್ತದೆ. ಜೊತೆಗೆ ಸುರಕ್ಷತೆಗಾಗಿ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್ ಹಾಗೂ ಫೇಸ್ ಅನ್‌ಲಾಕ್ ವ್ಯವಸ್ಥೆಯನ್ನೂ ಸೇರಿಸಲಾಗಿದೆ.

ಡಿಸೈನ್ ದೃಷ್ಟಿಯಿಂದಲೂ ಈ ಫೋನ್ ಗಮನ ಸೆಳೆಯುತ್ತದೆ. ಕೇವಲ 7.55 ಮಿಮೀ ದಪ್ಪ ಹೊಂದಿರುವ ಸ್ಲಿಮ್ ಬಾಡಿ ಮತ್ತು ಫ್ಲಾಟ್ ಫ್ರೇಮ್ ಡಿಸೈನ್ ಇದಕ್ಕೆ ಆಧುನಿಕ ಲುಕ್ ನೀಡುತ್ತದೆ. ಈ ಫೋನ್ ಫೀಚರ್ ವೈಟ್ ಮತ್ತು ಮಿಡ್‌ನೈಟ್ ಬ್ಲಾಕ್ ಎಂಬ ಎರಡು ಬಣ್ಣಗಳಲ್ಲಿ ಲಭ್ಯವಾಗಲಿದೆ.

ಫೋಟೋಗ್ರಫಿ ಪ್ರಿಯರಿಗಾಗಿ ಹಿಂಭಾಗದಲ್ಲಿ 50 ಮೆಗಾಪಿಕ್ಸೆಲ್ ಸೋನಿ ಮುಖ್ಯ ಕ್ಯಾಮೆರಾ ನೀಡಲಾಗಿದೆ. ಕಡಿಮೆ ಬೆಳಕಿನಲ್ಲಿಯೂ ಉತ್ತಮ ಚಿತ್ರಗಳನ್ನು ತೆಗೆಯುವಂತೆ ಇದನ್ನು ರೂಪಿಸಲಾಗಿದೆ. ಮುಂಭಾಗದಲ್ಲಿ ಪంచ್-ಹೋಲ್ ವಿನ್ಯಾಸದ 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಇದೆ.

ಪರ್ಫಾರ್ಮೆನ್ಸ್ ವಿಚಾರದಲ್ಲಿ ಈ ಫೋನ್‌ಗೆ MediaTek Dimensity 7060 ಪ್ರೊಸೆಸರ್ ಶಕ್ತಿ ನೀಡುತ್ತದೆ. ಇದು ಸುಮಾರು 2.6GHz ವರೆಗೆ ಕ್ಲಾಕ್ ಸ್ಪೀಡ್ ನೀಡಬಲ್ಲದು. ಕಂಪನಿ ಮಾಹಿತಿ ಪ್ರಕಾರ AnTuTu ಬೆಂಚ್ಮಾರ್ಕ್‌ನಲ್ಲಿ ಈ ಫೋನ್ 5 ಲಕ್ಷಕ್ಕೂ ಹೆಚ್ಚು ಸ್ಕೋರ್ ಪಡೆಯುತ್ತದೆ.

ಇದರಲ್ಲಿ 6GB LPDDR5 RAM ಮತ್ತು 128GB UFS 3.1 ಸ್ಟೋರೇಜ್ ನೀಡಲಾಗಿದೆ. ಫೋನ್ Android 15 ಆಪರೇಟಿಂಗ್ ಸಿಸ್ಟಮ್ ಮೇಲೆ ಕಾರ್ಯನಿರ್ವಹಿಸುತ್ತದೆ.

ಬ್ಯಾಟರಿ ವಿಷಯಕ್ಕೆ ಬಂದರೆ, 5000mAh ಸಾಮರ್ಥ್ಯದ ಬ್ಯಾಟರಿ ನೀಡಲಾಗಿದ್ದು 33W ಫಾಸ್ಟ್ ಚಾರ್ಜಿಂಗ್ ಬೆಂಬಲವಿದೆ. ದಿನಪೂರ್ತಿ ಬಳಕೆಗೂ ಸಾಕಷ್ಟು ಬ್ಯಾಟರಿ ಬ್ಯಾಕಪ್ ನೀಡುವಂತೆ ಇದನ್ನು ವಿನ್ಯಾಸಗೊಳಿಸಲಾಗಿದೆ.

ಬೆಲೆ ಬಗ್ಗೆ ಮಾತನಾಡಿದರೆ, Lava Bold 2 5G (6GB RAM + 128GB ಸ್ಟೋರೇಜ್) ಮಾದರಿಯ ಬೆಲೆ ₹12,999 ಆಗಿದೆ. ಈ ಫೋನ್ ಮಾರ್ಚ್ 19ರಿಂದ ಅಮೆಜಾನ್ ಇಂಡಿಯಾ ವೆಬ್‌ಸೈಟ್‌ನಲ್ಲಿ ಮಾರಾಟಕ್ಕೆ ಲಭ್ಯವಾಗಲಿದೆ. ಗ್ರಾಹಕರಿಗೆ ಕಂಪನಿ ಫ್ರೀ ಡೋರ್‌ಸ್ಟೆಪ್ ಸರ್ವೀಸ್ ಸೌಲಭ್ಯವನ್ನೂ ನೀಡುತ್ತಿದೆ.