ನವಗ್ರಹ ಸಿನಿಮಾ ಖ್ಯಾತ ನಟ ಗಿರಿ ದಿನೇಶ್ ಅಕಾಲಿಕ ನಿಧನ
ಗಿರಿ ದಿನೇಶ್ ಪೂರ್ಣ ಆರೋಗ್ಯವಾಗಿಯೇ ಇದ್ದರು. ಆದರೆ ಪೂಜೆಯ (Pooja) ಸಮಯದಲ್ಲಿ ಅವರಿಗೆ ತೀವ್ರ ಹೃದಯಾಘಾತ (Heart Attack) ಸಂಭವಿಸಿ, ಕುಸಿದು ಬಿದ್ದರು.
- ‘ನವಗ್ರಹ’ (Navagraha) ಚಿತ್ರದ ಖ್ಯಾತ ನಟ ಗಿರಿ ದಿನೇಶ್ ನಿಧನ
- ಮನೆಯಲ್ಲಿ ಪೂಜೆ ವೇಳೆ ಹೃದಯಾಘಾತ
- ನವಗ್ರಹ ನಂತರ ಕನ್ನಡ ಚಿತ್ರರಂಗದಲ್ಲಿ ಕಾಣಿಸಿಕೊಂಡಿದ್ದು ಅಪರೂಪ
Actor Giri Dinesh : ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ‘ನವಗ್ರಹ’ (Navagraha) ಸಿನಿಮಾ ಕನ್ನಡ ಪ್ರೇಕ್ಷಕರಿಗೆ ತುಂಬಾ ಪ್ರಿಯ. 2008ರಲ್ಲಿ ಬಿಡುಗಡೆಯಾದ ಈ ಚಿತ್ರ ಸೂಪರ್ ಹಿಟ್ ಆಗಿತ್ತು. 2023ರಲ್ಲಿ ರೀ-ರಿಲೀಸ್ ಮಾಡಿದಾಗಲೂ ಅದೇ ಹವಾ ಮುಂದುವರಿಯಿತು. ಈ ಸಿನಿಮಾದಲ್ಲಿ ‘ಶೆಟ್ಟಿ’ ಪಾತ್ರದಲ್ಲಿ ಮಿಂಚಿದ ಗಿರಿ ದಿನೇಶ್ ಇಂದು (ಫೆಬ್ರವರಿ 7) ಹಠಾತ್ ಸಾವನ್ನಪ್ಪಿದ್ದಾರೆ.
ಗಿರಿ ದಿನೇಶ್ ಪೂರ್ಣ ಆರೋಗ್ಯವಾಗಿಯೇ ಇದ್ದರು. ಆದರೆ ಪೂಜೆಯ (Pooja) ಸಮಯದಲ್ಲಿ ಅವರಿಗೆ ತೀವ್ರ ಹೃದಯಾಘಾತ (Heart Attack) ಸಂಭವಿಸಿ, ಕುಸಿದು ಬಿದ್ದರು. ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದರೂ, ಮಾರ್ಗಮಧ್ಯೆ ನಮ್ಮನ್ನೆಲ್ಲ ಅಗಲಿದ್ದಾರೆ. 45 ವರ್ಷದ ಈ ಪ್ರತಿಭಾವಂತ ನಟ ಇನ್ನೂ ವಿವಾಹವಾಗಿರಲಿಲ್ಲ ಮತ್ತು ಅಣ್ಣನ ಮನೆಯಲ್ಲೇ ವಾಸವಿದ್ದರು.
ಗಿರಿ ದಿನೇಶ್ ಖ್ಯಾತ ಹಾಸ್ಯನಟ ಮತ್ತು ಖಳನಟ ದಿನೇಶ್ ಅವರ ಪುತ್ರ. ಅವರ ಹಾಸ್ಯ ಹಾಗೂ ಖಳನಟನೆಯ ಸಂಯೋಜನೆಯು ‘ನವಗ್ರಹ’ ಚಿತ್ರದಲ್ಲಿ ದೊಡ್ಡ ಹೈಲೈಟ್ ಆಗಿತ್ತು. ಈ ಚಿತ್ರದ ಯಶಸ್ಸಿನ ನಂತರ ‘ವಜ್ರ’ (Vajra) ಹಾಗೂ ‘ಚಮ್ಕಾಯ್ಸಿ ಚಿಂದಿ ಉಡಾಯ್ಸಿ’ (Chamkayisi Chindi Udayisi) ಸಿನಿಮಾಗಳಲ್ಲಿ ಮಿಂಚಿದರು. ಆದರೆ ಅವರ ಪ್ರತಿಭೆಗೆ ಹೆಚ್ಚು ಅವಕಾಶಗಳು ಸಿಗಲಿಲ್ಲ.
ಸಿನಿಮಾ ಜಗತ್ತಿನಿಂದ ದೂರ ಉಳಿದಿದ್ದ ಗಿರಿ ದಿನೇಶ್, ‘ನವಗ್ರಹ’ ರೀ-ರಿಲೀಸ್ ಸಂದರ್ಭದಲ್ಲೂ ಯಾವುದೇ ಪ್ರಚಾರ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿರಲಿಲ್ಲ. ಅವರ ಆಕಸ್ಮಿಕ ಅಗಲಿಕೆಯಿಂದ ಚಂದನವನದಲ್ಲಿ ತೀವ್ರ ಶೋಕವ್ಯಕ್ತವಾಗಿದೆ. ಅವರ ಅಂತಿಮ ಸಂಸ್ಕಾರ ಶನಿವಾರ ನೆರವೇರಲಿದೆ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.
Actor Giri Dinesh Passes Away, Navagraha Fame No More
