WhatsApp: ವಾಟ್ಸಾಪ್ ಸೀಕ್ರೆಟ್ ಟ್ರಿಕ್, ಆಪ್ ತೆಗೆಯದೇ ಚಾಟ್ ಮಾಡುವ ವಿಧಾನ
WhatsApp: ವಾಟ್ಸಾಪ್ ಬಳಕೆದಾರರಿಗೆ ಹೊಸ ಸೌಲಭ್ಯ. ಆಪ್ ತೆರೆಯದೇ ನೇರವಾಗಿ ಹೋಮ್ ಸ್ಕ್ರೀನ್ನಿಂದಲೇ ಸ್ನೇಹಿತರು ಅಥವಾ ಕುಟುಂಬ ಸದಸ್ಯರೊಂದಿಗೆ ಚಾಟ್ ಆರಂಭಿಸುವ ಸೀಕ್ರೆಟ್ ಟ್ರಿಕ್ ಇದೀಗ ಆಂಡ್ರಾಯ್ಡ್ ಬಳಕೆದಾರರಿಗೆ ಲಭ್ಯವಾಗಿದೆ.
WhatsApp: ವಿಶ್ವದಾದ್ಯಂತ ಕೋಟ್ಯಾಂತರ ಮಂದಿ ಬಳಸುತ್ತಿರುವ ಮೆಸೇಜಿಂಗ್ ಆಪ್ ವಾಟ್ಸಾಪ್ ತನ್ನ ಬಳಕೆದಾರರಿಗೆ ನಿರಂತರವಾಗಿ ಹೊಸ ಫೀಚರ್ಗಳನ್ನು ಪರಿಚಯಿಸುತ್ತಿದೆ. ಆದರೆ ಹಲವರಿಗೆ ತಿಳಿಯದ ಒಂದು ಸರಳ ಮತ್ತು ಉಪಯುಕ್ತ ಟ್ರಿಕ್ ಈಗ ಗಮನ ಸೆಳೆಯುತ್ತಿದೆ.
ಸಾಮಾನ್ಯವಾಗಿ ನಾವು ಯಾರಿಗಾದರೂ ಸಂದೇಶ ಕಳುಹಿಸಲು ಮೊದಲು ವಾಟ್ಸಾಪ್ ಆಪ್ ತೆರೆಯಬೇಕು, ನಂತರ ಸಂಪರ್ಕ ಪಟ್ಟಿಯಲ್ಲಿ ಅವರ ಹೆಸರು ಹುಡುಕಿ ಚಾಟ್ ತೆರೆಯಬೇಕು. ಆದರೆ ಈಗ ಒಂದು ವಿಶೇಷ ಶಾರ್ಟ್ಕಟ್ ಬಳಸಿ ಈ ಎಲ್ಲಾ ಹಂತಗಳನ್ನು ತಪ್ಪಿಸಬಹುದು.
ಈ ಫೀಚರ್ ಮೂಲಕ ನೀವು ಹೆಚ್ಚು ಮಾತನಾಡುವ ವ್ಯಕ್ತಿಯ ಚಾಟ್ ಅನ್ನು ನೇರವಾಗಿ ನಿಮ್ಮ ಮೊಬೈಲ್ ಹೋಮ್ ಸ್ಕ್ರೀನ್ನಲ್ಲಿ ಐಕಾನ್ ರೂಪದಲ್ಲಿ ಇರಿಸಬಹುದು. ಅಂದರೆ, ಆ ವ್ಯಕ್ತಿಯ ಫೋಟೋ ಇರುವ ಒಂದು ಶಾರ್ಟ್ಕಟ್ ಐಕಾನ್ ಕಾಣಿಸುತ್ತದೆ. ಅದನ್ನು ಒಮ್ಮೆ ಟ್ಯಾಪ್ ಮಾಡಿದರೆ ತಕ್ಷಣವೇ ಅವರ ಚಾಟ್ ವಿಂಡೋ ತೆರೆದುಕೊಳ್ಳುತ್ತದೆ.
ಈ ಸೌಲಭ್ಯ ಈಗ ಮುಖ್ಯವಾಗಿ ಆಂಡ್ರಾಯ್ಡ್ ಬಳಕೆದಾರರಿಗೆ ಲಭ್ಯವಾಗಿದೆ. ತುರ್ತು ಸಂದರ್ಭಗಳಲ್ಲಿ ತಕ್ಷಣ ಸಂದೇಶ ಕಳುಹಿಸಲು ಅಥವಾ ಕರೆ ಮಾಡಲು ಇದು ಬಹಳ ಸಹಾಯಕವಾಗುತ್ತದೆ. ವಿಶೇಷವಾಗಿ ದಿನವೂ ಮಾತನಾಡುವ ಸ್ನೇಹಿತರು, ಕುಟುಂಬ ಸದಸ್ಯರು ಅಥವಾ ಸಹೋದ್ಯೋಗಿಗಳೊಂದಿಗೆ ಸಂಪರ್ಕದಲ್ಲಿರಲು ಇದು ಸುಲಭ ಮಾರ್ಗವಾಗಿದೆ.
ಚಾಟ್ ಶಾರ್ಟ್ಕಟ್ ಹೇಗೆ ಸೃಷ್ಟಿಸಬೇಕು?
ಮೊದಲು ನಿಮ್ಮ ಫೋನ್ನಲ್ಲಿ ವಾಟ್ಸಾಪ್ ಆಪ್ ತೆರೆಯಿರಿ. ನಂತರ ನೀವು ಹೋಮ್ ಸ್ಕ್ರೀನ್ನಲ್ಲಿ ಇರಿಸಲು ಬಯಸುವ ಚಾಟ್ ಮೇಲೆ ಲಾಂಗ್ ಪ್ರೆಸ್ ಮಾಡಿ. ಮೇಲ್ಭಾಗದಲ್ಲಿ ಕಾಣುವ ಮೂರು ಬಿಂದುಗಳ ಮೆನು ಕ್ಲಿಕ್ ಮಾಡಿ.
ಅಲ್ಲಿರುವ Add Chat Shortcut ಆಯ್ಕೆಯನ್ನು ಆಯ್ಕೆಮಾಡಿ. ನಂತರ “OK” ಅಥವಾ “Add Automatically” ಆಯ್ಕೆ ಮಾಡಿದರೆ ಆ ಚಾಟ್ ನಿಮ್ಮ ಹೋಮ್ ಸ್ಕ್ರೀನ್ನಲ್ಲಿ ಐಕಾನ್ ರೂಪದಲ್ಲಿ ಕಾಣಿಸುತ್ತದೆ.
ಇದರಿಂದ ನೂರಾರು ಸಂಪರ್ಕಗಳ ನಡುವೆ ಹುಡುಕುವ ಸಮಯ ಉಳಿಯುತ್ತದೆ. ಒಮ್ಮೆ ಟ್ಯಾಪ್ ಮಾಡಿದರೆ ಸಾಕು – ನೇರವಾಗಿ ಚಾಟ್ ಆರಂಭಿಸಬಹುದು.
