ಕೃಷಿ ಭೂಮಿಯಲ್ಲಿ ಮನೆ–ಕಟ್ಟಡಕ್ಕೆ ಹೊಸ ರೂಲ್ಸ್! ಉಲ್ಲಂಘಿಸಿದರೆ ಕಾನೂನು ಕ್ರಮ - Agriculture Land
ಕರ್ನಾಟಕದಲ್ಲಿ ಕೃಷಿ ಭೂಮಿಯಲ್ಲಿ ಫಾರ್ಮ್ ಹೌಸ್ ಕಟ್ಟಲು ಸರ್ಕಾರ ಹೊಸ ನಿಯಮ ಜಾರಿಗೊಳಿಸಿದೆ. ಗರಿಷ್ಠ 10% ಪ್ರದೇಶ ಮಾತ್ರ ಬಳಕೆ, ವಾಣಿಜ್ಯ ಉದ್ದೇಶಕ್ಕೆ ಬಾಡಿಗೆ ನಿಷೇಧ, ಕಾನೂನು ಉಲ್ಲಂಘನೆಗೆ ಕ್ರಮ.
- ಕೃಷಿ ಭೂಮಿಯಲ್ಲಿ ಗರಿಷ್ಠ 10% ಪ್ರದೇಶದಲ್ಲಿ ಮಾತ್ರ ಫಾರ್ಮ್ ಹೌಸ್
- ವಾಣಿಜ್ಯ ಬಳಕೆ, ಬಾಡಿಗೆ ಸಂಪೂರ್ಣ ನಿಷೇಧ
- ಕಂದಾಯ ಇಲಾಖೆ ಅನುಮತಿ ಮತ್ತು ಭೂಮಿ ತಂತ್ರಾಂಶ ದಾಖಲೆ ಕಡ್ಡಾಯ
ಬೆಂಗಳೂರು (Bengaluru): ಕರ್ನಾಟಕದಲ್ಲಿ ರೈತರು ತಮ್ಮ ಕೃಷಿ ಭೂಮಿಯಲ್ಲಿ (Agriculture Land) ಫಾರ್ಮ್ ಹೌಸ್ ನಿರ್ಮಿಸಲು ಬಯಸಿದರೆ, ಇನ್ನು ಮುಂದೆ ಸರ್ಕಾರದ ಹೊಸ ಮಾರ್ಗಸೂಚಿಗಳನ್ನು ತಪ್ಪದೇ ಪಾಲಿಸಬೇಕು.
ಕಂದಾಯ ಇಲಾಖೆಯ ಪ್ರಕಾರ, ಕರ್ನಾಟಕ ಭೂ ಕಂದಾಯ ಕಾಯ್ದೆ, 1964ರ 95(1)ನೇ ನಿಯಮದಡಿ ಗರಿಷ್ಠ 10% ಪ್ರದೇಶದಲ್ಲಿ ಮಾತ್ರ ಫಾರ್ಮ್ ಹೌಸ್ (Farm House) ನಿರ್ಮಿಸಲು ಅವಕಾಶ ಇದೆ.
ಫಾರ್ಮ್ ಹೌಸ್ ನಿರ್ಮಾಣದ ಉದ್ದೇಶ ಕೃಷಿ ಚಟುವಟಿಕೆಗೆ ಮಾತ್ರ ಸೀಮಿತ. ಕುಟುಂಬ ವಾಸ, ಕೃಷಿ ಸಾಧನ ಸಂಗ್ರಹಣೆ ಅಥವಾ ನೀರಿನ ತೊಟ್ಟಿ ನಿರ್ಮಾಣಕ್ಕೆ ಬಳಸಬಹುದು.
ಇದನ್ನೂ ಓದಿ: ನಿಮ್ಮ ಮಕ್ಕಳಿಗೆ 15 ಸಾವಿರ ಸ್ಕಾಲರ್‌ಶಿಪ್‌ ಸಿಗುತ್ತೆ! ಈ ವಿದ್ಯಾಸಿರಿ ಯೋಜನೆ ಬಗ್ಗೆ ಗೊತ್ತಾ?
ವಾಣಿಜ್ಯ ಉದ್ದೇಶ, ಬಾಡಿಗೆ ಅಥವಾ ಇತರೆ ಲಾಭದಾಯಕ ಚಟುವಟಿಕೆಗಳಿಗೆ ಕಟ್ಟುನಿಟ್ಟಿನ ನಿಷೇಧವಿದೆ. ನಿಯಮ ಉಲ್ಲಂಘಿಸಿದರೆ ಕಾನೂನು ಕ್ರಮ ಎದುರಾಗುವುದು ಖಚಿತ.
ನಿರ್ಮಾಣಕ್ಕೆ ಮೊದಲು, ಭೂಮಾಲೀಕರು ತಮ್ಮ RTC ದಾಖಲೆ ಆಧರಿಸಿ ಕಂದಾಯ ಇಲಾಖೆಯ ನಿರೀಕ್ಷಕರಿಗೆ ಲಿಖಿತ ಅರ್ಜಿ ಸಲ್ಲಿಸಬೇಕು. (ಬಿ-ಖರಾಬು ಜಮೀನು ಹೊರತುಪಡಿಸಿ) ಅನುಮತಿ ಪಡೆದ ಬಳಿಕ, ಭೂಮಿ ತಂತ್ರಾಂಶ (Bhoomi Software) ನಲ್ಲಿ ವಿವರಗಳನ್ನು ದಾಖಲಿಸಲಾಗುವುದು. RTC ಯ ಕಾಲಂ-IIರಲ್ಲಿ ಫಾರ್ಮ್ ಹೌಸ್ ಮಾಹಿತಿ ಸೇರಿಸಲಾಗುತ್ತದೆ.
ಇದನ್ನೂ ಓದಿ: ರೈತರಿಗೆ ಸೋಲಾರ್ ಕೃಷಿ ಪಂಪ್‌ಸೆಟ್‌ಗೆ ಸಬ್ಸಿಡಿ ಅವಕಾಶ! ಉಚಿತ ಯೋಜನೆ
ಸರ್ಕಾರದ ಪ್ರಕಾರ, ಫಾರ್ಮ್ ಹೌಸ್ ಸ್ವತಂತ್ರ ಆಸ್ತಿಯಾಗಿ ಪರಿಗಣಿಸಲಾಗುವುದಿಲ್ಲ, ಹಾಗಾಗಿ ಗ್ರಾಮ ಪಂಚಾಯಿತಿ ಅಥವಾ ನಗರಪಾಲಿಕೆ ಪ್ರತ್ಯೇಕ ಆಸ್ತಿ ಸಂಖ್ಯೆ (Property ID) ನೀಡಲು ಅವಕಾಶವಿಲ್ಲ. ಭೂಮಿ ಮಾರಾಟ ಮಾಡಲು ಬಂದರೆ, ಲ್ಯಾಂಡ್ ಕನ್ವರ್ಷನ್ ಪ್ರಕ್ರಿಯೆ ಕಡ್ಡಾಯ.
ಈ ನಿಯಮಗಳು ಕೃಷಿ ಭೂಮಿಯನ್ನು ವಾಣಿಜ್ಯೀಕರಣದಿಂದ ರಕ್ಷಿಸಿ, ರೈತರ ಅಗತ್ಯಗಳಿಗೆ ಅನುಗುಣವಾಗಿ ಅಭಿವೃದ್ಧಿ ನಡೆಸಲು ಸಹಾಯ ಮಾಡಲಿದೆ ಎಂದು ಸರ್ಕಾರ ತಿಳಿಸಿದೆ. ಹೊಸ ನಿಯಮಗಳ ಡಿಜಿಟಲ್ ಅನುಷ್ಠಾನವು ರಾಜ್ಯದಾದ್ಯಂತ ಪಾರದರ್ಶಕತೆಯನ್ನು ಹೆಚ್ಚಿಸಲಿದೆ.
New Rules for Farmhouse Construction on Agricultural Land in Karnataka
