Smartphone: ರಿಯಲ್‌ಮಿ 16 ಪ್ರೋ ಸಿರೀಸ್ ಭಾರತಕ್ಕೆ ಎಂಟ್ರಿ! ಹೊಸ ಲುಕ್‌, ಸೂಪರ್ ಫೀಚರ್ಸ್‌

• ಹೊಸ ರಿಯಲ್‌ಮಿ 16 ಪ್ರೋ ಸಿರೀಸ್ ಸ್ಮಾರ್ಟ್‌ಫೋನ್
• 200MP ಕ್ಯಾಮೆರಾ ಹೊಂದಿದ ರಿಯಲ್‌ಮಿ 16 ಪ್ರೋ+ 5G
• ಪ್ರೀಮಿಯಂ ಡಿಸ್ಪ್ಲೇ ಮತ್ತು ಶಕ್ತಿಶಾಲಿ ಪ್ರೊಸೆಸರ್

Realme 16 Pro Smartphone: ಭಾರತೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಪ್ರೀಮಿಯಂ ಸೆಗ್ಮೆಂಟ್ ಮೇಲೆ ಗಮನ ಹರಿಸಿರುವ Realme, ತನ್ನ ಹೊಸ Realme 16 Pro Series ಅನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಈ ಸಿರೀಸ್‌ನಲ್ಲಿ Realme 16 Pro 5G ಮತ್ತು ಇನ್ನಷ್ಟು ಅಡ್ವಾನ್ಸ್ ಆದ Realme 16 Pro+ 5G ಎಂಬ ಎರಡು ಮಾದರಿಗಳು ಲಭ್ಯವಿವೆ.

ವಿನ್ಯಾಸ ಮತ್ತು ಬಣ್ಣಗಳ ವಿಶೇಷತೆ

ಈ ಸ್ಮಾರ್ಟ್‌ಫೋನ್‌ಗಳು ಜಪಾನ್‌ನ ಖ್ಯಾತ ಡಿಸೈನರ್ ನಾಓಟೊ ಫುಕಾಸಾವಾ ಸಹಕಾರದ ‘Urban Wild Design’ ಥೀಮ್‌ ಅನ್ನು ಅಳವಡಿಸಿಕೊಂಡಿವೆ. Master Gold, Master Grey ಬಣ್ಣಗಳ ಜೊತೆಗೆ ಭಾರತಕ್ಕೆ ಮಾತ್ರ ಲಭ್ಯವಿರುವ ವಿಶೇಷ ಬಣ್ಣಗಳೂ ಇದ್ದು, Realme 16 Pro 5G Orchid Purple ನಲ್ಲಿ, Pro+ ವೇರಿಯಂಟ್ Camellia Pink ನಲ್ಲಿ ಬರುತ್ತದೆ.

ಭಾರತದಲ್ಲಿ ಬೆಲೆ ಎಷ್ಟು?

Realme 16 Pro 5G ಬೆಲೆ ರೂ.31,999 ರಿಂದ ಆರಂಭವಾಗುತ್ತದೆ. ಮೆಮೊರಿ ಆಯ್ಕೆಯ ಆಧಾರದಲ್ಲಿ ಗರಿಷ್ಠ ರೂ.36,999 ವರೆಗೆ ಇದೆ. Pro+ ವೇರಿಯಂಟ್ ಇನ್ನಷ್ಟು ಪ್ರೀಮಿಯಂ ಆಗಿದ್ದು, ಇದರ ಆರಂಭಿಕ ಬೆಲೆ ರೂ.39,999 ಆಗಿದೆ. ಈ ಫೋನ್‌ಗಳು ಜನವರಿ 9ರಿಂದ Flipkart ಹಾಗೂ Realme ಅಧಿಕೃತ ಆನ್‌ಲೈನ್ ಸ್ಟೋರ್‌ನಲ್ಲಿ ಮಾರಾಟಕ್ಕೆ ಬರಲಿವೆ.

ಡಿಸ್ಪ್ಲೇ, ಪ್ರೊಸೆಸರ್ ಮತ್ತು ಕಾರ್ಯಕ್ಷಮತೆ

Realme 16 Pro+ 5Gನಲ್ಲಿ 6.8 ಇಂಚಿನ AMOLED ಡಿಸ್ಪ್ಲೇ ನೀಡಲಾಗಿದ್ದು, 144Hz ರಿಫ್ರೆಶ್ ರೇಟ್ ಮತ್ತು ಗರಿಷ್ಠ 6,500 nits ಬ್ರೈಟ್‌ನೆಸ್ ಹೊಂದಿದೆ. Snapdragon 7 Gen 4 ಪ್ರೊಸೆಸರ್ ಬಳಕೆಯಿಂದ ಗೇಮಿಂಗ್ ಮತ್ತು ಮಲ್ಟಿಟಾಸ್ಕಿಂಗ್ ಅನುಭವ ಮತ್ತಷ್ಟು ಸ್ಮೂತ್ ಆಗಲಿದೆ.

ಕ್ಯಾಮೆರಾ ವಿಭಾಗದಲ್ಲಿ ದೊಡ್ಡ ಅಪ್‌ಗ್ರೇಡ್

ಈ ಸಿರೀಸ್‌ನ ಪ್ರಮುಖ ಆಕರ್ಷಣೆ ಕ್ಯಾಮೆರಾ. Pro+ ಮಾದರಿಯಲ್ಲಿ 200MP ಪ್ರೈಮರಿ ಕ್ಯಾಮೆರಾ, 50MP ಟೆಲಿಫೋಟೋ ಲೆನ್ಸ್ (3.5x ಆಪ್ಟಿಕಲ್ ಜೂಮ್), 8MP ಅಲ್ಟ್ರಾ ವೈಡ್ ಸೆನ್ಸಾರ್ ನೀಡಲಾಗಿದೆ. ಸೆಲ್ಫಿಗಾಗಿ 50MP ಫ್ರಂಟ್ ಕ್ಯಾಮೆರಾ ಇದೆ.

Realme 16 Pro+ 5G Smartphone – Specification